1 Abakor 5

Orwanju omu kitebe ky'abaikiriza

1 # Bir 22:30. Nikigambwa ngu, mwina orwanju, kandi orwanju orw'omulingo ogutarukusangwa n'omu bakafiiri; habwokuba omusaija naateerana na muka-ise. 2Kandi inywe nimwenyumiza! Timusemeriire kuganya? Omuntu ayakozire eki, asendwe.

3Noobu ndaaba ntali na inywe oku, baitu tuli hamu omu mwoyo. Kandi na inywe, omuntu ayakozire ekibi eki, mmazire ira kumucwera omusango omu ibara lya MUKAMA Yesu. 4Obu murabaga musorrokaine, ndaabaga na inywe mu mwoyo, nyina amaani ga MUKAMA waitu Yesu. 5Omuntu ogu mumuheyo hali Sitaani, omubiri gwe guhwerekerre, nukwo omwoyo gwe gujunwe ha kiro kya MUKAMA Yesu.

6 # Bag 5:9. Nimwenyumiririza busa. Timurukumanya ekitumbisa ekike nkooku kitumbisa ihyanga lyona? 7#Kurug 12:5.Mwihemu ekitumbisa eky'obubi, nukwo mube mugaati omuhyaka ogutarumu kitumbisa ekya ira. Habwokuba Kristo, Omwana gw'Entaama ogw'Okuhingurwaho kwaitu, akatambwa. 8#Kurug 13:7; Bir 16:3.Nahabweki katusemeze ekiro kikuru eky'obugenyi obw'okwijuka Okuhingurwaho, tutaina kitumbisa ekya ira, noobu kyakuba ekitumbisa eky'itima n'obubi, baitu twina omugaati ogutatumbisiibwe, ogutarumu kamogo kandi gw'amananu.

9Omu bbaruha yange nkabahandiikira nimbatanga kwikara n'abasiihani; 10baitu ntagambe kwahukanira kimu n'abasiihani ab'omunsi munu abataikiriza, rundi ab'omukoijo, rundi abasuma, rundi abarukuramya abacwezi. Obu kyakubaire kiri kiti, mwakurugire omunsi munu. 11Baitu eki nabahandiikiire nukwo kubatanga okwikara n'omuntu omwikiriza obu araaba ali musiihani, rundi w'omukoijo, rundi arukuramya embandwa, rundi omujumi, rundi omutamiizi, rundi omusuma-omuntu nk'ogu n'okulya mutalirya nawe. 12#Bir 13:5; 17:7.Nyowe ninfaayo ki okucwera omusango abatali omu kitebe ky'abaikiriza? Abanyakuli omu kitebe ky'abaikiriza tinubo musemeriire kucwera omusango? 13Ruhanga nuwe acwera omusango abatali omu kitebe ky'abaikiriza. Kikahandiikwa kiti; “Omuntu omubi mumubinge, abarugemu.”

Currently Selected:

1 Abakor 5: BRR2008

Highlight

Copy