Mattheos 28
28
1Anpetu wakan owihanke kin ekta, wanna anpetu tokaheya ayanpa kta hehan, Mary Magdalene qa Mary unma kin, wicahnakapi kin wanyag hipi:
2Unkan iho, maka śkanśkan wan tanka; maḣpiya eciyatanhan Itancan taohnihde wan kun u, en hi qa tiyopa kin etanhan inyan kin yuptanye c̣a akan iyotanka.
3He ite kin wakanhdi kin iyececa, qa tawokoyake kin wa iyecen ska:
4Unkan he kokipapi on awanyakapi kin nina cancanpi qa wicaśta ṭapi kin iyecen ayapi.
5Unkan maḣpiya ohnihde kin he waayupte c̣a winoḣinca kin hewicakiya; Niye kokipapi śni po; Jesus icipaweḣ okatanpi qon he oyadepi sdonwaya:
6Den un śni; wanna ihduekicetu, heye ciqon iyececa: Kuwa po, Itancan kin wanke ciqon he wanyaka miye.
7Qa kohanna hdapi qa, Wicaṭe cin etanhan kini ce, waonspewicakiye cin ewicakiya po; unkan iho, Galile ekta nitokam iyaya ce, hen wandakapi kta; iho, wanna ociciyakapi.
8Unkan wokokipe wowiyuśkin tanka ko yuha koyaḣanna kihdapi; waonspewicakiye cin hośi wicakakipi kta inyang hdapi.
9Unkan waonspewicakiye cin hośi wicakahdapi icunhan, iho, Jesus itkowicakipa qa heya; Wiyuśkin po. Unkan en hipi qa siha en yuzapi qa ohodapi.
10Hehan hewicakiya; Kopehdapi śni po; mihunkawanji owicakiyag ya po, Galile ekta yapi kta; heciya wanmayakapi kta ce.
11Unkan hena hdapi icunhan, akicita awanyakapi qon etanhan wanjikji otonwe kin en hipi, qa wośnapi kagapi kin taku econpi kin owasin owicakiyakapi.
12Unkan hena witaya mniciyapi, wicaḣincapi ko om, qa he akiiapi, hehan akicita mazaska ota wicaqupi;
13Qa heyapi; Unkiśtinmapi icunhan waonspewicakiye cin hanyen hipi qa manon icupi ce, eya po.
14Unkan he wicaśta itancan kin naḣon kinhan, unkiye ceunkiyapi kta, qa anaunnicikśinpi kta.
15Hecen mazaska kin icupi, qa token onspewicakiyapi kin iyecen econpi; heon wicoie kin he Juda oyate kin en oyakapi ece, anpetu kin dehanyan.
16Hehan waonspewicakiye cin akewanjipi, hena Galile ekta iyayapi, paha wan Jesus cajeyate ciqon hetu.
17Unkan wanyakapi hehan ohodapi; tuka apa ceṭunhdapi.
18Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:
19Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;
20Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.
Currently Selected:
Mattheos 28: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
