1 Abakor EBY'OKUSOBORRA
EBY'OKUSOBORRA
Ebbaruha ya Paulo hali Abakorinto ekahandiikwa kugarukamu ebizibu by'obwomeezi bw'obukristo n'okwikiriza, obuzibu obu bukaba butaahire omu kitebe ky'abaikiriza Paulo yali atandikire mu Korinto. Mu kasumi ako Korinto rukaba ruli Rubuga rukooto mu Bugiriki. Korinto ekarangaanizibwa muno habw'ebyobusubuzi, eby'obuhangwa, amadiini amaingi n'engeso embi ez'orwaanju.
Omukwenda onu we akakira muno kuhabura ha by'okwebaganizaamu n'engeso z'orwaanju ebyali nibizooka omu kitebe kyabaikiriza. Akagarukamu ebikaguzo by'obuswere, obwebembezi omukitebe kyabaikiriza, ebisembo by'mwoyo, n'ebirukukwata ha kuhumbuuka. Nokwecumiitiriza kwingi naayoleka Amakuru Amarungi nkooku garukugarukamu ebikaguzo binu.
Esuura ya 13, neeyoleka nkooku okugonza kiri nikyo kisembo ekirukukirra kimu eki Ruhanga yahaire abantu be, ekicweka kinu kikira kukozesebwa abantu baingi.
Nkooku birukuhonderana
Okwanjura 1.1-9
Ebitebe mu kitebe kyabaikiriza 1:10--4:21
Eby'engeso enungi n'obwomeezi bw'amaka 5:1--7.40
Abakristo n'abakaafiiri 8:1--11:1
Obwomeezi bwekitebe kyabaikiriza n'okuramya 11:2--14:40
Okuhumbuuka kwa Kristo n'okw'abaikiriza 15:1-58
Eby'okwirukiirra Abakristo ba Buyudaaya 16:1-4
Ebigambo ebindi n'eby'okufundikira 16:5-24
Currently Selected:
1 Abakor EBY'OKUSOBORRA: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.