Markus 9
9
1Nda tsaren a chi: “Ka diyangen nadi boyowno, imi ne avor miyekangi ga, tá leyi wei á nda kenno fira Homne da Pwa ḅa si kan ka kentsoden.”
2Betsi ano botye tukweltaka Yesu a ngur Bitrus, ka Yaḳub, ka Yohanna, nda muḍo karen a no mwotso gballatso, ten no di siren; sisen a ngaḍo ahumwasen.
3Basyesyeden a ḅurro ta huḍa pwapwat, tá ma avor vratso ḅa ḍa base kunge botsi ungen.
4Iliya ka Musa ta dimma ahakaren, tadi boyo leme ka Yesu.
5Bitrus a mwa a tsa Yesu: “Rabbi nda ḍeino pe pe hi ne do; ḍakamen hiḅa ḍa syegboktso mwaken; hido gekelanga, hido gekelo Musa, hido gekelo Iliya.”
6Ndá leyi la ndaḅa boyo, ta hweyo kabagban.
7Perḅye a si a verren syemye; kworme a dimma a yeji perḅye: “Mano Ndsedei no a na mo, kella?-?men.”
8Ḅogong ḅogong tadi niyo, tá na ma sie Yesu hido, ten no karen.
9Naya ta janga di no mwotso nda hiwaren ḅé tá boyo ndong ḅwara leme sa ta nan, sie Ndso‐Ḅwara ḅe mado avor miye‐mberri.
10Ta kir leme a nda boyo, ta ḍiye so di siren, mino zeregye madtso avor miye‐mberri.
11Ta ḍiyen adi tsani: “Miye‐dori adi tsa, á nda kenno, sie Iliya a si.”
12Nda tsaren a chi: “Iliya a tiya a si, ndadi minna ḍa sye chang. Ya miya ḍaḍuwe leme da Ndse Bwara? Ḅa tono kabagban, miya yimren.
13Hen nadi boyowno: Iliya ḅe si, ta ḍan sye ta mo kat botsi miya ḍaḍuwe anangen.”
14Naya ta si haka miye‐kwoden, ta na lektso miye pus ahakaren, miye‐ḍaḍuwe a ḍiyeren leme.
15Lektso miye naya ta nan ta ndello a maḍo ka tada a pokan.
16Nda ḍiyeren: “Leme mino huna ḍiye so karen?”
17Avor lektso miye, ma nedo a tsa: “Malam, na si gakow ka ndsedei, pitso ne kan á boyo leme,
18ha nda wudo kan do, nda kissa a ngalaren, kwamungen a ḍa pwapulle ndadi tul lyeningen a ngufo. Na boyo miyedi‐kwodow, ma ta dimmaden, tá leyo.”
19Nda mwan a tsan: “Hu miye‐wannetsi ino, huná vo diyalome, gwoḍi ndsatsodam kowno ḅa mbo? Gwoḍi henḅa ḍaka mba sisen kowno? Hwam kan ahakei.”
20Ta sikan ahakan. Naya nda nan, pitso a taḅalaren, nda fuko a njiya adi ngbungtungo a ḍa pwapulle.
21Nda ḍiye bagen: “Ka ha ya sano a gen?” Nda tsa: “Tsi ne ndso yangkyengkyeng.
22Yang hananan nda ḍongen vor ḍiye, ka vor habiye ḅo gekelo nda kipan: na hye leyi ndong so hye na porisin a gwadi.”
23Yesu a tsan a chi: “Na hye leyo! ma di vo diyalome, nda mba sye kat.”
24Gbel bagen ndse a mar kwormungen a tsa: “Hen vo diyalome, na tá vo diyalome hye gwadi.”
25Yesu a na lektso, ta lekko a gyeḅa, nda huba ka pitso rektso a tsan a chi: “Hye pitso á kel leme, hye gbingo, na hiwow, dimma go vor yedingen, ḅé rei perro a yedingen gban.”
26Nda wa kawatso a taḅalaren hananan, nda dimma. Ndse a go iyechi ḅo mberro. Avor miye lekki imi a tsa a chi: “Bo mberro.”
27Yesu a kit tuffongen a madden, ndi gban nda maḍo a kango.
28Naya nda perro vor hwodiye, miyedi‐kwoden a ḍiyen a ḅotso: “Gomino hiná mban a dimmaden?”
29Nda tsaren a chi: “Iyeno á weye dimma ka aso sie ka hiwotso.”
30Ta dimma garo a perrago njiya Galili, ndá mwa na miya leyo
31Nda kenno miyedi‐kwoden a tsaren a chi: “Miya vodo Ndso‐Bwara avor tuffe miye, tanḅa ḅelten, na miya ḅelten, betsi botso mwaken ndaḅa maḍo.”
32Tá leyi leme ano, ta hweyo ḍiye leme.
33Ta si Kafranahum: tsi ne avor hwodiye, nda ḍiyeren: “Leme mino huna ndelso kan a no tuffe?”
34Ta ndsa ḍong, gibo ta ndelso a no tuffe, wano ma‐gbane avorsen.
35Nda ndsa a watiren ten bow a mbidi gbei, nda tsaren a chi: “Na wano moe ḅa go ndso?-?kwamutso, ndaḅa ndsa betso kat, lagba da miye kat.”
36Nda ngur ndse swadei a ḍikko vorsen, nda gbiribren a tsaren a chi:
37“Ma ḅa luw ndse hido avor dziye‐kurkurye botsi ano gekelo kwaka, hen no nda luwo; ma luwri á hen no nda luwo, ndi ma leneri ndadi luwi.”
38Yohanna a tsan a chi: “Hi na ma di dimmado pelle avor kwakenga; hina ḳerren gekelo ndá kwodeino.”
39Yesu a tsa: “Bé huná ḳerren, gibo tá ma ḅa ḍa lentso nyeretso avor kwaka ndaḅo leyo a waddi ka alaleme hasei tan tan.
40Gibo má ḍa ngyatso keino madeino no.
41Gibo ma ḅa vowno gba habiye huna tsobo gekelo hu no miye da Kristo, diyalo nadi boyowno, á ḍongo moneden.
42Nagi ndo ḅwara ḅa ḍikdo hido avor iye‐kur?-?kurye miyedi‐vo diyalome ndaḅa pawo, ḅo perrigo hulatso gakan miya ḅweye faratso, a gallingen a wurrangen, a ngura a ḍongden avor bahar.
43-44Na tuffanga a ḍikda hye pawo, hye bonggen: ḅo perrigo hulatso gakow hye perro vor pitso ka tuffe hido, ḅé dí perro Jahannama ka tyefye gbei vor ḍiye á weye a mberro.
45Na mborranga a ḍikda hye pawo, hye bonggen; ḅo perrigo hulatso gakow hye perro vor pitso ndso‐mborra ḅitsi, ḅé miyá ḍongda avor Jahannama ka mborringa gbei.
46-48Na disa a ḍikda hye pawo, hye diḍagerro: ḅo perrigo hulatso gakow hya perro homne da Pwa ka ditso hido, ḅé miyá ḍongda avor Jahannama ka diyenga gbei, aha iyesyedaren á mberro, ḍiye gban á weya a mbo,
49Gibo nagi wano, miyeḅa tsubwagen ka ḍiye botsi miya ḍa ka fite.
50Fite tsi ne pe pe; na fite tokko so ko ningto?-?den, ka mino miya ḍaden? Ndsam ka fite avorsowno, ndsam yang pe pe di sirowno.”
Currently Selected:
Markus 9: BCYMRK
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1915.
