Luka GÎTAARÎRIA
GÎTAARÎRIA
Ûvoro Mwaro ûrîa wavecanirwe nî Luka wonanagia atî Jesû nîke Mûvonokia ûrîa Ngai eerîre andû a Isiraeli na nwake Mûvonokia wa andû onthe a nthî. Wa na rîngî Luka nwa nîwonanîtie atî Jesû nîwetirwe nî Roho wa Mwathani nîguo “akavunjîrie athîni ûvoro Mwaro” (4.18). Îvuku rîîrî rîcûrîte ûvoro mwîngî mûno wîgiî andû arîa marî na mathîna na mavataro ma mîthemba mîîngî. Ûvoro wa gîkeno nî wonanîtue waro icunjîrî cia mbere irîa ciarîtie ûvoro wa gûka kwa Jesû, na ûkonanua gîcunjîrî gîa kûrîkîrîria kîrîa kîvecanîte ûvoro wa Jesû akiunûkia îgûrû. Rûgano rwa ûrîa ûkristiano wakûrire na watambire vuva ya Jesû kûthiî îgûrû, nî wandîkîtwe nî Luka îvukuurî rîa “Ciîko cia Atûmwa.”
Maûndû mengî marîa marî icunjîrî cia 1—2 na 9—19 monekaga tu îvukuurî rîîrî. Mamwe ma maûndû marîa monekaga îvukuurî rîîrî tu nî; ng'ano ciîgiî rwîmbo rwa araika, na ûvoro wîgiî arîthi arîa maathiîre gûcerera Jesû aciarwa; ûvoro wîgiî Jesû vîndî îrîa ke aarî hekarûrî arî kamwana; na ngerekano ya Mûsamaria Mwaro na ya Mwanake ûrîa waûrîte. Îvuku rîîrî rîrî na maûndû rîkathîrîrîtie mûno, namo nî; Mavoya, Roho Mûtheru, wîra wa aka ûtungatarî wa Jesû, na ûvoro wa ûrîa Ngai ovanagîra mevia.
Ûvoro ûrîa ûrî îvukuurî rîîrî
Gîtaarîria 1.1-4
Gûciarwa kwa Johana Mûvatithania na kwa Jesû wa vamwe na ûnini wao 1.5—2.52
Wîra wa Johana Mûvatithania 3.1-20
Kûvatithua na kûgerua kwa Jesû 3.21—4.13
Wîra wa Jesû kûrî wa andû a Galili 4.14—9.50
Kuuma Galili nginya Jerusalemu 9.51—19.27
Kiumia kîa mûthiia kîa Jesû arî vakuvî na Jerusalemu na arî kuo 19.28—23.56
Kûriûka kwa Mwathani, kwîyonithania wa vamwe na kûthiî îgûrû gwake 24.1-53
Currently Selected:
Luka GÎTAARÎRIA: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019