Jakə Tar dɔ Makəturu tə̂ le
Tar dɔ Makəturu tə̂ le
Makəturu kə̂ Jakə dda to nɛ̂n-tɔju ddəm kula dingaw mə dəwje tə̂ ddəm. Makəturu le to mba Egilisije kə̂ loje tə̂ tɔyn kə̂ dəwje gərəje dɔ ndɔje tə̂ənn. Njê-mə-kunnje kə̂ nje-dda makəturu nəənn aw pa tar arəde le, a du ang, n̂-toje to dəwje kə̂ gəlde to Jiipije. Dede le daw dooje nɛ̂n-ddaje lə dəwje kə̂ toje to gɛrɛkəje kə̂ taaje lo nangə tə̂ kə̂ Rɔm.
Makəturu kə̂ Jakə dda le tɔju njê-mə-kunnje tɔyn kə̂ dɔ nangə tə̂ marə kəm-karɛ, yeenn pa nan marə gusu kə̂ ta dda karə pa-nja ləde to ddəw kâra baa kə mə-kunn ləde. Maji karə njê-mə-kunnje dujuje kəm-karɛ nəənn le Lubba a, Lubba a karəde (lo-kanyɛ̂ 1:2-8 ; 3:13-18). Yeenn bba da kasəje ta kubba nangə karə ngəng bba karə marə nɛ̂n tujude ang: Nɛ̂nje kə̂ dɔ nangə tə̂ kə̂ aw ngəng kə de (1:2-4), bbo nɛ̂n-kinga (1:9-11 ; 5:1-6), bbo dda nɛ̂n kə̂ maji ang (1:2-18 ; 4:1-9), koo-rɔ-bo (4:13-16). Makəturu le pa nan: Kunn-mə karə Lubba to dda marə nɛ̂n: Bbo dəw aw dda mə-kâra kə Lubba a, nâ tɔju ddəw kula tə̂ kə̂ naw dda bbo nâ kasə ta kisi baa njaa baann ang (2:14-26). Jakə dda makəturu le arə dəwje kə̂, a du ang, toje to njê-ndooje (2:6) ngaâ bbo nɛ̂n-kinga ddade arə n̂-ndikije ta kinga nɛ̂n. Makəturu le dujude karə n̂-yabbəje njê-ndooje mba ndoo ləde ang (2:1-13).
Nɛ̂nje kə̂ kɔsu kɔyn makəturu le duju njê-mə-kunnje karə ddaje â nəənn: Kuman naan horo naan tə̂, duju Lubba mba naan, təl kə njê kə̂ aw ndəəmje ddəw tar tə̂ kə̂ tɔkɔrɔ.
Currently Selected:
Jakə Tar dɔ Makəturu tə̂ le: KabbaDkS
Highlight
Share
Copy
Want to have your highlights saved across all your devices? Sign up or sign in
© 2020, ACOTBA