KISAH RASUI-RASUI PEU INTAT HABA
PEU INTAT HABA
Kisah Rasui-rasui na kheueh sambongan Kitab Haba Gét nyang ka geupeusampoe lé Lukas. Tujuan nyang paleng peunteng lam Kisah Rasui-rasui nyoe na kheueh teu-urai paneuk panyang pakriban murit-murit Isa – deungon geupimpén lé Roh Allah – jijak peusampoe Haba Gét keuhai Isa “di Yerusalem, bansaboh Yudea, di Samaria, dan sampoe u ujong bumoe” (1:8). Kitab nyoe na kheueh calitra keuhai geurakan Kristen nyang teupeuphon lamkawan ureuëng Yahudi laju meukeumang jeuet keu saboh agama keu bansigom donya. Nyang tuléh Kitab nyoe meurasa peureulée teuma jipeuyakén mandum ureuëng nyang baca bahwa ureuëng-ureuëng Kristen bukon kheueh bahya politek subversif ateueh keurajeuen Roma, teuma bahwa agama Kristen na kheueh sibagoe teupeusampoereuna agama Yahudi.
Kisah Rasui-rasui jeuet teubagi lam lhée boh bagian. Lam ban lhée boh bagian nyan deuh teukalon pakriban meukeumang jih wilayah dipat Haba Gét keuhai Isa jipeusampoe dan geureja jipeudong teuma:
(1) Awaiphon geurakan agama Kristen di Yerusalem óh ka lheueh Isa teubeuôt lam Syeuruga;
(2) Teupeuluwah lam daerah-daerah laén di Palestina; dan
(3) Teupeuluwah nyang leubeh rayeuk lom u nanggroe-nanggroe nyang ban sikeulileng Laôt Teungoh sampoe trok u Roma.
Saboh hai nyang hebat dan peunteng lam kitab Kisah Rasui-rasui nyoe na kheueh buet Roh Allah nyang teuka ngon kuasa ateueh ureuëng-ureuëng meuiman di Yerusalem nibak uroe Pantekosta. Lam bandum peuristiwa-peuristiwa nyang na teucetet lam kitab nyoe deuh kheueh bahwa Roh Allah nyan hana putôh-putôh jipimpén dan jipeukong geureja meunan cit ngon mandum peumimpén jih. Haba nyang jipeurunoe lé agama Kristen nibak masa awaiphon nyoe teupeu paneuk lam sijeumeulah khutubah. Peuristiwa-peuristiwa nyang teucetet lam kitab nyoe deuh teukalon padub na meukuasa jih haba nyan didalam udeb ureuëng-ureuëng Kristen dan lam ikatan meusyedara geureja.
Asoe jih
Peusiapan keuteu jakba beurita 1:1-26
a. Peurintah nyang akhé dan janji Tuhan Isa 1:1-14
b. Geunantoe Yudas 1:15-26
Teupeusampoe haba di Yerusalem 2:1–8:3
Teupeusampoe haba di Yudea dan Samaria 8:4–12:25
Peulayanan Paulus 13:1–28:31
a. Phon that teujak keu teujak peusampoe Haba Gét 13:1–14:28
b. Musyawarah di Yerusalem 15:1-35
c. Jak nyang keudua keu teujak peusampoe Haba Gét 15:36–18:22
d. Teujak nyang keu lhée keu teujak peusampoe Haba Gét 18:23–21:16
e. Paulus sibagoe ureuëng keunong teun di Yerusalem, Kaisarea, dan Roma 21:17–28:31
Currently Selected:
KISAH RASUI-RASUI PEU INTAT HABA: LAIACE
Highlight
Share
Copy
Want to have your highlights saved across all your devices? Sign up or sign in
Old and New Testament in Today's Aceh Language @ LAI, 1997.