Mattheos 23
23
1Hehan Jesus oyate kin, iye waonspewicakiye cin om wowicakiyaka:
2Qa hewicakiya; Wowapi kagapi Pharisee ko Moses oiyotanke tawa kin en iyotankapi ece
3Heon etanhan taku tona openiśipi kin hena owasin opapi qa econ po; tuka iye oḣanpi kin ohna econpi śni po; taku eyapi, tuka iyecen econpi śni ece.
4Waqinpi tketke qa qinpi teḣika heca oheyunpi, qa wicaśta tapete akan ehnakapi ece, tuka iye qe śaśte on yutanpi kta tawatenyapi śni.
5Qa wicoḣan econpi kin owasin wicaśta wanwicayakapi kta e heon econpi ece. Wateśdake tanka ic̣icagapi, qa śina opapun hdutankapi ece.
6Wotapi en oyanke waśteśte cinpi, qa omniciye tipi kin ohna wankan iyotankapi kte cin he waśtedakapi ece:
7Qa tihocoka kin en wicayuwintapi, qa, Itancan, Itancan wicaśta ewicakiyapi kta cinpi.
8Tuka niye, Itancan, eniciyapi kte śni; wanji mdetahunka duhapi, Messiya hee; qa niyepi ewasin hunkawanjinyeciyapi.
9Qa nakun maka akan tuwedan, Ate, eciyapi śni po; Wanji maḣpiya ekta un kin he Ateyayapi.
10Qa nakum, Waonspekiye, eniciyapi kte śni; Wanji Waonspekiye duhapi, Messiya hee.
11Qa tukte wanji iniyotanpi kta hecinhan, he wowidake nitawapi ee kta.
12Tuwe yuwankan iyeic̣iye kta hecinhan, he yuhukun eḣpeyapi kta; qa tuwe ihduhukuya hecinhan, he yuwankan iyeyapi kta.
13Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.
14Wowapi kagapi qa Pharisee kin, wananic̣iḣmanpi, woteḣi niciyankapi nunwe; maḣpiya wokiconze kin wicaśta anawicayeciptapi, niye en dapi kte śni, qa tona en yapi kta cinpi kin teyahindapi ece.
15Wowapi kagapi qa Pharisee kin, wananiciḣmanpi, woteḣi niciyankapi nunwe; miniwanca maka ko aokibeyayapi, wicaśta wanjidan duhomnipi kta; qa ecetu kinhan, niye isanpa nonpa akihde Wakanśica cinca yakagapi ece.
16Tokakeya mani iśtagongapi kin, woteḣi niciyankapi nunwe; hehapi ece; Tuwe tipi wakan kin on wakonze cinhan he taku śni; tuka tuwe tipi wakan kin en mazaskazi yuke cin, he on wakonze cinhan, he waḣtani ece.
17Winitkotkokapi qa istanigongapi; mazaskazi qa iś tipi wakan mazaskazi wakan kage cin unma tukte iyotan he.
18Nakun Tuwe owayuśna kin on wakonze cinhan he taku śni; tuka tuwe wośna owayuśna akan un kin he on wakonze cinhan he waḣtani ece
19Winitkotkokapi qa iśtanigongapi kin; wośnapi qa iś owayuśna wośnapi kin wakan kage cin unma tukte tanka he.
20Heon etanhan tuwe owayuśna kin on wakonze cinhan, e owayuśna qa taku akan un kin koya on wakonza ece.
21Qa tuwe tipi wakan kin on wakonze cinhan, he tipi wakan, qa nakun tuwe ohna ti ece kin, hee on wakonza ece.
22Qa tuwe maḣpiya kin on wakonze cinhan, he Wakantanka oiyotanke tawa, qa nakun tuwe akan iyotanke cin on wakonza ece.
23Wowapi kagapi qa Pharisee kin, wananic̣iḣmanpi, woteḣi niciyankapi nunwe; ceyakata waḣpe skuya, wacanga ko, iwikcemna kin waduśnapi ece; qa woope kin en taku tanka, woowotanna, wowaonśida qa wowacinye, hena ayaktapi śni ece; dena e ecanonpi kta, qa unma nakun econ śni yaunpi kte śni tuka.
24Tokaheya mani iśtagongapi kin, hoponkadan puskem edakupi, qa kamel heca napca iyeyayapi ece.
25Wowapi kagapi qa Pharisee kin, wananic̣ihmanpi, woteḣi niciyankapi nunwe; wakśica wiyatke ko akantanhan duskapi ece, tuka mahen wamanonpi qa wicotawacin śica on ojugjudan.
26Pharisee iśtagonge, tokaheya wiyatke wakśica ko mahentanhan ska kaga wo, kinhan akantanhan he nakun ska kta.
27Wowapi kagapi qa Pharisee kin, wananic̣ihmanpi, woteḣi niciyankapi nunwe ohna wicaḣapi sanyanpi henicecapi hena akantanhan owanyag waśate tuka mahentanhan wicaśta huhu qa taku śica owasin on ojugjudan ece.
28He iyecen niyepi wicaśta ekta akantanhan owotanna yaunpi seececa, tuka mahentanhan wanaic̣iḣmanpi qa woowotanna śni on onijupidan.
29Wowapi kagapi qa Pharisee kin, wananic̣iḣmanpi, woteḣi niciyankapi nunwe; wicaśta wokcan ohna wicaḣapi kin en tipi wicayecagapi, qa wicaśta owotanna ohna wicahnakapi kin hena sanyayapi ece:
30Qa hehapi; Atewicunyanpi ni unpi he anpetu kin en unyakonpi unkanś, wicaśta wokcan wicaktepi qon en ounpapi kte śni tuka ce.
31Hecen tona wicaśta wokcan wicaktepi qon cincapi kin hena niyepi e onihdakapi ece.
32Qa nakun niye niyatepi wicoḣan tawapi kin hena wicayeciyuśtanpi kta.
33Wamduśka henicapi, sinteḣda wicoicage, token wakanśica ti iwicayacopi kin nayecipapi kta he.
34Heon etanhan iho, wicata wokcan, wicaśta ksapa, wowapi kagapi hena koya, niyepi ekta yewicawaśi; unkan etanhan apa wicayaktepi kta, qa icipaweḣ owicayakatanpi kta; qa apa omniciye tipi nitawapi kin ohnahna wicayakapsinpsintapi kta; qa otonwe iyasyaza śicaya wicayakuwapi ece e kta.
35Hecen maka akan wicaśta owotanna wicaktepi hena we kin ocowasin niyepi en aniupi kta; Abel owotanna we kin hetanhan, Zakarias, Barakias cinhintku, tipi wakan qa owayuśna kin iyotahedan yaktepi qon he we kin hehanyan.
36Awicakehan heciciyapi; Dena owasin wicoicage kin de en awicau kta.
37Jerusalem, Jerusalem, wicaśta wokcan wicayakte sa, qa tona niye ekta yewicaśipi qon hena inyan on wiqayakinin ece qon, wahupakoza wan iye cinca ḣupahu ihukuya wicatpahi ece kin, he iyecen wanna ota nicinca wicawapahi kta wacin, tuka niye wicayadapi śni ece.
38Iho, yatipi kin wanna otiwota eḣpeniciyapi:
39Qa heciciyapi; Detanhan tohanyan, Tuwe Itancan caje yuha u kin he yawaśtepi nunwe, ehapi śni, hehanyan wanmayadakapi kte śni.
Currently Selected:
Mattheos 23: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
