MALIKO 8
8
Kũvũnĩthw’a kwa andũ ngili inya
(MATHAYO 15.32–39)
1Na ĩngĩ matukũ asu, yĩla kwaĩ ĩkomano ĩnene, nayo yĩtyaĩ na kya ũya, ameta amanyĩw’a make, na amea, 2#Mko 6.34–44.Nĩngũyĩw’ĩa ĩkomano tei, nĩkwĩthĩwa yu nĩ matukũ atatũ mekalĩte nakwa, na mati na kya ũya: 3na ethĩwa nĩngũmombũũkya maende kwoo me na nzaa, makanyalĩla nzĩanĩ; na amwe moo maumĩte kũasa. 4Na amanyĩw’a make mamũsũngĩa, Mũndũ atonya ata kũvũnĩthya andũ aa na imũtũ kũũ weũnĩ? 5Na amakũlya, Mwĩ na imũtũ syĩana? Na masya, Nĩ mũonza.
6Na ayĩaĩa ĩkomano yĩkale nthĩ: nake oosa ila imũtũ mũonza, na atũnga mũvea, na atilanga, na anenga amanyĩw’a make, mamaaĩe; na mayĩaĩa ĩkomano. 7Na maĩ na tũmakũyũ tũvũthũ: na atũathima, na eeaa kana mayĩaĩe tũu natw’o. 8#Kũt 28.5.Na maya, mavũna: na moosa ũtialo wa ilungu ila ndile, ikavũ mũonza. 9Na ala maĩe maĩ ta ngili inya: na amombũũkya. 10Na oyu alika ngalawanĩ vamwe na amanyĩw’a make, na athi ngalĩ sya Ndalimanutha.
Yesũ ailea kwĩka kyama
(MATHAYO 16.1–4; Luka 12.54–56)
11 #
Yoa 6.30. Na Avalisi maumĩla, na mambĩlĩlya kũkũlan’ya nake, makĩmantha kyama kuma ĩtunĩ, makĩmũtata. 12Na avevũũka mũno vevanĩ wake na asya, Nĩkĩ ũsyao ũũ ũkũmantha kyama? Nĩ w’o nĩngũmwĩa, Ũsyao ũũ ndũkanengwa kyama. 13Na amatia, na avota ĩngĩ ngalawanĩ, ainga mũingo ũla ũngĩ.
Yesũ aikan’ya kũlea kwona kwa amanyĩw’a
(MATHAYO 16.5–12)
14Na nĩmoolĩtwe nĩ ũkua imũtũ; ate o kĩmũtũ kĩmwe maĩ nakyo ngalawani. 15#Mko 3.6; Lk 12.1.Na ameaĩa, akyasya, Ĩmanyĩlĩlei, ĩsũvĩei yĩla ĩlawa ya Avalisi na ya Elote. 16Na masũanĩa ene kwa ene, makyasya, Nĩkwĩthĩwa tũi na imũtũ. 17#Mko 6.52.Na Yesũ amanya ũu amea, Nĩkĩ mũũsũanĩa nũndũ mũi na imũtũ? Mũinamba kwona o na kũmanya? Ngoo syenyu ko nyũmũ? 18#Yel 5.21; Esek 12.2.Mwĩ na metho, na mũtikwona? Na mwĩ na matũ, na mũtikwĩw’a? O na mũtiũlilikana? 19#Mko 6.41–44.Yĩla namatilangĩle andũ ngili itano ila imũtũ itano, mwoosie ikavũ syĩana syusũĩte ilungu ila ndile? Mamwĩa, Nĩ ĩkũmi na ilĩ. 20#Mko 8.6–9.Na ĩvinda yĩla nĩnamatilangĩle andũ ngili inya imũtũ mũonza, mwoosie ikavũ syĩana sya ilungu ila ndile? Na mamwĩa, Nĩ mũonza. 21Na amea, O na yu mũtinamba ũmanya?
Aivosya kĩlilinda Vethisaita
22 #
Mko 6.56. Na mavika Vethisaita. Na mamũetee kĩlilinda, mamwĩsũva akĩkiite. 23#Mko 7.23,33; Yoa 9.6.Na akwata kĩla kĩlilinda kw’oko, akĩtwaa ũtee wa mũsyĩ; na akĩtw’ĩla mata metho, na akilĩĩla moko, akĩkũlya, Nũkwona kĩndũ? 24Na kyookĩlya metho, kyasya, Nĩngwona andũ; nũndũ nĩngũmona ta mĩtĩ, maendete. 25Na akilĩĩla moko ĩngĩ methonĩ; na kyaketeea mũno, nakyo kyavow’a, na kyoona syĩndũ syonthe nesa. 26#Mko 7.36.Na amwĩa enũke kwoo, akyasya, O na mũsyĩ ũũ ndũkavote vo.
Vetelo aikũsĩĩa atĩ Yesũ nĩwe Klĩsto
(MATHAYO 16.13–20; Luka 9.18–21)
27Na Yesũ na amanyĩw’a make mauma vo, mathi mĩsyĩ ya Kaisalea ya Vilivu: na me nzĩanĩ maendete amakũlya amanyĩw’a make, akysaya, Andũ measya nyie nĩ ũũ? 28#Mko 6.15.Na mamũtavya, makyasya, Wĩ Yoana ũla Mũvatisi; na angĩ, Wĩ Eliya; ĩndĩ angĩ, Wĩ ũmwe wa athani. 29#Yoa 6.67–69.Na amakũlya, Ĩndĩ inyw’ĩ mwĩasya nyie nĩ ũũ? Vetelo asũngĩa, amwĩa, We nue Klĩsto. 30#Mko 9.9.Na ameaĩa maikatavye mũndũ ũndũ wake.
Yesũ akyathana kĩkw’ũ kyake na ũthayũũkyo
(MATHAYO 16.21–23; Luka 9.22)
31Na ambĩlĩlya kũmamanyĩsya kana Mwana wa mũndũ ndatĩa ũthĩnw’a na mathĩna maingĩ, na kũlewa nĩ atumĩa, na athembi anene, na aandĩki, na kũawa, na mĩthenya ĩtatũ yathela akathayũũka ĩngĩ. 32Na aneena ndeto isu ateũvitha. Na Vetelo amwosa, ambĩlĩlya kũmũkan’ya. 33Ĩndĩ we eethyũũa, na amasisya amanyĩw’a make, amũkan’ya Vetelo, akyasya, Syoka ĩtina wakwa, Satani; nũndũ ndũũlilikana maũndũ ma Ngai, ĩndĩ nĩ ala ma andũ.
Wĩtano wa kwĩlea mwene
(MATHAYO 16.24–28; Luka 9.23–27)
34Na ayĩta ĩkomano na amanyĩw’a make nao, na amea, Ethĩwa mũndũ o na wĩva nũnũkwenda kũmbikĩla, nĩelee mwene, na kwĩyaĩkya ngelan’yo yake, na akĩmbikĩla. 35#Mt 10.39.Nũndũ o ũla ũnũkwenda kũvĩtya thayũ wake akawasya; na o ũla ũkawasya thayũ wake kwondũ wakwa na kwondũ wa ũvoo mũseo, ũsu akoovĩtya. 36Nũndũ mũndũ aunwa nĩ kyaũ o na akosa nthĩ nima na akyasya thayũ wake? 37Nũndũ mũndũ akakũan’ya thayũ wake na kyaũ? 38#Mt 10.33.Nũndũ o ũla ũkambĩw’ĩa nthoni nyie kana ndeto syakwa ũsyaonĩ ũũ wa ũlaalai na wa naĩ, nake Mwana wa mũndũ nũkamwĩw’ĩa nthoni, yĩla ũkoka ũtheunĩ mũtisu wa Ĩthe wake vamwe na alaĩka atheu.
Currently Selected:
MALIKO 8: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
