Luk EBY'OKUSOBORRA
EBY'OKUSOBORRA
Amakuru Amarungi agahandikiirwe Luka gasoborra Yesu nkooku ali Mujuni wa Isirairi kandi Mujuni wensi yoona. Luka ahandika nayoleka ngu Yesu akeetwa Mwoyo wa MUKAMA yamutuma “Kurangirra abanaku Amakuru Amarungi” (4:18), kandi Amakuru Amarungi ganu agahaandikirwe Luka gaijwire ebirukwoleka okufibwaho kw'abo abanyakwina ebyetaago bya buli mulingo. Luka nayoleka omu kicweka ky'okubanza, omuhimbo mwingi ogurukurangirra okwija kwa Yesu; kandi nagaruka kwoleka omuhimbo ha kumalirra na muno Yesu naatwarwa omwiguru. Ebirukukwata hakuraranga n'okweyongera kw'enyikiriza y'Abakristo Yesu amaazire kutwarwa omwiguru nabyo omuhandiiki nuwe omu naabyolekera omu kitabu ky'Ebikorwa by'Abakwenda.
Harumu ebicweka bibiri (Sura 1-2 na 9-19) ebirumu ebintu ebitarukusangwa omubahandiki abandi, nk'ebi ebibazaaho ekizina by'abamalaika n'abaliisa abagenzire kurora Yesu amazire kuzarwa, Yesu omwana ali omunju ya Ruhanga, n'enganikyo-Orw'Omusamaliya Omurungi n'orw'esiringi eyabuzire. Amakuru Amarungi ganu goona nigooleka obukuru obunyakuli omukusaba, Mwoyo Ahikire, omulimo ogw'abakazi baakozire omubutumwa bwa Yesu, hamu n'okwoleka Ruhanga nkooku aganyira ebibi.
Nooku birukuhonderana
Enyanjura 1:1-4
Okuzaarwa n'obuto bwa Yohaana Omubatiza n'okwa Yesu 1:5-2:52
Omulimo gwa Yohaana Omubatiza 3:1-20
Okubatizibwa n'okwohebwa kwa Yesu 3:21-4:13
Obutumwa bwa Yesu mu Galiraaya 4:14-9:50
Kuruga Galiraaya kuhika Yerusaalemu 9:51-19:27
Wiiki erukumalirra haihi n'omu Yerusaalemu honyini 19:28-23:56
Kuhumbuuka, okweyoleka n'okutwaarwa omu iguru kwa MUKAMA 24:1-53
Currently Selected:
Luk EBY'OKUSOBORRA: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.