Mateo 5:29-30

Jo̧kwajabetjö̧ baikwö wanedö yötawaduwakwö chömöledö: Kwöbajale otiwale sulabenö Dios weökö jawa ja̧köbobö weitjö̧ma, jale kelekwö loköbo. Jau chömöledö, kwiteba'o jawa jwiinö kwö̧jijayonö o̧penönö otiwena, okobe jwiinö kwiteba'o jawakwö ökwöla nöolanö kwö̧japji jö̧ba̧lö. Ja̧danö, kwömamu, kwöwaisobekwöchobesamu sulabenö Dios weökö jawa ja̧köbobö weitjö̧ma, ja̧mu bulatö loköbo. Jau chömöledö, kwiteba'o jawa jwiinö kwö̧jijayonö o̧penönö otiwena, okobe jwiinö kwiteba'o jawakwö ökwöla nöolanö kwö̧japji jö̧ba̧lö—. Jejenö yöawinobe Jesúsma, okobe jwiinö Dios weökö jawa ja̧köbaduwobö weitjöma 'da̧bachibö kakatibaduwo jö̧ba̧lö.