Matayo 28

1Kitu Sabiti adea o ta akezo di, nga ba ndu wale poso a’ulepi dridri di acadre añi, Maria Magadala e, Maria azina di be aliki mogo no. 2Mi no ka, kidikidi murungu di kaiya vo dre; malaika Miri adea dre asile bualese dise, dre alizo, dre kira lilizo bu tise, dre lirizo drina. 3Akodi mibale ngoro bulagulagu tini, akodi bongo kemve ngoro taluji tini: 4dia ta lamalepi dii dreki liazo akodini roro a, dreki gozo adrele ngoro dia dralepi dii tini. 5Malaika dre ta akozo, dre tazo tokodre, Mi koro nga ko: ma dre nile dise, mi are Yesu, i dre kipale di ni nda. 6Akodi nole yokodo; akodi dre ngale dise, ngoro i ta tale di tini. Mi kali, vura Miri dre aiyizo di no. 7Mi koli mbele, dre dia ai tayilepi dii tazo, ki di, Adi ngadre dra ase; mi no ka; adi dre lizo ami dridri Galilayana; mi kono adi nale: mi no ka, ma ta amidre dre. 8Aii dreki njizo mbele mogolese, tiri e ari murungu di be; dreki razo tai fe dia adini tayilepi dii dre. 9Mi no ka, Yesu dre rukusuzo aii be, dre tazo, ki di, Ari o̱ei be. Aii dreki alizo, dreki akodi pa ruzo, dreki akodi ledezo. 10Dra Yesu ta aiidre, Mi koro nga ko: mi koli dre ama adrupii ngozo aii konjiro Galilayana: aii dreki ama nozo nale.

11Aii dreki lira’a arukaba dia lamalepi diikia ketona ali ba murungu di na dreki koani dridri dii tai acalepi dii tazo o̱ei. 12Aii kokeberu maliga e be dre di, dre ta tazo, aii fe parata we tukutukudre, 13dre tazo, ki di, Mi no ka, Dia akodi tayilepi dii alidre ngacise dreki akodi kuguzo, ama dre aiyira’a. 14Tai nidi ca miri togi talepi dini bibale na di, ama ko’o akodi togo tai ni ka’i, amiki togo ko’oro ta kuku ko. 15Kadre nitini aii doki parata, dreki tai ozo ngoro i dre tadale aiidre ditini: i dre ta nidi tazo la’ule Yudakia ketona, tai nidi be ñanomvano.

16Dia tayilepi mudri‐dri‐alo dii dreki lizo Galilayana, kira anda Yesu dre tale aiidre di dri. 17Aii kono adi dre di, aii tandi adi kandra dre: arukaba dre ka’izo ko. 18Yesu dre alizo aii vuna, dre tazo, ki di, A fe mi lanjilanji madre ngae bu a dii se, vudri diise o̱ei dre. 19Tai nidise mi koli, dreki dia‐suru oei ozo dia tayilepi diiro, aiiki batisi ru Ata adease, ru Mva adease, ru Teri Lolo adease: 20dre tadazo oei aiidre, ta ma dre togi tale amidre dii, aii ko’o: mi no ka, ma adre ami be kolia, vese nga akezo di dre acazo.

Currently Selected:

Matayo 28: LOG

Highlight

Copy