Joh 20

Jesû nîwariûkire kuuma kûrî akuû

(Mat 28.1-8; Mar 16.1-8; Luka 24.1-12)

1Jumaviri kîraûko macangîa kûrî na nduma, Mariamu Mûmagidali nîwathiîre mbîrîrarî. Na rîrîa oonire îthiga rîrîa rîaigîtwe mûromorî wa mbîrîra rîrî rîthengutie, 2nîwang'aîrire akîthiî kûrî Petero na mûrutwa ûrîa wîngî Jesû eendete na akîmeera atîrî, “Nîathengutiu Mwathani kuuma mbîrîrarî na tûtiîcî kûrîa mamwigîte!”

3Kwoguo Petero na mûrutwa ûcio wîngî nîmaathiîre mbîrîrarî mavinyûrîte, 4nwatî mûrutwa ûcio wîngî nîwakîririe Petero îvenya na agîkinya vo mbere yake. 5Nîwakuamîrîrie akîrorereria ndaarî na akîona cuka ya gatani îrî vau nthî, nwatî ndaatonya kuo. 6Nake Simoni Petero ûrîa wamumîte vuva nîwakinyire na akîthiî atonyete mbîrîrarî. Nîwonire cuka ya gatani îrî vau nthî, 7nakîo gîtamî kîrîa Kîamrigicîte kîongo Kîam Jesû kîrî gîkûnje na gîkaigwa vandû ngûrani na varîa cuka yarî. 8Nake mûrutwa ûcio wîngî wakinyîte mbîrîrarî mbere wa nake nîwatonyire akîona na agîtîkia. (9Nginya vîndî îo matiarî ataûkîre nî mandîko matheru marîa maugîte atî nwa nginya ariûke kuuma kûrî akuû.) 10Nao arutwa acio nîmaacokire makînûka kwao mîciî.

Jesû nîwaumîrîre Mariamu Mûmagidali na makîaria nake

(Mat 28.9-10; Mar 16.9-11)

11Mariamu nîwarûngamire vau nja vakuvî na mbîrîra akîrîraga. Na wa akîrîraga nîwakuamîrîrie na aroria kûu mbîrîrarî ndaarî, 12nîwonire araika aîrî mekîrîte nguo cia rangi îno njerû. Nao meekarîte varîa mwîrî wa Jesû wethîrîtwe ûrî. Ûmwe eekarîte mwena ûrîa kîongo Kîamrî, na ûcio wîngî agekara mwena ûrîa magûrû maarî. 13Nao nîmaamûririe atîrî, “Mûndûmûka ûyû ûrarîra nîkî?”

Nake nîwamacokerie atîrî, “Nîûndû nîmakuuire Mwathani wakwa, na rîu ndiîcî varîa mamwigîte!”

14Nake Mariamu nîwacokire akîvûgûka na akîona Jesû arûngamîte vau, nwatî ke ndaamenya atî nî Jesû. 15Nake Jesû nîwamûûririe atîrî, “Mûndûmûka ûyû, ûrarîra nîkî? Nû ûracaria?”

Mariamu eeciragia mûndû ûcio nîke warî mwene mûgûnda na kwoguo nîwamwîrire atîrî, “Mûthuuri ûyû, ethîrwa we nîwe ûmwocire, mbîra kûrîa ûmwigîte na nîngûthiî kûmûgîra.”

16Nake Jesû nîwamwîtire atîrî, “Mariamu!”

Nake Mariamu nîwevûgûrire na kûrîa Jesû aarî na agîcokia na rûthiomi rwa Kîhibirania atîrî, “Raboni!” (Naguo nî kuga “Mwarimû.”)

17Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

18Kwoguo Mariamu Mûmagidali nîwathiîre na akîîra arutwa atîrî, “Nie nîmwonu Mwathani.” Nake nîwamerire maûndû marîa Jesû aamwîrîte.

Jesû nîwaumîrîre arutwa ake

(Mat 28.16-20; Mar 16.14-18; Luka 24.36-49)

19Jumaviri wa îo kîvwaî arutwa nîmaagomanîte vamwe nyomba ndaarî mevingîrîte nîûndû nîmeetigagîra anene a Ayahudi. Nake Jesû nîwamaumîrîre na akîmeera atîrî, “Gîani na thayû.” 20Nake arîkia kûmeera ûguo nîwamonirie njara na mbaru ciake. Nao arutwa nîmaakenire mûno rîrîa moonire Mwathani. 21Nake Jesû nîwamerire rîngî atîrî, “Gîani na thayû. Wa ta ûrîa Vava aandûmire, nwaguo wa nanie namûtûma.” 22Nake nîwacokire akîmaveverera mîvevû na akîmeera atîrî, “Amûkîrani Roho Mûtheru. 23#Mat 16.19; 18.18 Wona mwovera andû mevia mao nîmakooverwa. Wona mwarega kûmovera, matikooverwa.”

Jesû nîwaumîrîre Toma

24Nake mûrutwa ûmwe gatagatîrî ka arîa îkûmi na aîrî, na nîke Toma (ûrîa wetagwa Mathatha) ndaarî vamwe nao vîndî îrîa Jesû aamaumîrîre. 25Kwoguo arutwa acio engî nîmaamwîrire atîrî, “Tue tûrî onu Mwathani!”

Nake Toma nîwamerire atîrî, “Nie ndingîtîkia ndonete irema cia mîcumarî njararî ciake na ngavutia irema icio na Kîamra gîakwa na njoke mvutie mbaru ciake.”

26Vuva wa kiumia kîmwe arutwa nîmaagomanîte vamwe rîngî ndaarî ya nyomba na Toma aarî vamwe nao. Mîrango yarî mîvinge, nwatî Jesû nîwamaumîrîre na akîmeera atîrî, “Gîani na thayû.” 27Nake nîwacokire akîra Toma atîrî, “Vutia irema ino na Kîamra gîaku, na ûrorie njara ciakwa. Ta vutia mbaru ciakwa. Thirwa nî nganja na wîtîkie!”

28Nake Toma nîwamûcokerie atîrî, “Mwathani wakwa na Ngai wakwa!”

29Nake Jesû nîwamwîrire atîrî, “Wetîkia nîûndû nîwamona? Kûrathimwa nî arîa metîkagia matonete!”

Mworoto wa îvuku rîîrî

30Kûrî ciama ciîngî nyîngî itarî îvukuurî rîîrî, irîa Jesû aaringire arutwa ake makîonaga. 31Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Currently Selected:

Joh 20: KKB

Highlight

Copy