Mak 16

1KU te cʼakol e T̤abat̤ t̤ok, ke Mari Magdalini, ku Mari man de Jakop, ku T̤alomi, goke wel n̤yir be bik gwob de Yecu lo toic. 2Ku te bek piny akal tok, eke ghet rang abuo ruel t̤ok. 3Goke rot̤ t̤iec, Yenga bi kur ler we rang t̤ok tong ghok? 4Ku berke ken̤im jot, ku tingke kur aci ler we, kur dit aret. 5Goke lo rangic, ku tingke ran rot t̤i aceng alan̤ gher, an̤yuic cuec, goke rioic. 6Go ran jam, Duongka rioic: wek ayuic Yecu de Nad̤aret̤ ci koic piat: aci ro jot, aliu eten, tiangka piny te cine ye kan t̤in. 7Jalka lo, ku leka koickek puoic ku Pita, An Yecu angor we Galili, abak ting tetui, acit mane luel en e. 8Goke dai lo gher ku ringke we rang t̤ok, ka let̤e kʼaci puot̤ jiet̤, ku cik lek ran do, aci rioic.

9Ku te ci Yecu ro jot e rangic, akal tok, ke kang tuol tong Mari Magdalini, yen ekan ci Yecu jak raic kad̤arou ciec we yegwop. 10Ku lo Mari ku lek koic cat̤ ke Yecu akolon, ku yok ke ke d̤iau. 11Ku te ping kek, An Yecu apir, aci Mari ting, keci gam. 12Go Yecu ber tuol d̤olic la, nong gwob do, tong koic karou ci lo cat̤ ror. 13Goke lo ku leke koic kok, ku ci gam ya.

14Ku te mit̤ koicke kat̤ier ku tok la, go Yecu ber tuol ku waic ke e gam kec kek e gam, ku e puot̤ken ci riel; koicke akec wel ke koic ci ye ting gam te cen rot ber jot e rangic. 15Ku jam Yecu, Jalka lo cat̤ piny nom eben, ku leka koic ked̤ia wel puat̤ ke N̤ialic. 16Ran gam ku ci yor e piu abi koin̤, ran ci gam abi luok we. 17Ku koic ci gam abi jak raic ciec we koic gwup e rincie; ku abi t̤ok ke koic kok nyic; 18ku abi keror jot kecin; ku te dek kek wel raic kaci bi nok; ku abi koic bec t̤ap e kecin ku pir ke.

19Ku te ci jam de Bain̤ Dit Yecu t̤ok, ke lo n̤ial ku lor e N̤ialic, ku n̤yuic cin cuec de N̤ialic. 20Go koic t̤iai, ku leke koic wel puat̤ ke N̤ialic piny nom eben. Go Bain̤ Dit ke koin̤ e luoiden, ku loi ke dit goi koic bi koic wel n̤yic. Amen.

Currently Selected:

Mak 16: CIEC1916

Highlight

Copy