Eete. ŋi. a Ŋiu. 1
1
Akilip ka Asaria alotooma ekitet
1Apaki ŋin alosete Sadirak, Mesak, Asaria ka Abedinego alokidiŋ arira a akim, eeosi ŋieosyo neni ka Akuj ka kipurosi Ekapolon. 2Towo nai Asaria kitiira anarira a akim kilip ecela tema,
3Okoe Ekapolon, Akuj atapapaa kosi, irereŋ iyoŋ ka itemokino ikipuroe iyoŋ
ka itopolooritae ekiro kon ŋikaru ka ŋikaru;
4anerae iyookino iyoŋ anakiro a daadaŋ a ŋuna itiyat
iyookino ŋiticisyo kon daadaŋ ka iyookino ŋirotin kon,
iyookino ŋakiro ŋuna itubi iyoŋ daadaŋ.
5Itub iyoŋ ŋakiro anakiyookino alotooma ŋakiro daadaŋ ŋuna imyek iyoŋ ikidolikinete isua ka Yerusalem etaun ŋolo asegan ŋolo atapapaa kosi;
anakiro kon a ŋuna iyookino,
iyau iyoŋ ŋakiro nu daadaŋ neni kosi aŋuna a ŋasecisya kosi,
6anerae ikisec isua ka ikiwou akiwuap ŋikisila kon aŋuna ikiŋeryo isua iyoŋ alotooma ŋuna aronok nooi daadaŋ ŋuna etiyae isua.
7Nyiwuapa isua ŋakiciketa kon,
nyiwuapa isua ikes,
kori nyitiya isua ŋuna ibu iyoŋ ikilimok isua akitiya aŋuna ka ajokis kosi.
8Aŋun, ŋakiro daadaŋ ŋuna imyek iyoŋ epote neni kosi ka daadaŋ ŋuna itiya iyoŋ neni kosi,
itiya iyoŋ itubunit anakiyookino.
9Ikipotok iyoŋ isua neni a ŋimoe kosi, a ŋulu erae ŋikaŋerok ŋulu nyiwuapito ŋikisila ka ŋulu adiŋak
ikipotok daŋ iyoŋ isua neni a erwosit a ŋolo nyitiyae ŋuna iyookino,
erwosit ŋolo aronon nooi akilo daadaŋ anakwap.
10Nyikipedori tokona isua alimun ŋakiro ŋadi,
aruworoi isua ŋulu ikirae ŋiketiyak kon,
ŋulu ikirumito ŋileec ka ŋulu ikijamuwaritae.
11Aŋuna a ekiro kon, nyikipoto isua ŋikaru ka ŋikaru,
ido nyikisa acamunet kon.
12Nyinyaka akisyon kon aneni kosi
aŋuna ka Aburaam a eminat kon ka aŋuna a Isirael a eketiyan kon a ŋolo asegan.
13Ŋiketiyak kon ŋulu ibu iyoŋ kiik akitipitun ŋiletok kec tolalata ikwa ŋikacer ŋulu alokidiama
ka tolalata ikwa asinyon ŋina alodiyete anam.
14Okoe Ekapolon, akudyokun isua akilo ŋituŋa ka akwap ka adio,
ido akudyokun isua akoloŋit na anakwap a daadaŋ aŋuna a ŋasecisya kosi.
15Alorwa kosi, emamukare isua ekepukan, kori ekadwaran, kori ekarikon,
emam isua ainakinet ŋina epeyo, kori amuronot,
kori etic ŋolo emaikina kitiyae, kori ekinyate,
emam neni einakinere isua ainakinet alokiŋaren kon aŋuna ka aryamunia akisyon.
16Kikote neni daŋ, ikilipi isua tocamu iyoŋ ŋitai kosi ŋulu ekiito ka ŋulu itiditeuna 17esibit ikiinakinit isua iyoŋ ŋainakineta ŋuna epeyo ŋuna a ŋimesekin ka ŋimoŋin,
kori ŋalipyo ŋatomotomoe ŋuna a ŋikaalei a ŋulumesekin a ŋulu atumak,
ikilipi kikwaanikin amuronot kosi na alokiŋaren kon
ka ŋainakineta ŋun nakoloŋit na.
Ikilipi daŋ ewuapa isua ŋakiro kon a ŋitai kosi a daadaŋ,
anerae emam ŋileec ŋituŋa ŋulu ikikinyomito iyoŋ.
18Tokona ikiwuapi isua ŋakiro kon a ŋitai kosi a daadaŋ
ikitopoloorit isua iyoŋ ka ikiitanit ayakau kon neni kosi.
19Nyikisirum isua ŋileec,
nai kitiya neni kosi anakidaŋidaŋ, anarimao kon ŋakiro kosi
ka anakisyon kon a ŋina alalan.
20Tolakunae isua alopite a ŋolo a ŋiticisyo kon a ŋulu ka aumokin,
ido okoe Ekapolon kiwuak neni kosi akitopoloor ekiro kon.
21Elipi kisurumae ŋileec daadaŋ ŋulu itiyaete erono neni a ŋiketiyak kon,
emaikina ikes tojamuwarae ka todemarae apedor daadaŋ;
emaikina agogoŋ kec todaun.
22Elipi toyenut ikes atemar iyoŋ bon irae Ekapolon Akuj,
Ekapolon ŋolo eyakar apolou anakwap a daadaŋ.
Eete a Ŋiyudayan a ŋuluuni
23Apotu ŋiketiyak a erwosit ŋulu emasakinitae nakim lu: Mesak, Sadirak ka Asaria torubakis iyasete akimyet, ŋatotol, ŋausi ka ŋakito nakim. 24Tolalaar arira kileŋ ekitet todol ŋamitae ŋuna eapikinito ŋaarei ikiara alokitet, 25kielun akim alokitet tonomiya Ŋibabiloniyae ŋulu aapiyete alokitet. 26Nai abu emalaika ka Akuj bu kwap lokitet toyakaun kaapei ka Asaria ka ŋirukitos keŋ, kisiyoto emalaika arira a akim alokitet, 27kitusub kidiŋ ekitet eyai ekuwuam ŋolo epapal ŋolo ekusi alotooma. Pa adolit akim neni aya Mesak, Sadirak ka Abedinego ka abu akim nyenom ikes tari iwadio pa daŋ anomit ikes, kori pa eyaloloŋete ikes aŋuna ka arira a akim.
28Apotu nai Ŋiyudayan ŋuluuni ŋul kaapei kipuro, kiterereŋo ka kitopoloosi Akuj eyakasi kidiŋ arira a akim ebasi,
29“Okoe Ekapolon, Akuj atapapaa kosi irereŋ iyoŋ, emaikina ikipuroi iyoŋ ka ikitopolooritae iyoŋ nooi ŋikaru ka ŋikaru.
30Kipuroe ekiro kon ŋolo itopolooritae ka ŋolo asegan
emaikina kipuroe nooi ka kitopolooroe ŋikaru ka ŋikaru.
31Irereŋ iyoŋ alo Kai kon a ŋina ka apolou kon a ŋina asegan
emaikina ikipuroe iyoŋ nooi ka ikitopoloor nooi ŋikaru ka ŋikaru.
32Irereŋ iyoŋ Ekapolon ŋolo iŋoliunit kwap alokicoloŋ kon a ŋolo ipukator alokidiama ŋisubuna ŋulu a ŋabebenuk
ka emaikina ikipuroe ka ikitopoloor nooi ŋikaru ka ŋikaru.
33Irereŋ iyoŋ alokicoloŋ kon a ŋolo ka apukan kon
ka emaikina ikipuroe iyoŋ nooi ka ikitopoloor ŋikaru ka ŋikaru.
34Irereŋ iyoŋ anariwo a ŋina alokidiama
ka emaikina eeoi ŋuna kon ka ikitopoloor ŋikaru ka ŋikaru.
35“Iyes ŋisubuna a Ekapolon daadaŋ kipuro Ekapolon toeoto ipurosi iŋes ka kitopoloosi iŋes ŋikaru ka ŋikaru.
36Iyes ŋisubuna ŋulu alokidiama kipuro Ekapolon,
toeoto ipurosi iŋes ka kitopoloosi iŋes ŋikaru ka ŋikaru.
37Iyes ŋimalaikan a Ekapolon kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
38Iyes ŋakipi ŋuna alokidiama kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
39Iyes ŋapedorosyo a Ekapolon kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
40Iyes akoloŋ ka elap kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
41Iyes ŋikacer ŋulu alokidiama kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
42Iyes akiru ka ŋakopi kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
43Iyes ŋikuwamin kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
44Iyes akim ka amwanis kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
45Iyes alilimu ŋina ka akiporo ka amwanis ŋina ka akamu kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
46Iyes ŋakopi ka ŋakako ŋuna irae ekwok, kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
47Iyes ŋakuwarisinei ka ŋapaarasya kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
48Iyes akica ka kiryonut kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
49Iyes ŋakako ka alilimu kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
50Iyes ŋikunoi ka ŋakako ŋuna irae ekwok kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
51Iyes akimilya ka ŋidouwon kipuro Ekapolon,
toeoto ipurosi iŋes ka kitopoloosi iŋes ŋikaru ka ŋikaru.
52Emaikina akwap kipur Ekapolon,
emaikina iŋes toeo ipuro iŋes ka kitopoloo iŋes nooi ŋikaru ka ŋikaru.
53Iyes ŋimoru ka ŋikamukumukui kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
54Iyes ŋiboorei daadaŋ ŋulu irupete alokwap kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
55Iyes ŋanamyo ka ŋaŋololin kipuro Ekapolon,
toeoto ipurosi iŋes ka kitopoloosi iŋes ŋikaru ka ŋikaru.
56Iyes ŋilelyan kipuro Ekapolon,
toeoto ipurosi iŋes ka kitopoloosi iŋes ŋikaru ka ŋikaru.
57Iyes ŋikolya ŋulu aburok ka ŋiboorei daadaŋ ŋulu iyarete anakipi kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
58Iyes ŋikyeny daadaŋ ŋulu iporete kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
59Iyes ŋityaŋ ŋulu ka ariet daadaŋ ka ŋaatuk kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru
60“Iyes ŋituŋa daadaŋ anakwap kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
61Okoe Ŋisirael kipuro Ekapolon,
toeoto ipurosi iŋes ka kitopoloosi iŋes ŋikaru ka ŋikaru.
62Iyes ŋisacaradotin a Ekapolon kipuro Ekapolon,
toeoto ipurosi iŋes ka kitopoloosi iŋes ŋikaru ka ŋikaru.
63Iyes ŋiketiyak a Ekapolon kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
64Iyes ŋitai ka kiyar a ŋulu iyookino kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
65Iyes ŋulu asegak ka ŋulu itiditeuna make alotai kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru.
66“Okoe Anania, Asaria ka Misael kipuro Ekapolon,
toeoto ipurosi iŋes ka kitopoloosi iŋes nooi ŋikaru ka ŋikaru;
anerae ikiu iŋes iwon anakibois a ŋikatwak ka anapedor a ŋina ka atwanare,
ikilaku iŋes iwon alokidiŋ akim ŋina a ekitet ŋina arirae,
ikilaku iŋes iwon alokidiŋ akim.
67Tolakaros neni ke Ekapolon, anerae ejok iŋes
erubakini akisyon keŋ ŋikaru ka ŋikaru
68Iyes daadaŋ ŋulu ilipete neni ke Ekapolon kipuro Akuj a ŋakujo,
toeoto ipurosi iŋes ka tolakar neni keŋ,
anerae erubakini akisyon keŋ ŋikaru ka ŋikaru.”
Currently Selected:
Eete. ŋi. a Ŋiu. 1: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.