2 Abakor 9
9
Naabateererra kukoonyera bagenzi baabo
1Tikirukunyetaagisa kubahandiikira ha by'okukoonyera abantu ba Ruhanga, 2habwokuba nimmanya nkooku mwikara mweteekaniize kukikora. Nikyo ndukubeehaisizaamu omu Bamakedoni nimbagambira nti: Abaakaaya bamazire omwaka beeteekaniize kukoonyera. Kandi obwekambi bwanyu nubwo bwekambisize baingi omuli bo. 3Nimbatumira bagenzi baitu banu, nukwo okwehaisa kwaitu habwanyu omu kukoonyera abaikiriza kuleke kufa busa, baitu babasange mweteekaniize nkooku nabagambiire. 4Abamakedoni abamu bataikara kwija na nyowe bakabasanga muteeteekaniize, tukahemuka-nangwa na inywe mukahemuka-kandi kunu tukabeesiga muno. 5Nikyo naroliire nikyetaagwa kusaba bagenzi baitu banu baije owaanyu ntakaizire, bateekanize kara ekisembo kyanyu eki mwaraganiize ira. Kisangwe kiteekaniziibwe, kitali ky'okuhambirizibwa, baitu habw'okwehayo kwanyu.
Emigisa enyakuruga omu kugaba
6Eki ndukugamba nkinu: anyakusiga bike, aligesa bike; kandi anyakusiga bingi, aligesa bingi. 7#Sir 20:10-15.Buli muntu leka agabe nkooku acwiremu omu mutima gwe, atarukubalirra rundi atarukuhambirizibwa; habwokuba Ruhanga asiima omuntu omwenda. 8Inywe, Ruhanga naasobora kubaha emigisa ya buli mulingo, nukwo mwikale nimutunga byona ebi murukwetaaga, kandi nimwija kusaagisaho eby'okukoonyera buli mulimo gwona omurungi. 9#Zab 112:9.Nkooku kyahandiikirwe kiti:
“Agaba n'obwenda, kandi agabira abaseege;
obuhikiriire bwe bwikaraho ebiro byona.”
10 #
Is 55:10. Ogu anyakuha omusigi embibo, akamuha n'ebyokulya, na inywe alibaha embibo yanyu kandi agyeze. Asobole n'okukanyisa ebikorwa by'obwenda ebi mukora. 11Nimwija kuguudahara omu byona habw'obwenda bwanyu bwingi obulireetera Ruhanga okusiimwa habwaitu. 12Ningira okugabira abaseege tikurukukoonyera abantu ba Ruhanga bonka, baitu kukoonyera baingi okusiima Ruhanga. 13Habw'okukora omulimo ogu ogw'embabazi mukaguhikya, mulihaisa Ruhanga ekitiinisa nimujurra kandi nimwikiriza Amakuru Amarungi ga Kristo. Kandi mulimuhaisa ekitiinisa habw'obwenda bwanyu omu bintu mwabagabiire n'ebi mwahaire abandi boona. 14Nabo baraabatahoga omutima nibabasabira habw'embabazi nyingi za Ruhanga ezikora omuli inywe. 15Ruhanga asiimwe habw'ekisembo kye ekitagambwa.
Currently Selected:
2 Abakor 9: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
