Kus 15
15
Bamalaika nibaranga emihito musanju eya ha mpero
1Nubwo narozire omwiguru ekyamahano ekindi ekikuru kandi ekirukuhuniriza. Nubo bamalaika musanju abaina emihito musanju ey'okumalirra, habwokuba ekiniga kya Ruhanga niyo kirukugarukiraho.
2Kandi nkarora ekintu ekirukusisana enyanja ey'ekirahule etabwirwemu omurro, n'abo abaasingwire ekinyamaiswa n'ekisisani kyakyo n'enamba y'ibara lyakyo beemeriire ha rubaju rw'enyanja ey'ekirahule, bakwasire omu ngaro endongo za Ruhanga. 3#Kurug 15:1.Bakaba nibazina ekizina kya Musa omuheereza wa Ruhanga n'eky'Omwana gw'Entaama nibagamba bati:
“Ai MUKAMA Ruhanga ow'obusobozi bwona,
ebikorwa byawe bikuru kandi bihuniriza!
Ai MUKAMA ow'obusinge bwona,
emihanda yawe ehikire kandi y'amazima!
4 #
Yer 10:7;
Zab 86:9. Ai MUKAMA nooha atalikutiina kandi atalikunyumiza?
Niiwe wenka Ahikiriire.
Amahanga goona galiija gakuramye,
habwokuba encwa yaawe ey'obulyo, hati eyolekerwe.”
5 #
Kurug 38:21. Ebi obu byahoire, nkarora omwiguru Enju ya Ruhanga erumu eheema y'obwakaiso ekingwirwe, 6haarugamu bamalaika musanju baina emihito musanju kandi bajwaire ekanzu eza bafuta enungi erukunekaneka, beetegere omu kifuba emyeko ya zaabbu. 7Kandi ekimu ha bihangwa ebbina ebyomeezi kyaha bamalaika musanju ebibindi musanju ebya zaabbu ebiijwire ekiniga kya Ruhanga anyakwomeera ebiro byona. 8#Kurug 40:34; 1 Bakam 8:10,11; 2 Byok 5:13,14; Is 6:4.Enju yaijura omwika ogwarugire omu kitiinisa kya Ruhanga n'omu maani ge, kandi busaho n'omu ayasoboire kugitaaha okuhika emihito musanju eya bamalaika musanju obu yahoire.
Currently Selected:
Kus 15: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
