1 कुरिंथीयो 4
4
मसीन प्रेरित
1माणहे आमुह मसीन चाकऱ्या एने बोगवानान मालमात ने कारबारी सोमजे। 2ओवतो न्या कारबारी माय ज्यी वात देखाथे, काय तो बोरहावालो रेय। 3पुण मार नेजरी माय ज्यी जुलूम आत्यी वात हे, काय तुमू नाहते माणहान ईखेह कोरटा माय ली जाईन माणुह पारखी, पुण मी सोता माहुस नाह पारेखणे। 4काहाकाय मारो मोन माहु काल्लीस वातु माय दोसी नाह ठेराणे, पुण ज्या माय मी बिगेर दोसी नाह ठेरात काहाकाय मार पारेख केरनार मार मालीक हे। 5तानकेरता जाह वोर मालीक नाह आवीत, टेमाह रेन पेल काल्लीस वातीन नियाव मा किरहो, तोस आदारा माय लीकेल वातु उजाला माय देखाड़ी, एने मोनान मतने वातु देखाड़ी, तेवी बोगवानान उगे रेन एकेकान बोड़ाय एय।
6एय बाय बोणहा, मी ज्यी ज्यी वातु माय तुमरी केरता आपणी एने अपुल्लोसान वात किस्सान रिती पोर रेन किरेल हे, ज्यानकेरता काय तुमू आमरी द्वारे ज्यो पुस्तेक माय लिखेल हे ताह रेन ओंगाण नाह जाणु एने एकान उगे रेन दिहरान विरोद माय मोठलाय मा किरहो। 7तुमरे माय एने दिहरा माय कुण मालमात किरेह? एने तार फाय काय हे, जो तु दिहरा फाय रेन निहे लिदो एय? एने तु दिहरा फाय रेन लिदो एय, ते ओहलो मोठाय काहा किरेह जीहे काय निहे लिदो एय?
8तुमू ज्यो विचार केरतेह काय तुमू मालदार एय गीयाह, तुमू आमरे बिगेर राज केऱ्याह; पुण हाजो एतो काय तुमू राज केरता काय आमु बी तुमरी हेऱ्या राज केरता। 9मारी सोमेज माय बोगवान आमु प्रेरिताह आखान पासाण ता माणहान गेत ठेरायेल हे, जान मोतीन उकुम एय जायेल हे, काहाकाय आमु दुनिया एने हेरोगदुत एने माणहान केरता एक तामाशो ठेरायेल हेते। 10आमु मसीन केरता फोगा हेते, पुण तुमू मसी माय चेतुर हेते; आमु कोमजोर हेते, पुण तुमू पेहेलवान ईवो; तुमूह मान जुड़ेह, पुण आमरी बेजेती ईथे। 11आमु उलबुखे वोर बुखल्या तीहल्या एने फाटेल फाड़का पेरतेह, एने मार खातेह एने मोऱ्या मोऱ्या फिरतेह; 12#प्रेरितान काम 18:3एने आमरास आथा केरीन काम केरीन मेहनेत केरतेह, माणहे आमुह बाकता केतेह, पुण आमु बोरकेत आपतेह, ता विताड़तेह, पुण आमु वेठतेह। 13ता बदनाम केरतेह, पुण आमु मोंग माय जापाप आपतेह, आमु आज वोर दुनियान कोचरो एने सिकल्यो आखी चिजीन खुरवेड़ीन गेत ठिरेल हेते।
14मी तुमूह लाजवाड़नेन केरता ज्यी वात नाह लिखेत, पुण मार मोंगाल्ला सोरान गेत तुमूह सोमजाड़थो। 15काहाकाय केदी मसी माय तुमरा, हिकाड़नारे दोह एजार बी रेता, तीबी तुमरा आबहेख होवटास नाह सोता, ज्यानकेरता काय मसी यीशु माय हाजाली खोबरीन द्वारा मी तुमरो आबोख ईनो। 16#1 कुरिंथीयो 11:1; फिलेपियो 3:17तानकेरता मी तुमूह विन्ता केरथु, काय मार गेत जीवो। 17ज्यानकेरता मी तीमुथीयुसाह जो मालीक माय मारो मोंगाल्लो, एने मालीकान बोरहावालो सेवक हे, तुमू फाय मुकलेल हे, तो तुमूह मसी यीशु माय मारो सोबाव एर केरावी जीहे काय मी आखी जागे आखी मोंडली माय पारचार केरथु। 18थोड़ाक ते ओहला मोटला बोण जायेल हेते, सोमजो मी तुमू फाय आवो काय नाय। 19पुण मालीकान मोरजी एय ते मी तुमू फाय उतवाल्योच आवुह, एने ता मोठाय ने वातुह नाह, पुण तान ताकेतीह जाण लेह। 20काहाकाय बोगवानान राज वातु माय नाह पुण ताकेत माय हे। 21तुमूह काय जुवेह? काय मी डेंगी लेन तुमू फाय आवो, काय मोंग एने गेरबोड़ायीन मोना हिऱ्यो?
Currently Selected:
1 कुरिंथीयो 4: NTNii2020
Highlight
Share
Copy
Want to have your highlights saved across all your devices? Sign up or sign in
The New Testament in Nahali Language © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2020
