OKONG’ANYA 11
11
Musa okoraria ogokwa kw’abatangi ne chintangi
1Omonene agatebia Musa, “Ngotigarete ogoakwa okomo ndarente igoro ya Farao na Abamisiri. Nyuma y’okwo nabae ribaga mogende; ee ekero arabae ribaga mogende nigo arabaserie kegima morueo. 2Bono genda okwane nabanto aba, ng’a kera oyomo ase abasacha na ase abakungu asabe korwa ase omogisangio oye ebinto bie chifeta, na ebie chitahabu.” 3Omonene akaa abanto baye ogwancherwa ase amasio ’Abamisiri; kobua ayio Musa nigo arenge omonto omonene mono ase ense ya Misiri ase amasio ’abasomba ba Farao, na ase abanto baye.
4Musa agatebia Farao, “Aya naro Omonene agoteba: Botuko gati ninche ng’ete egati y’Abamisiri. 5Abana abatangi bonsi ase ense ya Misiri mbakwe, amo ne ching’iti chintangi chionsi; omwana omotangi o Farao, oyogoikaransa ase ekerogo kiaye ki’obogambi, na omwana omotangi bw’omokungu omosomba ore rogena gosia, ne ching’iti chintangi chionsi. 6Erio ebirero ebinene inabibe ase ense yonsi ya Misiri, binde bitana koba bo, gose tibigocha koba bo naende nonya ng’ake. 7Korende ase Abaisraeli, nonya nesese tegokogera omonto gose etugo. Erio momanye ng’a Omonene okorire ogwatananeka ase Abamisiri na Abaisraeli. 8Na abasomba aba bao bonsi nabatirimboke gocha asende na batung’ameo, bakobora: Genda, karue aa, aye na abanto bao bonsi bakobwatie. Nyuma y’ayio nindue aa!” Erio agwo Musa akarua o Farao ore nekeririanda ekenene.
9Omonene agatebia Musa. “Farao takobaigwa inwe. Ase ayio ning’orokie amakumia ande ase ense ya Misiri.” 10Musa na Haroni bagakora amakumia ayio onsi ase obosio bwa Farao, korende Omonene agakong’ia enkoro ya Farao, na ere taa Abaisraeli ribaga barue ase ense yaye.
Currently Selected:
OKONG’ANYA 11: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
