IINDUMISO 100
100
Mkhonzeni uYehova nivuya
Umhobe wombingelelo wokubulela.
1Dumani kuYehova, nonke hlabathi.
2Mkhonzeni uYehova nivuya;
Yizani phambi kwakhe nimemelela.
3Yazini ukuba uYehova nguThixo yena;
Wasenza yena, àsisithi;
Sìngabantu bakhe nezimvu ezalùswa nguye.
4Ngenani emasangweni akhe nibulela,
Ezintendelezweni zakhe nidumisa;
Bulelani kuye, bongani igama lakhe.
5Ngokuba uYehova ulungile,
Inceba yakhe ingunaphakade,
Ukunyaniseka kwakhe kukwizizukulwana ngezizukulwana.
Currently Selected:
IINDUMISO 100: XHO75
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1975. Used with permission. All rights reserved.
