Luk 10

Yesu naatuma nsanju na babiri

1Ebi obu byahoire, MUKAMA Yesu akakoma abandi nsanju na babiri yabatuma babiri babiri, bamwebebembere omu mbuga n'omu mbuga n'omu biikaro nambere akaba naija kubunga. 2#Mat 9:37,38.Yabagambira ati: “Eby'okugesa bingi, baitu abagesi nubo bake; habweki musabe MUKAMA w'eby'okugesa ayongere abakozi omu musiri gwe. 3#Mat 10:16.Irooko mugende, hati nimbatuma nk'ebyaana by'entaama ebirukugenda omu myaaga hagati. 4Mutatwara ensahu ya sente, n'ey'ebyokulya, noobu zaakuba enkaito; mutaramukyaramukya omu muhanda. 5Enju yoona ei muraataahamuga, mubanze mugambe muti: ‘Obusinge bube omunju enu!’ 6Obu haraaba harumu omuntu arukugonza obusinge, obusinge bwanyu buraikaraga nawe; baitu obu ataasangwemu, buraabagarukiraga. 7#1Kor 9:14; 1Tim 5:18.Enju egi niyo mwikalemu nimunywa ebi baraabahaga, habwokuba omukozi asemerra kuheebwa empeera ye; kandi mutalijeerajeera. 8Obu muraataahaga omu rubuga mukajwahukirirwa, mulye ebi baraabasemberezaaga, 9mukize abarwaire baamwo, kandi mubagambire muti: ‘Obukama bwa Ruhanga bubairiire haihi.’ 10#Ebik 13:51.Baitu obu muraataahaga omu rubuga nambere baayanga kubajwahukirra, mugende omu makuute gaarwo, muganbe muti: 11#Mat 10:7-14; Mar 6:8-11; Luk 9:3-5.‘Nangwa n'ecuucu ey'orubuga rwanyu enyakuli ha bigere byaitu twagibateerateerra; baitu mumanye obukama bwa Ruhanga nkooku bubairiire haihi.’ 12#Kub 19:24-28; Mat 11:24; Mat 10:15.Nimbagambira nti: Ha kiro ky'okucwerwa omusango, Sodomu eriganyirwa kukira orubuga oru!”

Omusango gw'embuga ezitarukwegarukamu

(Mat 11:20-24)

13 # Is 23:1-18; Ezek 26:1—28:26; Yow 3:4-8; Amos 1:9,10; Zek 9:2-4. “Olikibona iwe Korazini! Olikibona iwe Betisaida! Habwokuba ebyamahano ebyakoliirwe omuli inywe kakuba byakoliirwe omu Tiiro na Sidooni, baakubaire beegarukiremu ira bajwaire ebiguniya kandi baikaliire omu iju. 14Baitu ha kiro ky'okucwerwa omusango Tiiro na Sidooni ziriganyirwa okukira inywe. 15#Is 14:13-15.Kandi iwe Kafaranaumu olinyumizibwa ohike haiguru? Nangwa, oligarurwa hansi okuzimu!

16 # Mat 10:40; Mar 9:37; Luk 9:48; Yoh 13:20. “Weena anyakubahurra buli ahuliire nyowe; kandi weena arukunyanga buli ayangire Ogu ayantumiire.”

Nsanju na babiri nibagaruka

17Nsanju na babiri bakagaruka basemeriirwe muno, nibagamba bati: “Waitu, emyoyo emibi nayo ekatuhurra habwawe!” 18Yesu yabagarukamu ati: “Nkarora Sitaani naagwa nk'omurabyo ogurukuruga omwiguru. 19#Zab 91:13.Hati mbahaire obusobozi bw'okurubatirra enjoka n'enge, n'okurubatirra amaani goona ag'omunyanzigwa; kandi busaho kintu ekiribakora kubi. 20Kyonka muleke kusemererwa habw'emyoyo emibi kubahurra; baitu musemererwe habwokuba amabara ganyu gahandiikirwe omwiguru.”

Amakuru Amarungi gasuukulirwa abataina bugobya

(Mat 11:25-27; 13:6-17)

21Kandi omu kasumi ako Mwoyo Ahikiriire akaijuza Yesu okusemererwa, nukwo uwe kugamba ati: “Ninkusiima Taata, iwe MUKAMA w'iguru n'ensi, habwokuba ebintu ebi, okabisereka ab'amagezi n'abarukwetegereza, wabisuukurra abaana bato. Ego Taata, habwokuba eki nikyo wasiimire. 22#Yoh 3:35; Yoh 10:15.Isenyowe akankwasa ebintu byona; kandi busaho n'omu amanyire Mwana okwihaho Ise, kandi busaho amanyire Ise okwihaho Mwana, na weena Mwana ou agonza kumusuukurra.”

23Nubwo Yesu yahindukiire abeegesebwa be, yabagambira omu bihwa ati: “G'omugisa amaiso agarukurora inywe ebi murukurora! 24Nyowe nimbagambira nti: Abarangi baingi n'abakama bakeegomba kurora ebi murukurora, baitu batabirole, n'okuhurra ebi murukuhurra, baitu batabihurre.”

Ekiragiro Ekikuru

25 # Mat 22:35-40; Mar 12:28-34. Nubwo haimukire omwegesa w'ebiragiro kumulenga naakaguza ati: “Mwegesa, nkole ki okugwetwa omu bwomeezi obutahwaho?” 26Yesu yamugarukamu ati: “Omu Biragiro kikahandiikwa kita? Osomamu ota?” 27#Bir 6:5; Lev 19:18.Nandiki uwe ati: “Ogonzeege MUKAMA Ruhanga waawe n'omutima gwawe gwona, n'omwoyo gwawe gwona, n'amaani gaawe goona, n'amagezi gaawe goona; kandi ogonzeege mutaahi waawe nkooku oyegonza wenka.” 28#Lev 18:5.Yesu yamugambira ati: “Ogarukiremu kurungi; kora oti, kandi olyomeera.”

Orufumo rw'Omusamaliya omurungi

29Baitu omwegesa w'ebiragiro, habw'okugonza kwerunga, yakaguza Yesu ati: “Kandi mutaahi wange nooha?” 30Yesu yamugarukamu ati: “Kiro kimu omusaija akaba naaruga Yerusaalemu naagenda Yeriko, yagwa omu banyagi abaamujwiremu engoye ze, baamuteera, baagenda baamusiga nahoijahoija. 31Omu kasumi ako haabaho nyakatagara ow'akaba naaraba omu muhanda ogu. Obu yarozire omusaija ogu yamurabaho, yagenda. 32Omuleevi nawe obu yahikireho yamurora, yamurabaho nka nyakatagara oli. 33#2 Byok 28:15.Baitu Omusamaliya ow'akaba naagenda omu muhanda ogu, yahika nambere ali. Obu yamurozire, yakwatwa embabazi, 34yamwirra haihi, yaseesa amagita n'eviini omu bihuta bye, yabisemba. Hanyuma yamuta ha nsoro ye, yamuleeta omunju y'abagoonyi, nambere yamurwaliize. 35Obwire obu bwakiire yakwata siringi ina, yaziha omulinzi w'enju y'abagoonyi, naagamba ati: ‘Omurwaze, obu ndigaruka kyona eki oliba oyongiireho, ndikikusasura.’ 36Hali abo abasatu, nooha ou orukurora ow'akaba ali mutaahi w'omusaija ogu ayagwire omu banyagi?” 37Omwegesa w'ebiragiro yamugarukamu ati: “Ogu ayamugiriire embabazi.” Nandiki Yesu ati: “Na iwe genda okole oti.”

Yesu naabungira Malita na Mariya

38 # Yoh 11:1. Obu bakaba nibagenda, Yesu yahika omu kyaro ekimu; omukazi arukwetwa Malita yamujwahukirra, yamutaahya omunju ye. 39Malita akaba aina owanyina, ibara lye Mariya. Mariya ogu yaikarra haihi n'ebigere bya MUKAMA Yesu naahuliriza ebi akaba naayegesa. 40Baitu Malita akaba naatalibanizibwa emirimo nyingi; nukwo kugenda hali Yesu naagamba ati: “MUKAMA wange, torukurora owanyina nyowe nkooku andekiire kuheereza nyenka? Mugambe, aije ankonyere!” 41Baitu MUKAMA yamugarukamu ati: “Malita, Malita nootunturra kandi nootalibanizibwa ebintu bingi. 42Ekirukwetaagwa kiri kimu kyonka. Mariya ayegomboize omugabo murungi ogutalimwihwaho.”

Currently Selected:

Luk 10: BRR2008

Highlight

Copy