UISAYA 4
4
Ubuqaqawuli beZiyon
1Abafazi abasixhenxe bobambelela ndodeni-nye ngaloo mini, besithi, Sodla esethu isonka, sambathe ezethu iingubo; kodwa masibizwe ngegama lakho, úkususe ukungcikiveka kwethu.
2Ngaloo mini isithole sikaYehova siya kuba yinto enobukhazikhazi enobuqaqawuli, isiqhamo selizwe sibe yingangamsha nesihombo kwabasindileyo bakwaSirayeli. 3Wothi oshiyekileyo eZiyon, noseleyo eYerusalem, kuthiwe úngcwele, bonke ababhalelwe ebomini eYerusalem; 4yakuba ithe iNkosi yakuhlamba ukungcola kweentombi zaseZiyon, yawahlanza amagazi aseYerusalem phakathi kwayo ngomoya ogwebayo, nangomoya olulophu. 5Wodala ke uYehova phezu kweendawo zonke zeentaba zeZiyon, naphezu kweentlanganiso zayo, ilifu elingumsi emini, nokudangazela komlilo ebusuku. Kuba phezu kobuqaqawuli obo bonke, kuya kubakho isigubungelo; 6sibe ngumnquba ongumthunzi emini, ekubaleleni, sibe yindawo yokuzímela nokusithela esiphangweni nasemvuleni.
Currently Selected:
UISAYA 4: XHO75
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1975. Used with permission. All rights reserved.
