ପ୍ରେରିତ 8
8
ସାଉଲ ମଣ୍ତଲିଦିଙ୍ଗ୍ କାସ୍ଟୁ ସିତାନ୍
1ସ୍ତିପାନ୍ତି ସାନିଦଣ୍ତ୍ତିଙ୍ଗ୍ ସାଉଲ ଉନ୍ଡ୍ରେମୋନ୍ ଆତାନ୍ ।
ଆୟାନାଣ୍ତିରାନ୍ ଜିରୁସାଲାମ୍ତି ମଣ୍ତଲି ଉଣ୍ତିଙ୍ଗ୍ ନାଣ୍ତ କାସ୍ଟୁଦି ତାଡ଼ନା ଆରାମ୍ ଆତାତ୍ । ସିସୁରିଙ୍ଗ୍ ଡ଼ିସ୍ସି ଆଇ ୱିଜେରେ ବିସ୍ବାସିର୍ ଜିହୁଦା ନି ସମିରୋଣ ରାଜିଦି ଇନିଙ୍ଗାଁ ଆନିଙ୍ଗାଁ ଆତାସର୍ହାର୍ । 2ଏସ ମାପୁରୁଦି ଦାର୍ମୁ ଲୋକୁ ନାଣ୍ତ ଆଉଲି ଆଜି ଆଡ଼୍ବାଜି ସ୍ତିପାନ୍ତି ସାତି ମାଡ଼ାଦିଙ୍ଗ୍ ମୁସ୍ତାର୍ ।
3 #
ପ୍ରେରିତ ୨୨:୪,୫; ୨୬:୯-୧୧. ମାତର୍ ସାଉଲ ମଣ୍ତଲିଦିଙ୍ଗ୍ ଦଂସ କିଦେଙ୍ଗ୍ ସେସ୍ଟା କିତାନ୍, ଇଲୁ ଇଲୁଦୁ ସଲ୍ସି କ୍ରିସ୍ତ ବିସ୍ବାସି ମେମାରି, ଆଇମା ୱିଜେରିଙ୍ଗ୍ ରେଲ୍ଜି ତାସି ଜଇଲ୍ତୁ ଇଟ୍ତାନ୍ ।
ସମିରୋଣଦୁ ସୁସମାଚାର ପ୍ରଚାର୍
4ଇନିଙ୍ଗାଁ ଆନିଙ୍ଗାଁ ୱିଦିତି ମାର୍ଇ ବିସ୍ବାସିର୍ ୱିଜୁ ତରିନ୍ ସଲ୍ସି ସୁସମାଚାର୍ ପ୍ରଚାର୍ କିତାର୍ । 5ସମିରୋଣଦି ପେରି ଗାଡ଼୍କାଙ୍ଗ୍ଁ ସଲ୍ସି ପିଲିପ୍ପ, ଆବେଣି ଲୋକାମାନୁ କ୍ରିସ୍ତ ନି ମାପୁରୁଦି ସୁସମାଚାର୍ ପ୍ରଚାର୍ କିତାନ୍ । 6ପିଲିପ୍ପଦି ମାଟା ୱେନ୍ଜି ମାରି ୱାନି କାବାଆନି ପାଣି ୱିଜୁ ସୁଡ଼୍ଜି ଲୋକୁ ୱାନି ତରିନ୍ ନାଣ୍ତ ନେଗେନ୍ ବେସ୍ତାର୍ । 7ନାଣ୍ତ ଲୋକା ମାଣାନ୍ ତାଗ୍ଇ ଆତ୍ମେଙ୍ଗ୍ ଆଉଲି ଆଜି ସତେ ସର୍ହେ, ନାଣ୍ତ କୁସ୍ଟ ରୋଗି ମାରି ସଟାର୍ ନେଗେନ୍ ଆତାର୍ । 8ଇୟାଉଣ୍ତିଙ୍ଗ୍ ଆୟା ଗାଡ଼୍ତୁ ଉନ୍ଣ୍ତ୍ରି ୱେଡ଼ିକା ଆଉଲି ୱେଙ୍ଗିଁତା ସର୍ହାତ୍ ।
9ସିମୋନ୍ ଦର୍ତି ଅରେନ୍ ଲୋକୁ ୱାନି ଗୁଣିଆ ବିଦ୍ୟା ଦାନ୍ ଆୟା ସମିରୋଣୟ ରାଜିଦି ଲୋକାଙ୍ଗ୍ କାବା କିଜି ଇଟ୍ତାମାର୍ହାନ୍ । 10ୱାନ୍ ନିଜେଦିଙ୍ଗ୍ ଅରେନ୍ ପେରିଲୋକ୍ ଇଜି ସମାଜ୍ତି ୱିଜୁଜାତିଦି ଲୋକା ଲୋଇ ପେରିପଦ୍ ପୟ୍ତାମାର୍ହାନ୍ । ୱାର୍ ଇଜିମାର୍ହାର୍, “ୱାନ୍ ପେରିସାକ୍ତି ଦର୍ତାନ୍ ୱେଙ୍ଗିଁତି ମାପୁରୁଦି ଉନ୍ଣ୍ତ୍ରି ସାକ୍ତି ।” 11ୱାନ୍ ଗୁଣିଆ ବିଦ୍ୟାଦାନ୍ ନାଣ୍ତ ଦିନ୍ ଆସ୍ସି ୱାନ୍ ସମିରୋଣ୍ତି ଲୋକାଙ୍ଗ୍ ୱାନି ୱାଲେ ବୁଲାଦେଙ୍ଗ୍ ଇଜି ଇଟ୍ଟାମାର୍ହାନ୍ । 12ମାତର୍ ପିଲିପ୍ପତି ମାଣ୍କୁ ମାପୁରୁଦି ରାଜି ମାରି ଜିସୁ କ୍ରିସ୍ତଦି ବିସୟ୍ତାନ୍ ସୁସମାଚାର୍ ୱେନ୍ଜି, ଆୟାବାନୁ ଲୋକା ବିସ୍ବାସ୍ ଆତାତ୍ ମାରି ଆୟା ରାଜିଦି ଆଇମା ମେମାରି ୱିଜେରେ ଡୁବନ୍ ଅତାର୍ । 13ନିଜେ ସିମୋନ୍ ଆୟା ସୁସମାଚାର୍ତୁ ବିସ୍ବାସ୍ କିତାନ୍ । ପିଲିପ୍ପତି ମାଣ୍କୁ ଆତିମାର୍ଇ କାବାଆନି ପାଣି ନି ନେଗେନ୍ କିନି ପାଣି ୱିଜୁ ସୁଡ଼୍ଜି ୱାନ୍ ଡୁବନ୍ ଅସି ପିଲିପ୍ପତି ୱାଲେ ତେବାତାନ୍ ।
14ସମିରୋଣଦି ଲୋକୁ ମାପୁରୁଦି ବାକ୍ୟ ଆସ୍ତାମାନାର୍ ଇଜି ଜିରୁସାଲାମ୍ତୁ ମାନି ପ୍ରେରିତ ସିସୁର୍ ୱେନ୍ଜି, ପିତର ମାରି ଜୋହନତିଙ୍ଗ୍ ୱାରି ଲାକ୍ତୁ ପକ୍ତାନ୍ । 15ୱାର୍ ଆବେ ଇତି ୱେନ୍କା ସମିରୋଣଦି ବସ୍ବାସିର୍ ଏଣ୍ତେସ୍ ପବିତ୍ର ଆତ୍ମା ପୟ୍ନାର୍, ଆୟାଉଣ୍ତିଙ୍ଗ୍ ପାର୍ତନା କିତାର୍ । 16ଇରିଙ୍ଗ୍ ଆୟା ସାନ୍ଦି ୱାରି ଲୋଇ ଏମେୱାରି ମୁସ୍କୁ ପବିତ୍ର ଆତ୍ମା ରେତାଏତ୍ ମାର୍ହାତ୍ । ୱାର୍ କେବଲ୍ ପ୍ରବୁ ଜିସୁକ୍ରିସ୍ତଦି ଦର୍ତାନ୍ ଡୁବନ୍ ଅତାମାର୍ହାର୍ । 17ପିତର ନି ଜୋହନ ୱାରି ମୁସ୍କୁ କିୟୁ ଇଟ୍ତି ଦାପ୍ରେ ୱାର୍ ପବିତ୍ର ଆତ୍ମା ପୟ୍ତାର୍ ।
18ସିମୋନ୍ ସୁଡ଼ୁତାନ୍ ଜେ, ପ୍ରେରିତ ସିସୁର୍ ବିସ୍ବାସିରି ମୁସ୍କୁ କିୟୁ ଇଟ୍ତାର୍ଆକା ୱାର୍ ପବିତ୍ର ଆତ୍ମା ପୟ୍ତାର୍ । ଆବେଟ୍ ୱାନ୍ ପିତର୍ ନି ଜୋହନତିଙ୍ଗ୍ ଡାବୁଙ୍ଗୁଁ ଜାସେ କିଜି ଇର୍ହାନ୍, 19“ନାନ୍ ଆଇୱାରି ମୁସ୍କୁ କିୟୁ ଇଟ୍ତିଙ୍ଗ୍, ୱାର୍ ଏଣ୍ତେସ୍ ପବିତ୍ର ଆତ୍ମା ପୟ୍ଦେଙ୍ଗ୍ ଆଟ୍ନାର୍, ଇୟାଉଣ୍ତିଙ୍ଗ୍ ନାଙ୍ଗିଁ ଇୟା ସାକ୍ତି ନି ଅଦିକାର୍ ସିଦା ।”
20ମାତର୍ ପିତର୍ ୱାନିଙ୍ଗ୍ ଇର୍ହାନ୍, “ନି ୱାଲେ ନି ଡାବୁଙ୍ଗୁଁ ଦ୍ୱଂସ ଆପିତ୍, ଇରିଙ୍ଗ୍ ଡାବୁଦାନ୍ ନିନ୍ ମାପୁରୁଦି ଦାନ୍ କଣ୍ତେଙ୍ଗ୍ ଅଡ଼୍ବିତିମାନି ! 21ମା ପାଣିଦୁ ନି ଇନି ବାଗ୍ ସିଲେତ୍ । ଇରିଙ୍ଗ୍ ମାପୁରୁଦି ଆଗ୍ଡ଼ି ନି ଜିବନ୍ ନେଗିକା ସିଲେତ୍ । 22ଆଦେଙ୍ଗ୍ ନି ଇୟା ତାଗ୍ଇ ମାଟା ଉଣ୍ତିଙ୍ଗ୍ ମନ୍ ଡ଼େପ୍ଆ, ଇୟାୱାଜା ବିସୟ୍ ସିନ୍ତା କିତିମାନିଙ୍ଗ୍ ପ୍ରବୁ ଏଣ୍ତେସ୍ କେମା କିନାନ୍, ଆୟାଉଣ୍ତିଙ୍ଗ୍ ପ୍ରବୁଙ୍ଗ୍ ପାର୍ତନା କିଆ । 23ଇରିଙ୍ଗ୍ ନାନ୍ ସୁଡ଼ୁଜିନା ଜେ ନି ଜିବନ୍ ରିସାଦୁ ପୁରା ଆତାମାନାତ୍, ନିନ୍ ପାପ୍ ଗାଟିଦୁ ତରାତିମାନି ।”
24ସିମୋନ୍ ଜୋହନ ନି ପିତର୍ତିଙ୍ଗ୍ ଇର୍ହାନ୍, “ମିର୍ ଆମା ୱିଜୁ ଇର୍ଇଦେର୍, ଆକା ଏଣ୍ତେସ୍ ନା ଉଣ୍ତିଙ୍ଗ୍ ଗଟାଏତ୍, ଇୟାଉଣ୍ତିଙ୍ଗ୍ ଦୟାକିଜି ପ୍ରବୁଦି ଆଗ୍ଡ଼ି ପାର୍ତନା କିଦୁ ।”
25ସାକି ନି ପ୍ରବୁଦି ବାକ୍ୟ ୱେର୍ତି ୱେନ୍କା ପିତର୍ ନି ଜୋହନ ଜିରୁସାଲାମ୍ତୁ ଡ଼େସିସର୍ହାର୍ । ଡ଼େସି ସନି ସାରିଦୁ ୱାର୍ ସମିରୋଣଦି ଏସ ନାର୍କାଙ୍ଗ୍ଁ ସୁସମାଚାର୍ ପ୍ରଚାର୍ କିତାର୍ ।
ପିଲିପ ନି ଇତିଓପିଆଦି ପାଣିକିନିକାନ୍
26ପ୍ରବୁଦି ଅରେନ୍ ଦୁତ୍ ପିଲିପତିଙ୍ଗ୍ ଇର୍ହାନ୍, “ତିଆର୍ ଆଆ, ଉଣେରି ତରିନ୍ ଜିରୁସାଲାମ୍ତାନ୍ ଗାଜା ତରିନ୍ ମାନି ପେରିଜାରିଦୁ ସାଙ୍ଗ୍ଆ ।” ଆଜିକାଲି ମାରି ଆୟା ରାସ୍ତା ବ୍ୟବ୍ହାର୍ ଆଏଜିନାତ୍ 27ଆବେଟ୍ ପିଲିପ ନିଙ୍ଗିଁତା ସର୍ହାନ୍ । ମାରି ସୁଡ଼ୁଦୁ, ଇତିଓପିଆ ଦେସ୍ତି କାଣ୍ତାକି ଦର୍ତି ରାଣିଦି ମାନୁ ପେରିପାଣିକିନି ପଦ୍ ପୟ୍ତି ଇତିଓପିଆଦି ପାଣିକିନିକାନ୍, ଏନ୍ ତାନି ୱିଜୁ ଦନ୍ସମ୍ଫତିଦି ସୁଣିକାନ୍ ମାର୍ହାନ୍, ୱାନ୍ ମାପୁରୁଙ୍ଗୁଁ ପାର୍ତନା କିଦେଙ୍ଗ୍ ଇଜି ଜିରୁସାଲାମ୍ତୁ ୱାତାମାର୍ହାନ୍; 28ୱାନ୍ ୱାନି ରତଦୁ ବାସ୍ସି ଇନ୍ଡ୍ର ଡ଼େସିସଲ୍ସିମାର୍ହାନ୍ । ୱାନ୍ ରତଦୁ ଡ଼େସିସନି ସମୟତୁ ଜିସାୟ ବାବବାଦିଦି ପୁସ୍ତକ ନାଣ୍ତ ଆଉଲି ଆଜି ପଡ଼ାଜି ମାର୍ହାନ୍ । 29ପବିତ୍ର ଆତ୍ମା ପିଲିପତିଙ୍ଗ୍ ଇର୍ହାତ୍, “ଆୟା ରତ ଲାକ୍ତୁ ସାଙ୍ଗ୍ଆ ମାରି ୱାନି ଲାକ୍ତୁ ତେବାଆ ।” 30ଆବେଟ୍ ପିଲିପ୍ପ ଉର୍ସି ସଲ୍ସି ୱାନ୍ ଜିସାୟ ବାବବାଦିଦି ବଇ ପଡ଼ାନିକା ୱେର୍ଆନ୍ । ୱାନ୍ ୱାନିଙ୍ଗ୍ ୱେନ୍ବାତାନ୍, “ନିନ୍ ଆମାକା ପଡ଼ାଜିନି, ଆକା ବୁଜାଦେଙ୍ଗ୍ ଆଟ୍ସିନିନୋ ?”
31ପାଣିକିନିକାନ୍ ଇର୍ହାନ୍, “ଅରେନ୍ ଏନ୍ ନାଙ୍ଗିଁ ଇକା ବୁଜା କିଜ ସିଏତିଙ୍ଗ୍, ନାନ୍ ଏଣ୍ତେସ୍ ବୁଜାଦେଙ୍ଗ୍ ଆଟ୍ନା ?” ୱାନି ୱାଲେ ରତଦୁ ବାସ୍ତେଙ୍ଗ୍ ଇଜି ୱାନ୍ ପିଲିପତିଙ୍ଗ୍ କୁକ୍ତାନ୍ । 32ୱାନ୍ ଦାର୍ମୁସାସ୍ତ୍ରଦି ଇୟା ବାଗ୍ ପଡ଼ାଜି ମାର୍ହାନ୍ :
“କାତ୍ତେଙ୍ଗ୍ ଇଜି ଅଆୟ୍ଆଜିମାନି ମେଣ୍ତା ୱାଜା,
ବୁର୍ବୁସେଙ୍ଗ୍ କୟ୍ନିୱାଲେ ଆଲେନିମାନି ମେଣ୍ତା ୱାଜା
ୱାନ୍ ପଦ୍ ବା ମାଟା ଇନ୍ଏତାନ୍ ।
33ୱାନ୍ ଅପ୍ମାନ୍ ଆତାନ୍ ମାରି ନ୍ୟାୟ୍ତାନ୍ ଜିଣାଏତାନ୍ ।
ୱାନି କୁଟୁମ୍ତି ବିସୟ୍ତାନ୍ ଏନ୍ ଇନିକା ଇନ୍ଡ୍ରେଙ୍ଗ୍ ଆଟ୍ଏର୍,
ଇରିଙ୍ଗ୍ ଦୁନିଆଦୁ ୱାନି ଜିବନ୍ତି ୱିଜ୍ନିକା ଗଟାତାମାନାତ୍ ।”
34ପାଣିକିନିକାନ୍ ପିଲିପତିଙ୍ଗ୍ ୱେନ୍ବାତାନ୍, “ବାବବାଦି ଏ ବିସୟ୍ତାନ୍ ୱେର୍ସିନାନ୍, ନାଙ୍ଗିଁ ଇନ୍ଆଁ । ୱାନି ନିଜେଦି ବିସୟ୍ତାନ୍ ନୋ ଆଇ ଏ ବିସୟ୍ତାନ୍ ?” 35ପିଲିପ ଦାର୍ମୁସାସ୍ତ୍ରଦି ଇୟା ବାଗ୍ତାନ୍ ଆରାମ୍ କିଜି ଜିସୁଦି ବିସୟ୍ତାନ୍ ରାସାତି ୱିଜୁ ନେଗିକାବୁର୍ ୱାନିଙ୍ଗ୍ ୱେର୍ତାନ୍ । 36ୱାର୍ ପେରିଜାରିଦୁ ସଲ୍ପୁ ସଲ୍ପୁ ଉନ୍ଣ୍ତ୍ରି ଏରୁ ମାନି ଲାକ୍ତୁ ଇତାର୍ । ପାଣିକିନିକାନ୍ ଇର୍ହାନ୍, “ଇବେ ତୋ ଏରୁ ମାନେ, ନା ଡୁବନ୍ ଅତେଙ୍ଗ୍ ଇଜି ଇନିକା ବାଦା ମାନାତ୍ ନୋ ?” 37ପିଲିପ ଇର୍ହାନ୍, ନିନୁ ୱିଜୁ ମନ୍ତିୱାଲେ ଜଦି ବିସ୍ବାସ୍ କିନି, ଆତିଙ୍ଗ୍ଁ ଆନାତ୍, ଆବେଟ୍ ୱାନ୍ ଇର୍ହାନ୍, ଜିସୁ କ୍ରିସ୍ତ ଜେ ମାପୁରୁଦି ମାରିନ୍, ଇକା ନାନୁ ବିସ୍ବାସ୍ କିଜିନା । #୮:୩୭ ପିଲିପ୍ପ ଇର୍ହାନ୍, “ନିନ୍ ପୁରା ଜିବନ୍ତାନ୍ ଜଦି ବିସ୍ବାସ୍ କିନି, ଆର୍ତିଙ୍ଗ୍ ଇକା ଆଦେଙ୍ଗ୍ ଆଟ୍ନାତ୍ । ଆବେଟ୍ ୱାନ୍ ଇର୍ହାନ୍, ଜିସୁ କ୍ରିସ୍ତ ଜେ ମାପୁରୁଦି ମାରିସି, ଇକା ନାନ୍ ବିସ୍ବାସ୍ କିଜିନା ।”
38ମାରି ୱାନ୍ ରତଦିଙ୍ଗ୍ ନିଲପ୍ତେଙ୍ଗ୍ ଆଦେସ୍ ସିତାନ୍, ମାରି ପିଲିପ ନି ପାଣିକିନିକାନ୍ ରିଏର୍ ଏରୁ ଲୋଇ ସର୍ହାର୍, ମାରି ପିଲିପ ୱାନିଙ୍ଗ୍ ଡୁବନ୍ ସିତାନ୍ । 39ୱାର୍ ଏରୁତାନ୍ ନିଙ୍ଗ୍ଜି ୱାତି ୱେନ୍କା, ପ୍ରବୁଦି ପବିତ୍ର ଆତ୍ମା ପିଲିପତିଙ୍ଗ୍ ଅତାତ୍ । ପାଣିକିନିକାନ୍ ମାରି ୱାନିଙ୍ଗ୍ ସୁଡ଼ୁଦେଙ୍ଗ୍ ଆଟ୍ଏତାନ୍, ମାତର୍ ୱେଡ଼ିକାଦାନ୍ ପୁରା ଆଜି ୱାନି ସାରିଦୁ ସର୍ହାନ୍ । 40ଏସ ସମୟ ୱେନ୍କା ପିଲିପ ସୁଡ଼ୁତାନ୍ ଜେ ୱାନ୍ ଅସଦୋଦ୍ତୁ ଇତାନ୍ । ଆବେଟ୍କୁ ୱାନ୍ କାଇସରିୟାଦୁ ସର୍ହାନ୍ ମାରି ସାରିଦୁ ମାନି ଗାଡ଼୍କାଙ୍ଗ୍ ସୁସମାଚାର୍ ପ୍ରଚାର୍ କିତାନ୍ ।
Currently Selected:
ପ୍ରେରିତ 8: NTKoo20
Highlight
Share
Copy
Want to have your highlights saved across all your devices? Sign up or sign in
The New Testament in Konda Porja Language © The Word for the World International and Konda Porja Translation Samithi, Dasamanthpur, Odisha 2020
