यूहन्ना 1

बचन शरीरा रा रुप लेईने आया

1सृष्टिया ते बौहत पैहले बचन#1:1 बचन इस शब्दा जो यूहन्ना परमेशरा रे पुत्र यीशु मसीह जो दसणे खातर इस्तेमाल करना चांह (प्रका. 19:13) था, कने बचन परमेशरा सौगी था, कने बचन इ परमेशर था। 2सै सृष्टिया ते बौहत पैहले परमेशरा रे सौगी था। 3दुनियां री हर इक चीज़ परमेशरे तिसरे जरिये बणाई, कने येढ़ि कोई चीज नीं सै जे परमेशरे तिसते बगैर बणाई। 4ये सैई वचन आ तिने जे हरेक प्राणिये जो जीवन दित्या कने सै अहां पर परमेशरा रिया सच्चाईया जो तियां प्रगट कराँ जियां जे ज्योति अन्धकारा रियां चिज़ां जो प्रगट कराँ इ। 5लोक नीं चाहन्दे भई तिन्हांरियां बुराईयां सामणे आओ, ठीक तियां इ तियां जे अन्धकार बुराई, पर तियां जे अन्धकार ज्योतिया जो नीं दबाई सकदा तियां इ दुष्ट तिसरिया ज्योतिया ने भरीरे माहणुये जो परमेशरा री सच्चाई सामणे ल्यौणे ते नीं रोकी सकदा। 6परमेशरा रा भेज्जिरा इक माहणु आया तिसरा नौं जे यूहन्ना था। 7सै गवाह बणीने आया भई सै लोकां जो ज्योतिया रे बारे च गवाही देई सक्को, ताकि सारे लोक तिसरे जरिये तिस पर विश्वास करी सक्को। 8सै अप्पूँ त ज्योति नीं था, पर तिसरी गवाही देणे खातर आईरा था सै जे ज्योतिया साई आ। 9सच्ची ज्योति इस संसारा च औणे औल़ी थी सै जे हर इक माहणुये जो अपणे ज्ञाना च चमकांई। 10यनिके सै, सै जे ज्योतिया साई आ संसारा ची था, कने संसार कने तिसरी हरेक चीज़ तिसरी ही बणाईरी, पर लोकें फेरी भीं तिस्सो नीं पछयाणया। 11सै अपणयां लोकां च आया काँह्भई तिन्हांजो तिने रचीरा था, पर तिन्हें बी तिस्सो ग्रहण नीं कित्या। 12पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये। 13तिसरे अन्दर नांत खानदानी खून था, नां तिसरे जमणे च माता-पिता री कोई योजना थी, कने नांई मर्दा री कोई इच्छा थी, पर परमेशरा री इच्छा थी। 14कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ। 15यूहन्ने तिसरे बारे च गवाही दित्ति, कने जोरा ने बोल्या, “येई हाया सै, तिसरा जे मैं बखान कित्या भई सै जे मेरे बाद तुहांजो प्रचार करने आई कराँ, सै सामर्था च माहते बधी नेआ, काँह्भई सै माहते पैहले था।” 16तिसरिया दया री परिपूर्णता ते अहें सब्बीं आशीषां पर आशीष#1:16 आशीषां पर आशीष अनुग्रह पर अनुग्रह पाई। 17अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से। 18परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

यूहन्ना बपतिस्मा देणे औल़े री गवाही

(मत्ती 3:1-12; मरकुस 1:1-8; लूका 3:1-18)

19यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?” 20इस खातर तिने तिन्हांने सच्च बोल्या कने साफ गलाईत्या, भई “हऊँ मसीह निआं।”

21फेरी तिन्हें यूहन्ने ते पुच्छया,

“जे तू मसीह नींआ तां सच्च क्या?

क्या तू एलिय्याह भविष्यवक्ता?”

तिने जबाब दित्या, “नां, हऊँ सै निआं।”

यहूदियें इक होर स्वाल कित्या, “तां क्या तू सै भविष्यवक्ता सै जे औणे औल़ा?” तिने जबाब दित्या “नां।”

22तां तिन्हे तिसते पुच्छया, “फेरी तू हाया कुण? अहांजो दस्स ताकि तिन्हें जे अहांजो तुहांरे बारे च पता करने भेजीरा, अहें तिन्हाजो जबाब देई सक्को।” 23तिने गलाया, तियां जे यशायाह भविष्यवक्ते गलाईरा,

“हऊँ तिस साई आ सै जे येढ़िया जगह च प्रचार करी रां तित्थी जे तिसरी अवाज़ कोई नीं सुणो:

भई परमेशरा रे औणे खातर खुद अप्पूँजो तियां त्यार करा तियां जे किसी खास माहणुये रे औणे खातर लोक रस्ता त्यार कराँ ये।”

24ये लोक फरीसियें भेज्जीरे थे। 25तिन्हे तिसते ये स्वाल पुच्छया, भई “जे नां तू मसीह आ, न एलिय्याह, कने नांई सै भविष्यवक्ता, तां फेरी लोकां जो बपतिस्मा कजो देआं?” 26तिन्हांजो जबाब देन्दे हुये यूहन्ने गलाया, “हऊँ त पाणिये ने बपतिस्मा देआं, पर तुहांरे बिच इक माहणु खढ़िरा तिस्सो जे तुहें नीं जाणदे। 27यनिके ये सैई हाया तिस जे मेरते बाद तुहांजो प्रचार करना, हऊँ तिसरे मुकावले किछ बी नींआ, सै इतणा खास आ भई हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ।” 28ये गल्लां यरदन नदिया रे पार बैतनिय्याह नगरा च हुईयां, तित्थी जे यूहन्ना बपतिस्मा देआं था।

परमेशरा रा मेमना

29दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां। 30ये सैई आ तिसरे बारे च मैं गलाया था, ‘इक माहणु तिस जे मेरे बाद तुहांजो प्रचार करना सै सामर्था च माह्ते बी बड्डा, काँह्भई सै माह्ते पैहले था।’ 31हऊँ खुद तिस्सो पछयाणदा बी नीं था भई सै मसीह था, पर इस खातर हऊँ पाणिये ते बपतिस्मा देन्दा हुआ आया भई इस्राएल रे लोक तिस्सो जाणी लो।” 32फेरी यूहन्ने ये गवाही दित्ति : “मैं आत्मा जो कबूतरा साई स्वर्गा ते उतरदे देख्या, कने सै तिस पर टिकिग्या। 33हऊँ त तिस्सो पछयाणदा बी नीं था, भई सै मसीह था, पर तिने जे मिन्जो पाणिये ते बपतिस्मा देणे जो भेज्जिरा, तिने इ माहने गलाया, ‘तिसरे ऊपर जे तू पवित्र आत्मा जो औंदे कने टिकदे देक्खो, सैई पवित्र आत्मा ते बपतिस्मा देणे औल़ा।’ 34कने मैं देख्या, कने हऊँ तुहांजो सच्च बोलां भई येई परमेशरा रा पुत्र आ।”

प्रभु यीशु रे पैहले चेले

35दुज्जे दिन ताहली जे यूहन्ना अपणे दो चेलयां ने खढ़िरे थे, 36कने तिने यीशुये जो सामणे जान्दे हुये देख्या कने गलाया, “देक्खा ये परमेशरा रा मेमना।” 37ताहली जे तिन्हे दुईं चेलयां तिस्सो येढ़ा गलान्दे हुये सुणया तां सै यीशुये रे पिच्छे चली पे। 38कने ताहली जे यीशुये मुड़ीने देख्या भई सै पिच्छे आई कराँ ये तां तिने तिन्हाते पुच्छया, “तुहांजो क्या चाहिन्दा?” तिन्हे तिसजो जबाब दित्या, “गुरू जी, तुहांरा रैहणे रा ठकाणा किति आ?” 39यीशुये तिन्हाने गलाया, “औआ कने देक्खा।” फेरी तिन्हें जाईने यीशुये रे रैहणे री जगह देक्खी, तिस दिन सै तिसले ठैहरे, काँह्भई संजके जुन्ना रे तकरीवन चार बजी चुक्कीरे थे। 40तिन्हां दुईं चते, सै जे यूहन्ने री गल्ल सुणीने यीशुये रे पिच्छे चलीगरे थे, तिन्हां चते इक शमौन पतरस रा भाई अन्द्रियास था। 41तिने पैहले अपणे सके भाईये शमौना ने मिल़िने तिसजो गलाया, “भाई अहांजो मसीह#1:41 मसीह यनिके अभिषिक्त माहणु, मिलीग्या।” 42फेरी अन्द्रियास शमौना जो यीशुये ले ली आया, तिने शमौन्ना जो ध्यान्ना ने देख्या कने गलाया, “तू यूहन्ना रा मुण्डु शमौन आ: तू कैफा यनि पतरस#1:42 कैफा यनि पतरस यनि चट्टान रे नौआं ते पछयाणया जाणा।”

फिलिप्पुस कने नतनएल जो सद्दया जाणा

43अगले दिन यीशुये गलील प्रदेशा च जाणे रा निश्चा कित्या। सै फिलिप्पुस ने मिलया कने गलाया, “मेरे पिच्छे चली औ।” 44फिलिप्पुस बैतसैदा नगरा रा निवासी था। तित्थी अन्द्रियास कने पतरस बी रैयां थे। 45फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।” 46फेरी नतनएले तिसते पुच्छया, “क्या कोई खरी चीज़ नासरत ते बी निकल़ी सक्कां इ?” फिलिप्पुसे तिसने गलाया, “जाईने देक्खी लें।” 47यीशुये नतनएला जो अपणी तरफ औन्दे देखीने तिसरे बारे च गलाया, “येआ इक सच्चा इस्राएली वंशज तिस्च जे कोई खोट निआं।” 48नतनएले यीशुये ते पुच्छया, “तुहें मिन्जो कियां जाणाँ?” यीशुये तिसजो जबाब दित्या, “इसते पैहले भई फिलिप्पुसे तिज्जो सद्दया, ताहली तू अंजीरा रे डाल़ा हेठ था, तां मैं तिज्जो देख्या था।” 49नतनएले तिसजो जबाब दित्या, “गुरू, तू परमेशरा रा पुत्र आ, तू इस्राएल रा राजा।” 50तिसरे जबाबा च यीशुये गलाया, “मैं जे तेरने गलाया भई मैं तिज्जो अंजीरा रे डाल़ा हेठ देख्या, क्या ताईं तू इस खातर विश्वास कराँ? तू अग्गे इसते बी बड्डे-बड्डे काम्म देखणे।” 51यीशुये तिसने भीं गलाया, “हऊँ तेरने सच्च बोलां भई तूं स्वर्गा जो खुलदे कने परमेशरा रे दूतां जो माहणुये रे पुत्रा यनि मेरे ऊपर उतरदे कने ऊपर जान्दे देखणा।”

Currently Selected:

यूहन्ना 1: KFSNT

Highlight

Copy