IINDUMISO 85
85
Umthandazo wokucela inceba kaThixo nokukholosa ngaye
Kumongameli; eyoonyana bakaKora. Umhobe.
1Yehova, wabé unetarhu kwilizwe lakho.
Ububabuyisa abathinjwa bakaYakobi;
2Ububuxolela ubugwenxa babantu bakho,
Ubuziselela zonke izono zabo. (Phakamisani.)
3Ubuwufinyeza umsindo wakho ophuphumayo,
Ububuya ekuvutheni komsindo wakho.
4Síbuyise, Thixo ongumsindisi wethu,
Uyisuse ingqumbo yakho kuthi.
5Uya kusiqumbela ngonaphakade na?
Umsindo wakho ùya kuwolulela kwizizukulwana ngezizukulwana na?
6Akuyi kubuya usiphilise na,
Abantu bakho bavuye ngawe?
7Síbonise inceba yakho, Yehova,
Siphe usindiso lwakho.
8Mandive oko aya kukuthetha uThixo, uYehova;
Hayi, uthetha uxolo kubantu bakhe nakwabakhe benceba;
Mabangabuyeli ke ekunyabeni kwabo.
9Inene, usindiso lwakhe lusondele kwabamoyikayo,
Ukuze luhlale uzuko ezweni lakowethu.
10Kuya kuqubisana inceba nenyaniso,
Kuya kwangana ubulungisa noxolo.
11Inyaniso iya kuntshula emhlabeni,
Ubulungisa buqondele busemazulwini.
12Kananjalo uYehova uya kusinika okulungileyo,
Ilizwe lethu lisinike indyebo yalo.
13Ubulungisa buya kuhamba phambi kwakhe,
Buyigqale ngentliziyo indlela yokunyathela kwakhe.
Currently Selected:
IINDUMISO 85: XHO75
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1975. Used with permission. All rights reserved.
