ରମିୟ ରମିୟ ଚିଟି ବିସୟେ ହଃଦେକ୍
ରମିୟ ଚିଟି ବିସୟେ ହଃଦେକ୍
ଅଃଉଁ ହାରେ ରମିୟ ପୁସ୍ତକ୍ ହାକାହାକି ଜିସୁକ୍ରିସ୍ଟର୍ ଜଃଲମାର୍ ହଃଚେ ୫୪ ହୁଣି ୫୮ ମଃସିଆ ବିତ୍ରେ ପେରିତ୍ ପାଉଲ୍ ଲେକି ରିଲା । ପାଉଲ ରମ୍ ଗଃଳେ ଜାତା ଆଗ୍ତୁ ଜିଉଦି ଆର୍ ଅଜିଉଦି କ୍ରିସ୍ଟିଆନ୍ମଃନ୍କେ ସିକ୍ୟା ଦେଉଁକେ ଇ ଚିଟି ଲେକି ରିଲା । ସଃବୁ ଲକ୍ମଃନ୍ ଜଃନ୍କଃରି ଜିସୁ କ୍ରିସ୍ଟକେ ବିସ୍ୱାସ୍ ଆର୍ ମାୟ୍ନ୍ କଃର୍ତି ୧୬:୨୬ ଇତାର୍ ଗିନେ ସେ କଃଉଁଲା, ଗଃଳେ ରେତା ବଃଳ୍ ରମିୟ କ୍ରିସ୍ଟିଆନ୍ମଃନ୍କେ ସିକ୍ୟା ଦେଉଁକେ ଇ ଚିଟି ଲେକିରିଲା ।
ସଃବୁ ଜଃଗାୟ୍ ସଃବୁବଃଳ୍ କ୍ରିସ୍ଟିଆନ୍ ମଃନାର୍ ଗିନେ ରମିୟ ପୁସ୍ତକ୍ ଗଟେକ୍ ବଃଡେ ମଲାର୍ ପୁସ୍ତକ୍, ବଃଲେକ୍ ଅଃମି କଃନ୍କଃରି ଜିସୁକ୍ରିସ୍ଟର୍ ଦଃୟ୍ ମୁକ୍ତି ହାଉଁହାରୁନ୍ଦ୍, ପାଉଲ୍ ଗବିର୍ ଆର୍ ବୁଜ୍ଲା ହର୍ କଃରି ଲେକିଆଚେ । ପାଉଲ୍ ହଃର୍ନା ନିୟମ୍କେ ହେଁ ଜିସୁ କ୍ରିସ୍ଟର୍ ନିକ କବୁର୍ ସଃଙ୍ଗେ ମିସାଉଁଲା । ୧:୧୬ ହଃଦ୍କେ ନଃୟ୍ କଃତେକ୍ ହଃଣ୍ଡିତ୍ ମଃନ୍ କଃତା କାଟାକାଟି ଅୟ୍ କଃଉଁଲାୟ୍ ଜେ ଇରି ସଃବାର୍ ମଃଜି । ଜୁୟ୍ରି ଇତି କଃଉଆ ଜଃଉଁଲି “ମୁୟ୍ଁ ନିକ କବୁରାର୍ ଗିନେ ଲାଜ୍ ନଃକେରି କାୟ୍ତାକ୍ ବଃଲେକ୍ ଜୁୟ୍ ଲକ୍ମଃନ୍ ବିସ୍ୱାସ୍ କଃର୍ତି ସଃବାର୍ ଗିନେ ଇରି ଇସ୍ୱରାର୍ ସଃକ୍ତି । ହଃର୍ତୁ ଜିଉଦି ଆର୍ ହଃଚେ ଅଜିଉଦିମଃନାର୍ ଗିନେ ହେଁ ।”
ହଃର୍ତୁ ବାଗ୍ ୧–୧୨ ଆତ୍ମିକ୍ କଃତାର୍ ବିତ୍ରି ବିସୟ୍ ଆର୍ । ଆରେକ୍ ଗଟ୍ ବାଗ୍ ୧୩–୧୫ କ୍ରିସ୍ଟିଆନ୍ ଜିବନାର୍ ସଃବୁ ଦିନାର୍ ସିକ୍ୟା ।
ଇ ଚିଟି ବିତ୍ରେ ରିଲା ମୁଳ୍ ବିସୟ୍ମଃନ୍
୧. ପାଉଲ୍ ମୁଳ୍କଃରି ନିଜାର୍ ବିସୟ୍ କୟ୍କଃରି କାକେ ଚିଟି ଲେକୁଲା ସେରି କୟ୍ ଚିଟି ଆରୁମ୍ କଃରୁଲା । ୧:୧-୧୫
୨. ମାନାୟ୍ ଜାତିର୍ ରାୟଃଜ୍ ଆର୍ ଜିସୁ କ୍ରିସ୍ଟର୍ ଦଃୟ୍ ମୁକ୍ତି ଅଃଉଁ ହାରେ । ୧:୧୬–୧୧:୩୬
୩. କ୍ରିସ୍ଟିଆନ୍ ଜିବନ୍ କାଟ୍ତାର୍ ଗିନେ ପାଉଲାର୍ ଅଃନେକ୍ ହଃତିଦିନାର୍ ସିକ୍ୟା । ୧୨:୧–୧୫:୧୩
୪. ସେ ରମିୟ ମଣ୍ଡ୍ଳିର୍ ଲକ୍ମଃନ୍କେ ଜୁଆର୍ ଜାଣାୟ୍ ଲେକା ସେସ୍ କଃରିଆଚେ । ୧୬
Currently Selected:
ରମିୟ ରମିୟ ଚିଟି ବିସୟେ ହଃଦେକ୍: NTBPL20
Highlight
Share
Copy
Want to have your highlights saved across all your devices? Sign up or sign in
The New Testament in Bodo Parja Language © The Word for the World International and Bodo Parja Translation Samithi, Dasamanthpur, Odisha, 2020.