Marako 13
13
1Adi dre fora’a yekaluase dia alo ai tayilepi di dre taza adidri, Togilii, mi no kira nii ka, mi no jo dii ka! 2Yesu dre taza adidri, Mi no jo murungu nii ya? A kota’i kira alo di konua kira azididri ko, a kotiza o̱ei.
3Adi dre lirira’a kira Bilayadrina, yekalu laga konale, Petero e, Yakobo e, Yoane e, Andarea be adreki ta lizi adi ti aii taiya, 4ki di, Mi kota amadri ta nii aca angutu ya? Ta nii o̱ei ko’o ta acazo di ta tatadazo di angodi kaliro ya? 5Yesu dre ta bazo tale aiidri, ki di, Mì košu ami ru dia alo di ko’o ami avile latia ko. 6Dia bi dii kaliki ama ruse aii dre ta tara’a ki di, Ma akodi e; aii ko’o dia bi dii avile latia. 7Mì ko yi ta dia dreki adrezo rubu dii, ta rubuzo diiki rubi, amiki togo ko’o ta kuku ko: su ta nii dreki acazo, nga akezo di acadre ko. 8Amvutu diašuru azidi dreki nga rubu diašuru azidi be dise, mataya azidi dre ngazo rubu mataya azina be: ki̱diki̱di kokaiya vo la’u nii‐ase; karabo kaca, ta lizazo di andu ba acale ta nii be.
9Mi košu ami ru: aii dre amiki dozo fele vura talepi diidri; dre amiki coazo sinagogo dii lena; mì kadre kuru mirii kandra, maleke kandra, ama tandise tandu bazo aiidri dise. 10Su tandu tani ngizo zia diašuru o̱ei dii dri̱. 11Aii kose ami lizo tavo ta di, dre amiki dozo fele dia dri̱, amiki togo ko’o ta kuku dridri amikia ta tara’a ko; ta angodi ya a fe amidri saa nidise, mi kota nidi, ami ta nidi talepi dii e ko, Teri Lolo e. 12Adrupi kofe adrupia drale, ata dre mvana fezo drale; anjia konga aiiki tilepi diiru, dreki aiiki ozo drale. 13Dia o̱ei dii koze ami zeze ama ruse: dia togo trotro di ta nii dre akezo di, a kotedri akodi.
14Mi kono di ta konjilepi to di ta nga dre rutizazo di adea dre adrera’a voa su adrele ko (dia ta ñalepi di koni wa) dia adrelepi Yudayana dii kilapaki lile kiranae vuna, 15dia adrelepi jodrina di kaši vudri ko, kaši jona nga do ai joase ko: 16dia adrelepi amvuna di kago ai bongo kacua di do ko. 17Tiza ko’o toko adrelepi a be dii, toko ba felepi ndrolepi dii kitu na’ese. 18Mì kongo ta nii cale yiguna ko. 19Kitu na’ese di tiza adre bua̱ko, ta Nzambe dre nga kayua bazo di, ta ñano di, dridri dia no tiza nitini ko, go acale todia ko. 20Miri koki kitu nii ta̱li ko di, apa dia ko: adi ki kitu nii ta̱li dia i dre drile dise. 21Dra alo di kota amidri di, ki di, Mì no ka, Kristu be konua; mì no ka, Kristu be konana; mì koka’i ko: 22Kristu kinzoro dii, nabi kinzoro dii dreki afole dise, aii kotada ta ta‐tadale dii, ta diaki lindri dre agazo gaga dii be, aii ko kicoa dia Nzambe dre drile dii o avile latia di. 23Mì košu ami ru: mì no ka, ma ta ta o̱ei amidri kiono.
24Kitu kona’etu di tiza murungu nadi ni vudria di, kitu kadre tinimvaro, mba koka paramvero, 25bibinae kadre adele ade buase, nga kokoroko buna dii kadreki bukose. 26Dra aii kono Adamuni Mva alilepi ndurukua, iriñi be we di utukufu be. 27Dra adi komu malaika lile, dre dia i dre drile diiki kebezo lia su dii ase, voase di mvu ambani, buase di mvu ambani.
28Ñano mì koni tandu malobia adea alale di: akodia fekola kogo adrele aruro di, bina dre afozo, mì ni kona o ta a’uzo; 29ami koangia ditini, mì kono ta nii dre acara’a di, mì koni adi adre añi, aizako, adre jotile. 30Ma ta amidri pati, Biro nidi kolavu ko, ta nii kake ka. 31Bu kolavu vo be, ta maña dii lavu ko kani’a. 32Kitu anda, saa anda, dia alo di ni ko, malaika buna dii niki tejia ko, Mva ni ko, alo Ata ni ni. 33Mì kosu ami ru, mì kolama ta, dre ngozo Nzambe kandra; mì dre lokiana nile ko dise. 34Kadre ago adrelepi la’u azidi lena di tini, dre ai jo ta’izo, dre ai adremakandraki mi bazo la̱njile la̱njila̱nji, dre aiiki a̱zi lanjizo aiidri, dre ta fezo adre‐jotile dri koangia akodi kolama ta. 35Kadre nitini kolama ta: mì dre nile ko dise, miri jo adea kago di, ngale yendrose ya di, ngale nga̱ci ketose ya di, ngale agolowa dre wara bera’a ya di, ngale dribise ya di; 36adi kali ṅbororo di, ngale i dre amiki kušuzo ayikora’a. 37Ta ma dre tale amidri di, ta ma dre tale dia o̱ei dii dri̱ di, Mì kolama ta.
Currently Selected:
Marako 13: LOG
Highlight
Share
Copy
Want to have your highlights saved across all your devices? Sign up or sign in
first printed by the British and Foreign Bible Society in 1924 and 1927.
