Bar EBY'OKUSOBORRA
EBY'OKUSOBORRA
Ebbaruha ya Paulo hali Abarooma ekahandiikwa kuteekaniriza okubunga kwa Paulo mu kitebe kyabaikiriza ba Rooma. Entegeka ye kukora mu Bakristo mu kiikaro eki habw'akasumi, nubwo bamusagike agende Spaini. Akahandiika kusoborra ebirukukwaata ha kwikiriza na ha bwomeezi bw'Abakristo ekitabu kinu kisangwamu ebigambo by'obukwenda bwa Paulo oburukukira obukuru?
Hanyuma y'okuramukya ekitebe ky'abaikiriza ba Rooma n'okubamanyisa okusaba kwe, Paulo n'ahandiika namanyisa ekigendererwa ky'ebbaruha enu; Amakuru Amarungi gamanyisa nkooku Ruhanga acwamu kwegarurra omuntu kuraba omukwikiriza kwonka? (1:17)
Paulo nagalihya ekigendererwa ky'ebbaruha enu. Buli omu, omuyudaaya rundi munyaihanga nayetaaga kurorwa asemiire omumaiso ga Ruhanga, habwokuba boona hamu nibalemwa ekibi, Ruhanga ahikiriza weena anyakwikiriza Yesu. Paulo nayongera kusoborra obwomeezi obuhyaaka hamu na Ruhanga. Omukristo atunga obusinge na Ruhanga kandi Mwoyo wa Ruhanga amwiha omu maani g'ekibi n'okufa. Omu suura 5-8 Paulo nayongera kugambaho ekigendererwa kyekiragiro kya Ruhanga namaani ga Mwoyo we omubwomweezi bw'omukristo. Hanyuma Paulo naafukaana n'ekikaguzo mulingoki Abayudaaya n'abanyamahanga basobora kuteeranizibwa omuntegeka ya Ruhanga habw'abantu boona. Afundikira nagamba ngu: Abayudaaya kwanga Yesu kiri muntegeka ya Ruhanga nukwo asobole kusoroleza hamu abantu boona, nukwo bataahe mumbabazi eziraba mu Yesu Kristo. Uwe naikiriza ngu Abayudaaya tibalyangira kimu Yesu. Ekyahampero Paulo naayegesa ha bw'omeezi bw'obukristo, muno muno okugonza omukukorraana n'abandi: Naayegesa na ha bintu nka binu: kuhereza Ruhanga, omuntu ebyasemeriire kukora habw'ihanga lye na habataahi be; n'ebitekerezo eby'omutima gw'omuntu. Afundikira ebbaruha enu n'obutumwa obw'okuraga n'okuhaisa Ruhanga.
Nkooku birukuhonderana
Kwanjura n'ebigendererwa 1:1-17
Okwetaaga kujunwa 1:18-3:20
Nkooku Ruhanga ajuna 3:21-4:25
Obwomeezi buhyaaka omu Kristo 5:1-8:39
Isirairi omuntegeka ya Ruhanga 9:1-11:39
Entwaaza y'obukristo 12:1-15:13
Kufundikira 15:14-16:27
Currently Selected:
Bar EBY'OKUSOBORRA: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.