1 Sámìɔ̀ 11

Sɔ́ɔ̀ kɔ̀ è zìè Ámɔ̀nmɛ̀nù gɔ̀

1Yi do káɛ, Nàhásì é kǝ̀ Amɔ̀nmɛ̀nùa kíŋ káɛ è yaa kózǝmɛ̀nù sɥ̀ wó lo grù ká Zébɛ̀ pɵ̀ gɔ̀, Gélìɛ̀ sɛ̀ gɥ́, wó nìɛ̀ à zɥ̀. Lɛ̀kɔ̀ɔɛ gɔ̃ɔ̃̀nù wó kǝ̀ Zébɛ̀ɛ̀ wô pɵ Nàhásì lǝ̀, “Kwà wòdɔwò kǝ, ê kɔɔ́ɛ yi lò yi kɔ̀yà ɥ gɔ̀ ɥ́n kǝ yia líésɥ́mɛ̀ ká.”

2Kǝǝ Ámɔ̀nmi Nàhásì yà pɵ̀ wo lǝ̀, “Lɛ̀ é kâ poóɛ kwalò wòdɔwò kǝ nɛ̀ɛ̀ á ka sáálɵɛ ka krɛ̀ɛ̀gɥ́ nyàga ɓo kɛ̀agɥ́, yàkɔɔ́ɛ kǝ xlǝ nyɛ̀ɛ̀ kpɔ́ Ézrɛ̀ là.”

3Nyɔàzǝ̀ wó kǝ̀ Zébɛ̀ pɵɵɛ wô pɵ à lǝ̀, “Ƃò lɛ̀kpààyì srɔ́àpèètɛ nu yi lǝ̀ nyíì bɔmɛ̀nù bɔ Ézrɛ̀ sɛ̀ sáálɵɛ gɥ́. É yàkɔɔ́ yiká mɛgbɛɛ ye nyɛ̀ɛ̀ yi gɔ̀laɛ, yi lò yi dè ɓoblɥ́ ɥ lǝ̀.”

4Lɛ̀ bɔmɛ̀nù ɓɛɛ wó nu Gébìɛ̀ lɛ̀ Sɔ́ɔ̀ kǝ̀àɛ̀ ɓàɛ̀ wó wɔ̃́ ɓɛɛ bìɛ̀ mɛ sáálɵɛ lǝ̀, lɛ̀kɔ̀ɔɛ mɛ sáálɵɛ wóo wò sɥlúú wó gbɵbɔ gbéè ká. 5Sɔ́ɔ̀ è kǝ̀ gólɛ̀à nɔ́ ɓlɥ́ɵ̀ wãã̀ yaa yuɔkǝ dùgɔ̃ nù ká, é Sɔ́ɔ̀ yà pɵ, “Mǝ̀kǝ̀ɛ̀? Mǝ̀kǝ̀ mɛ sáálɵɛ wó gbɵbɔà nɛ̀?” Lɛ̀kɔ̀ɔɛ wɔ̃́tàà wó goá Zébɛ̀ gɔ̃ɔ̃̀nù píéɛ wô bìɛ̀ à lǝ̀. 6Lɛ̀ Sɔ́ɔ̀ yà wɔ̃́ ɓɛɛ maɛ, Aaɓi Zùù è nuàlà gɥ́gbéèzǝ̀ ká é wɔ̃́ ɓɛ é naà zòà dèèdè. 7Dùgɔ̃ pèètɛ é bɛ́í do kǝ wo ɓɔàɛ̀, é wo zǝ é wo kã̀ sɛ̃́ɛ̃̀ sɛ̃ɛ̃̀ é bɔmɛ̀nù wó loá Ézrɛ̀ sɛ̀ gɥ́ lɛ̀ sáálɵɛ ɓà, wòa nɛ̀ɛ̀, “Mɛ sáálɵ é yaá nu nyɛ̀ɛ̀ tó Sɔ́ɔ̀ wãã̀ Sámìɔ̀ píéɛ, zɛ̃ã do nɛ̀ é lo kǝá àɓà dugɔ̃ nù ká pɵ́!”

Lɛ̀kɔ̀ɔɛ sùò Yàwɛ lǝ̀sɥ̀ è dà mɛnù ɓɛɛ wo là, wo plɛ́n wó nu wo kólà do, pǝ gbɛɛ ká kǝ lɵ̀ nyɛ̀ɛ̀ mɛ kṹsɛa. 8Lɛ̀ Sɔ́ɔ̀ yà wo lònó Bézɛ̀ pɵɵɛ, mɛ wó go Ézrɛ̀ɛ̀ wò kǝ̀ mɛ vù kǝ̃̀ǝ̃ yààka (300,000) ká, é mɛ wó go Zúdàɛ̀ wó kǝ̀ mɛ vù gɔ́ɔ̀yààka (30,000) ká. 9Lɛ̀kɔ̀ɔɛ wô pɵ bɔmɛ̀nù wó nu ɓɛɛ wo lǝ̀, “Kààbiɛ̀ Zébɛ́ gɔ̃ɔ̃̀nù lǝ̀ nɛ̀ɛ̀, ‘Lɛ̀apíé kǝ xlã nyɛ̀ɛ̀ kɔ̀à wòsɥ̀à mɛ tuzinlɵɛ kalò lasɥ̀ ye.’ ” Lɛ̀ bɔmɛ̀nù ɓɛɛ wó nu wó wɔ̃́ ɓɛɛ bìɛ̀ Zébɛ̀ɛ̀, mɛnùɓɛɛ wo grúlì dèèdè. 10Lɛ̀ yà kǝ pɵ́ɛ, gɔ̃ɔ̃̀nù wó Zébɛ̀ɛ̀ wô pɵ Nàhásì lǝ̀, “Lɛ̀apíéɛ yi lò yi dè ɓoblɥ́ yî nu ɥ lǝ̀, yàkɔɔ́ɛ ɥ mɔ̀à ɥ́n pǝ sáálɵ é lì ɥ lǝ̀ɛ̀ kǝ yi ká.”

11Yi gbɛ ká lɛ̀àlíé lɛ̀tii gɥ́ɛ Sɔ́ɔ̀ è yaa kózǝmɛ̀nù gbɔ̀ukpo kǝ̀ yààka. É wó dà Ámɔ̀n kózǝmɛ̀nù gɥ́ wóo zǝ é toápɵ́ xlǝnlɛ̀ dɔá. É mɛ gapǝ wó laɛ wó pɛ̃̀ sáálɵ, à mɛ pèètɛ wɛ́á waá tá wo kóá gbɔ.

12Lɛ̀ yàkɔɔ́ɛ mɛnù ɓɛɛ wô pɵ Sámìɔ̀ lǝ̀, “Dɵnù wô pɵ ‘Sɔ́ɔ̀ ká ló kǝ yia kíŋ ká ɓǝɛ̀?’ Kà wo nu yi lǝ̀, é kɔɔ́ɛ yi lò wo zǝ.”

13Kǝǝ Sɔ́ɔ̀ yà pɵ̀, “Mɛgbɛ káló ga gbɛ̃́ã̀yì nɛ̀ ká, wɛ́ákũɛ̃, Yàwɛ ya Ézrɛ̀ ɓo gã́gɥ́ gbɛ̃́ã̀.” 14Lɛ̀kɔ̀ɔɛ Sámìɔ̀à pɵ mɛnù ɓɛɛ lǝ̀, “Kànu kwáló Géégàà kwá lòòdɔ Sɔ́ɔ̀ kǝ̀ kíŋ kásɥ̀là dèèdè ɓo.” 15Lɵɛ mɛ sáálɵɛ wò lò Géégàà, lɛ̀ ɓɛ ɓàɛ̀ wó Sɔ́ɔ̀ kǝ̀ kíŋ ká Yàwɛ líé má dèèdè ɓo. Lɛ̀ ɓɛɛ wó zòɔyàgrú sràɓo àɓà Yàwɛ líé, é Sɔ́ɔ̀ wãã̀ yaa Ézrɛ̀mɛ̀ sáálɵɛ wó kpɛ̀kǝ̀ wɔ̃́ é lolíéɛ mɔ́ɔ̀wɔ̃̀ã̀.

Currently Selected:

1 Sámìɔ̀ 11: DHB

Highlight

Copy