Kub 10

Abantu abaira nkooku baakanyire omunsi

1Runu nurwo oruzaaro rwa batabani ba Noha: Seemu, Haamu na Yafeesi; bakazaara abaana, okusandaara kw'amaizi kumazire kuhwaho. 2Ganu nugo mabara g'abatabani ba Yafeesi: Gomere, Magogi, Madai, Yavani, Tubali, Meseki na Tiraasi. 3Ganu nugo mabara ga batabani ba Gomere: Asekenazi, Riifaati na Togarama. 4Ganu nugo mabara ga batabani ba Yavani: Erisaha, Tarasiisi, Kitimo na Dodanimu. 5Omuli abo nuho haarugire abantu abaararangire omunsi. Ganu nugo mabara ga batabani ba Yafeesi omunsi zaabo, buli ruganda n'engambo yarwo.

6Ganu nugo mabara ga batabani ba Haamu: Kuusi, Misiri, Puuti na Kanaani. 7Ganu nugo mabara ga batabani ba Kuusi: Sebba, Havila, Sabita, Ramahi na Sabiteka. Amabara ga batabani ba Ramahi nugo ganu: Sebba na Dedani. 8Kuusi nuwe yazaire Nimurodi; Nimurodi ogu nuwe yabaire muhiigi wamaani omumaiso ga MUKAMA. 9MUKAMA yamuroraga ali muhiigi w'amaani, nuho baihiriire kugamba bati: “Naasisana Nimurodi MUKAMA ou yarozire ali muhigi w'amaani.”

Nimurodi ayabaire MUKAMA w'okubanza ow'amaani

10Obukama bwe bukabandiza Bbabeeri, Ereki n'Akadi, embuga ezi zoona ziri omunsi Sinara. 11Obu yarugire omunsi egi, yagenda Asiriya, yayombeka embuga: Ninevi, Rehobbosi, Kala 12Rreseni orunyakuli hagati ya Ninevi na Kala; oru nurwo orubuga orukuru. 13Misiri akazaara; Luudi, Anamimu, Lehabimu, Nafutuhimu, 14Pasirusimu, Kasiruhimu, (onu nuwe yarugirwemu Abafirisiti) na Kafutolimu.

15Kanaani akazaara: Sidoni, nuwe mwana we omuzigaijo, yakurasaaho Heeti, 16Abayebbu, Abamooli, Abagirigasi, 17Abahiivi, Abaaliki, Abasiini, 18Abalivaadi, Abazeemali n'Abahaamati. Hanyuma enganda z'Abakanaani zikararanga zaahika hara. 19Ensi eyalemwaga Abakanaani, yabandizaaga Sidoni, egenda ha bukiizi bwa Gerali, ehikira kimu Gaaza: ekwata ha bukiizi bwa Sodomu, Gomora, Adama na Zeboyiimu, ehikira kimu Lasa. 20Ganu nugo mabara ga batabani ba Haamu omu nganda zaabo, engambo zaabo, ensi zaabo n'amahanga gaabo:

21Seemu mukuru wa Yafeesi isenkuru abaana boona ab'Abberi, na uwe akazaara abaana. 22Batabani ba Seemu, amabara gaabo nugo ganu: Eramu, Asuli, Aripakisaadi, Luudi n'Aramu. 23Batabani b'Aramu amabara gaabo nugo ganu: Uzi, Huuli, Geeteri na Maasi. 24Aripakisaadi, nuwe yazaire Seera, kandi Seera yazaara Ebberi. 25Ebberi ogu akazaara abatabani babiri: ibara ly'omu nuwe Pereegi, habwokuba omu biro bye ensi nubwo yabaganizibwemu kandi ibara ly'owanyina, niryo Yokitani. 26Yokitani ogu, akazaara Alimodadi, Serefu, Hazaalimaave, Yera, 27Hadoramu, Uzali, Dikira, 28Obali, Abimeeri, Seeba, 29Ofira, Haavira na Yobbabbu; abo boona bakaba bali batabani ba Yokitani. 30Ensi ei bakaba barumu yarugaga Meesa, egenda ha bukiizi bwa Sefara, ehika hansi y'ensozi eza Buturukaizooba. 31Banu nubo batabani ba Seemu, nkooku bali omu nganda zaabo, engambo zaabo, n'omu mahanga gaabo.

32Zinu nganda za batabani ba Noha, obwijukuru bwabo nkooku barukukuratana omu mahanga gaabo, abo nubo baarugirwemu amahanga agaararangire omunsi, okusandaara kw'amaizi kumazire kuhwaho.

Currently Selected:

Kub 10: BRR2008

Highlight

Copy