1 Byok 23
23
1 #
1 Bakam 1:1-40. Daudi obu yagurusire yamara ebiro bingi muno, omutabani Solomooni nuwe yata ha ngoma aleme Isirairi.
Omulimo gw'Abaleevi
2Yasorooza abeebembezi ba Isirairi boona, Abaleevi na banyakatagara. 3Abaleevi abahikize emyaka amakumi asatu n'okukiraho, bakabarwa, baahika emitwaro esatu omu kanaana. 4Yagamba ati: “Emitwaro ebiri n'enkumi ina hali abo, barolerre omulimo ogurukukorwa omunju ya MUKAMA, ha kakaaga, habeho abanyoro n'abacwi b'emisango, 5enkumi ina babe balinzi b'amalembo, kandi enkumi ina, ezindi bahaisanizeege MUKAMA, nibateera ebintu eby'okuhaisaniza ebi nakozire.” 6Yabategeka omu bitongole, naarorra ha batabani ba Leevi: Geresomu, Kohasi na Merali.
7Banu nubo batabani ba Geresomu: Ladani na Simeyi 8Batabani ba Ladani: Omukuru ni Yehyeri, hakurataho Zesamu na Yoweri, boona hamu basatu. 9Banu nubo batabani ba Simeyi: Selomoosi, Hazyeri, na Harani, boona hamu basatu. Abo nubo bakaba bali bakuru b'amaju ga baisenkuru Ladani. 10Kandi banu nubo batabani ba Simeyi: Yahasi, Ziina, Yeyusi na Bberiya. Abbana abo, nubo bakaba bali batabani ba Simeyi: 11Yahasi nuwe akaba ali mukuru, hakurataho Ziina; baitu Yeyusi na Bberiya, batazaale baana aboojo baingi, nukwo kwetwa b'ekitabu kimu kandi b'enju emu.
12Banu nubo batabani ba Kohasi: Amuraamu, Izihaara, Hebburooni na Uziyeli, boona hamu bbana. 13#Kurug 28:1.Banu nubo batabani b'Amuraamu: Arooni na Musa. Arooni akasoroorwa ayezeege ebintu ebirukukirra kimu kwera, uwe na batabani be ebiro byona nukwo bacumikirrege MUKAMA obubbaani, bamuheerezeege, kandi basabirege abantu omugisa omu Ibara lye. 14Baitu batabani ba Musa omusaija wa MUKAMA, bakabalirwa omu ruganda rwa Leevi. 15Banu nubo batabani ba Musa: Geresomu n'Eliyezeere. 16Omu batabani ba Geresooni: Sebweri nuwe akaba ali mwebembezi. 17Batabani b'Eliyezeere: Rehabbiya nuwe akaba ali mukuru; Eliyezeere atazaale baana aboojo abandi, baitu Rehabbiya, uwe akazaara baingi muno. 18Banu nubo batabani ba Izihaara: Selomoosi nuwe omukuru. 19Banu nubo batabani ba Hebburooni: Yeriya nuwe omukuru, hakurataho Amariya, hataho Yahaziyeri, nukwo haija Yekameyamu. 20Banu nubo batabani ba Uziyeri: Miika nuwe omukuru, akuratwa Isiya.
21Banu nubo batabani ba Meraali: Mahali na Muusi. Banu nubo batabani ba Mahali: Eryeza na Kiisi. 22Eryeza akafa atazaire baana aboojo, akazaara abaisiki bonka; ab'oruganda rwabu batabani ba Kiisi, nubo baabaswire. 23Banu nubo batabani ba Muusi: Mahali, Ederi na Yeremoosi, bona hamu basatu.
24Banu nubo batabani ba Leevi, ebitabu byabo nkooku bikaba biri, abakuru b'ebitabu ebi, kandi abo boona abaahandiikirwe amabara, wena ow'akaba ahikize emyaka amakumi abiri n'okukiraho, akaba aina omulimo ogu yakoraga omunju ya MUKAMA. 25Habwokuba Daudi akagamba ati “MUKAMA Ruhanga owa Isirairi, ahaire abantu be obusinge; kandi ebiro byona, naikara Yerusaalemu. 26#Bir 10:8.Habweki, Abaleevi tibakyayetagwa kwetweka eheema rundi ebintu ebindi ebinyakwekonyezibwa ha mulimo ogunyakukorwamu.” 27Daudi nkooku yagambire ha kumalirra, Abaleevi abaahandiikirwe, nubo abo abakaba bahikize emyaka amakumi abiri n'okukiraho. 28#Kubar 3:5-9.Baitu omulimo gwabu, gubege kukonyera batabani b'Arooni, ha mulimo ogw'omunju ya MUKAMA, okurolerra ezigati, ebisiika, n'okusemeza ebintu byona ebirukwera, buli mulimo gwona ogunyakukorwa omunju ya Ruhanga; 29kandi n'okukonyera haby'omugaati ogw'okwolekwa ha nsaano ey'ekihongwa eky'ebyokulya, ha bicweka by'emigaati etatumbisiibwe, ha kihongwa eky'okujuumika, ha kihongwa ekitabwiremu amagita, na ha ndengo ez'ebintu ebibarwa n'ebitabarwa. 30Buli nyenkya, beemerrrege basiime kandi bahaisanizeege MUKAMA, n'orwebagyo nukwo bati, 31kandi buli Sabbato, buli kuboneka kw'okwezi okuhyaka, na ha biro ebikuru ebyatairweho, buli kasumi ebihongwa ebihongerwa MUKAMA obu birabaga nibyokebwa, obutoosa beemerrege omu maiso ga MUKAMA. 32Nukwo balindege bati eheema ey'okutangatanganiramu, n'ekiikaro ekirukwera kandi nukwo baheerezeege batabani b'Arooni ab'oruganda rwabu, ha mulimo ogw'Enju ya MUKAMA.
Currently Selected:
1 Byok 23: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
