Ciîko GÎTAARÎRIA
GÎTAARÎRIA
Îvuku rîa Ciîko Cia Atûmwa rîthiîte na mbere kûvecana ûvoro ûrîa mwandîke îvukuurî rîa Ûvoro Mwaro ûrîa wavecanirwe nî Luka. Mworoto ûrîa mûnene wa îvuku rîrî nî kwîrana ûrîa arûmîrîri a Jesû Kristû a mbere maavunjirie ûvoro mwaro ûrîa ûmwîgiî matongoretue nî Roho Mûtheru. Maavunjirie ûvoro ûcio “Îtûûrarî rîa Jerusalemu, Judea kuonthe na Samaria, wana nginya mîthiia ya nthî.” (1.8) Nî rûgano rwa ûrîa Ûkristiano wambîrîrie gatagatîrî ka Ayahudi na ûkîthiî na mbere gûtuîka wîtîkio wa andû onthe a nthî. Mwandîki nîwendete mûno kwonia athomi a rîo atî Akristiano matiendaga kûthûkia wathani wa Aroma. Mwandîki nwa wendete kwonania atî Ûkristiano nîguo wavingirie ndini ya Ayahudi.
Îvuku rîa Ciîko cia Atûmwa nwa rîgaanue icunjî ithatû. Icunjî ino cionanîtie kûndû kûrîa Ûvoro Mwaro wîgiî Jesû Kristû wavunjirue, mbere kûndû kûnini, ûgîtamba kûndû kûnene, na mûthiiarî ûgîtamba nthî yonthe. Na vîndî îrîa ûvoro ûcio mwaro wavunjagua nwarîo makanitha maambagîrîrua. Nacio icunjî icio nî ino: 1. Kwambîrîrua gwa ûkristiano îtûûrarî rîa Jerusalemu vuva wa Jesû arîkia kûthiî îgûrû. 2. Ûkristiano nîwatambire nginya mîena îrîa îngî ya vûrûri wa Palesitina. 3. Ûkristiano nîwatambire nginya mavûrûri marîa marî vakuvî na îria rîa Mediterania na ûgîkinya nginya Roma.
Ûndû ûmwe wa vata mûno îvukuurî rîîrî rîa Ciîko cia Atûmwa nî wîra wa Roho Mûtheru, ûrîa waûkire arî na vinya kûrî etîkia îtûûrarî rîa Jerusalemu mûthenya wa Pentekosto. Roho ûcio Mûtheru aaûkire gûtongoria kanitha na kûmîkîra vinya wa vamwe na atongoria a yo maûndûrî marîa magwetetwe îvukuurî rîîrî. Ndûmîrîri ya mbere ya Ûkristiano nîmvecane na njîra nguvî mavunjiorî. Namo maûndû marîa mandîkîtwe îvukuurî rîa Ciîko cia Atûmwa monanîtie vinya wa ndûmîrîri îno mîtûûrîrerî ya etîkia na ngwatanîrorî cia kanitha.
Ûvoro ûrîa ûrî îvukuurî rîîrî
Kwîvarîria kûruta ûira 1.1-26
(a) Watho wa Jesû wa mûthiia na kîîranîro 1.1-14
(b) Mûndû ûrîa wathuurirwe vandû va Judasi Mûsikariota 1.15-26
Ûira îtûûrarî rîa Jerusalemu 2.1—8.3
Ûira matûûrarî ma Judea na Samaria 8.4—12.25
Wîra wa Paûlo 13.1—28.31
(a) Rûgendo rwa mbere rwa ûmîceni 13.1—14.28
(b) Mûcemanio wa Jerusalemu 15.1-35
(c) Rûgendo rwa kaîrî rwa ûmîceni 15.36—18.22
(d) Rûgendo rwa kathatû rwa ûmîceni 18.23—21.16
(e) Paûlo arî njeera Jerusalemu, Kaisarea na Roma 21.17—28.31
Currently Selected:
Ciîko GÎTAARÎRIA: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019