प्रेरितान काम 26

अग्रीपान सामने पौलुस सोताह वोचाड़ेन बासेण केणे

1अग्रीपा पौलुसाह केयो, “तुवाह तारा बाराम बोलने उकुम हे।” तेवी पौलुस आथ ओंगाण केरीन जापाप देणे बाज गीयो,

2“एय राजा अग्रीपा! जोल्युक वातुन यहुदि मार पोर दोस लागाड़तेह, आज तार सामने तान जापाप देणे माय मी तुवाह हाजो सोमेजथु, 3खास केरीन ज्यानकेरता काय तु यहुदिन रिती रिवाज एने बोलचालाह जाणेह।” एने मी तुवाह विन्ता केरथु काय दिर देरीन मारी होमली ले।

4“जोहलो मारो बोलनो चालनो एने जीवाय आत्योच रेन मार माणहान विचीम एने यरूशलेम माय कोहलोक एतो, ज्यो आखा यहुदिह मालुम हे। 5#प्रेरितान काम 23:6; फिलेपियो 3:5ता माहु जुलूम वेगान जाणतेह, एने केदी ता होद्ती ते ज्यी वातीन पुरावो देय सेकतेह, मी आमरी रितीन आखाह रेन केठीण फरिसी टोलान एक मेहमोर ने रूप माय जीवाय जियेल हे। 6पुण एवी ता वायदा माय आसान कारेण जो बोगवान आमरा डायडाया हिऱ्यो किरेल ईतो, ती आसा देरनेन वोजेसे मारो नियाव एणे बाजरिनोह। 7तास वायदान पुरो एणेन आसा लागाड़ेल, आमरा बारा वोस तान आखो मोन लागाड़ीन रात दिह बोगवानान सेवा किरते आयेल हेते। एय राजा, ज्‍यीस आसान बाराम यहुदि मार पोर दोस लागाड़तेह! 8जेवी बोगवान मुरेलाह जीवतालो किरेह, ज्यो तुमरे माय रेन जुलूम जाणाह बुरहो काहा नाह ईत?”

9 # प्रेरितान काम 8:3; 22:4,5 “मी जुलूम सुचेल ईतो काय यीशु नासरीन नावा माय जुलूम काय केरू। 10एने मी यरूशलेम माय इहीचकेरीन केरीन किरेल बी। एने मुखी चाकऱ्या फाय रेन आदिकार लेएन जुलूम होवटा बोगवानान माणहाह जेली माय कोंड्यो, एने जेवी ता माराय जाताला, तेवी मी बी तान विरोद माय मिलायेल ईतो। 11एने एकेक यहुदि बोक्ती केरन्या गेरा माय मी ताह जुलूम वार सेजा आप आपीन यीशु पोर ने बोरहाह नाकार केरनेन केरता केतालो। एने तान विरोद जुलूम राग ईतो काय ताह वेला केरावणेन केरता न्या वोर काय मी दिहरा हेयरा माय बी गीयो।”

पौलुसान मोन बोदेलनेन वर्णन

12“ज्यास उद्देशाह लेन जेवी मी मुखी चाकऱ्या फाय रेन आदिकार एने उकुम पोत्र मांगीन दमिश्‍क निही जातालो।” 13तेवी एय राजा, वाटे दोपान टेम माय जाणे बुखेत, मी जुगाम रेन मोटली उजेड़ एक उजेड़ मार एने मार हेऱ्या जाणारान कावदेन चोमेकतालो दिख्यो। 14तेवी आमु आखा बुई पोर जाय पोड़ना, ते मी इब्रानी बाषा माय एक आवाज होमल्यो, “एय शाऊल, एय शाऊल! तु माहु काहा वेला केरावेह? तु ओहलो केरीन सोता दुख पोचाड़ने बाजरिनोह, जिहकेरीन बुयेल तान लात आरीन दारी पोर लात देणे बाजरिनोह।” 15मी केयो, “एय मालीक, तु कुण हे?” एने मालीक जापाप आप्यो, “मी यीशु हे, जाह तु वेला केरावेह। 16#26:16 थोड़ाक लेख माय मारो नाह लिखेल हे।पुण तु उठ एने तारा पाया केरीन उब रे। काहाकाय मी तुवाह ज्यानकेरता देरसेन आपेल हे काय तुवाह त्यु वातुन बी सेवक एने गोवा ठेरावु, ज्‍यु तु आज दिखेल हे। एने तानकेरता बी जो मी तुवाह बविष्या माय केह। 17एने मी तुवाह तार यहुदि माणहाह एने बिगेर यहुदि रेन बी वोचाड़ते रेह, जा फाय तुवाह मोकेलने बाजरिनोह। 18तान डोला उगाड़ने एने ताह आदारा माय रेन उजाला माय लावणे, एने सैतान ने आदिकार माय रेन बोगवानान उगे फिरनेन केरता, तुवाह मोकेलने बाजरिनोह। ताहसे तुवाह होमालीन मेलुह, ज्याह से ता पापान माफी सापड़ावती एने ता माणहान जागो सापड़ावती जो मार माय बोरहान कारेण चोखा ईयेल हेते।”

पौलुस तान कामान बाराम केणे

19केरीन एय राजा अग्रीपा, मी ता हेरगावाला देरसेनान उकुमाह नाह टाल्यो, 20#प्रेरितान काम 9:20,28,29पुण पेल दमिश्‍क माय ओवतो यरूशलेम माय एने यहुदियान आखा देसान रेणाराह एने बिगेर यहुदिह सोमजाड़ते रिनो, पासतावो केरीन पापा माय रेन फिरीन बोगवाना उगे वोलीन आवो, एने मोन बोदेलनेन लायेक काम केरी। 21ज्यास ने वोजेसे यहुदि माहु मोंदिर माय देर लेदा, एने मारनेन कोसीत केरने बाजरियेल एता। 22पुण बोगवानान मोदेक से मी आज वोर टिक रिनोह, एने आतल्या मोटला आखान सामने न्या उबरीन गोवाय देथु। एने ज्‍यु वातु जाणाव केरनारे एने मुसो कियेल हे काय ज्‍यु एण्यु हेत्यु, त्युह सोड़ीन काय नाह केत। 23#1 कुरिंथीयो 15:20काय मसीह दुख वेठणे पोड़ी, एने तोस आखान पेल मुरेल माय रेन जीव उठीन, यहुदि एने बिगेर यहुदि माय सुटकारान उजालान खुबेर पोचाड़ी।

24जेवी पौलुस सोताह वाचाड़नेन बाराम इहकेरीन जापाप आपतालो, तेवी फेस्तुस मोटला सोबदाम केयो, “एय पौलुस! तु गांडो हे। तार जुलूम इकेल तुवाह गांडो बाणाव दियेल हे।”

25पुण पौलुस केयो, “एय ईकेलवाला फेस्तुस, मी गांडो नाह सोतो, पुण खेरली एने सोमेजणेन वातु केथु। 26खुद राजा अग्रीपा ज्‍यु वातुह जाणेह, एने मी पुरा ईमोत हिऱ्यो ज्‍यु वातु ताह केणे बाजरिनोह। काहाकाय मी पाको जाणथु काय न्यु माय रेन काल्ली बी ताह मालुम हे ओहलो नाह, मी ज्यानकेरता केणे बाजरिनोह काय ज्यी वात काल्ला कोपरा माय नाह गेटनी। 27एय राजा अग्रीपा, तु बोगवाना फाय रेन खुबेर लावतेह ता पोर बुरहो किरेह काय? होव, मी जाणथु काय तु बुरहो किरेह!”

28तेवी अग्रीपा राजा पौलुसाह केयो, “काय तु ज्यो सोचेह काय थोड़ाक टेम माय तु माहु मसी बाणाव सिकेह?”

29पौलुस जापाप आप्यो, “कोम टेम माय काय जुलूम टेम माय, बोगवाना फाय मारी विन्ता हे काय तु होमलेह तुहलोस एय जाय जोहलो मी हे, पुण सिवाय ज्‍यु आतबेड्युन।”

30तेवी राजा एने आदिकारी, बिरनीके एने ता हेऱ्या बोहणारे माणहे बी उठीन उबरी गीया; 31एने आलेग जाईन आपसाम केणे बाज गीया, “ज्यो माणुह ते ओहलो कायच नाह किरेत, मोतीन डेंड एने जेली माय कोंडाय जाणेन बाराबोर एय।” 32तेवी अग्रीपा फेस्तुसाह केयो, “केदी ज्यो माणुह केसरा फाय नियाव नाय मांगतो, ताहार ज्याह सोड़ देताम आवतो।”

Currently Selected:

प्रेरितान काम 26: NTNii2020

Highlight

Copy

Want to have your highlights saved across all your devices? Sign up or sign in

The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020

Learn More About खेरलो वचन नोवालो नियम