Halloo 36

Esayichi Shiijjereenaꞌo

(1 Kiinoo 1:34-37)

1Edoomi getteeti Esayichi shiijjereenaꞌo eboshine:

2Esayi Kanaaneenaꞌo daggoochee mecheenaꞌon shaaggiye. Boonoshiyoo Hitee asho Eloonichi bushee Aadi, Hiwee asho Tsibeꞌonichi bushoo Aanni shiyiti Oholibaminaa 3Ishmaꞌeeli bushee, Nebayootichi manee, Basematinane.#Hal. 26:34; 28:9

4Aadi Esayich Elifaazin shiyahan. Basemati wotta Reweelin shiyahan. 5Ebiyoommon wotta Oholibami Yehuushin, Yalaaminaa Qoraahinon shiyahan. Eboshi Esayi Kanaanee showooch beechii, bi shiyitinaꞌone.

6Esayiyoo bi mecheenaꞌon, bi anaami bushiishoonaa bi maache bushiishoonon, bi kechi asheenaꞌo bullinoo, ebiyoommon bi miiminaꞌonaa bare bi gijjoo bullinon, Kanaanee showoochee bi daneti mooyo bullinoo yechiꞌi, bi manoo Yaaqobiyee wokkiꞌi beeti showooch goojjiye. 7Meeti gijjoon boonoshi hajjitoyich, tookkii ikkooch beemon hakkaaneenaꞌone. Boonoshich beeti gijjee meetoochee tiyitona, boonoshi beeti xaaꞌoo boonoshich bedon hakkaanoone. 8Ebich Edoomi getteeti Esayi bi beemi xaaꞌoon Seyiree geppe showooch tuniihe.

9Seyiree showooch beeti, Edoomee asheenaꞌochi nihoo Esayichi shiijjereenaꞌo eboshine: 10-12Esayichi anaami bushiishoo: Esayi mechee Aadichi bushoo Elifaazine.

Elifaazichi anaami bushiishoo: Temaani, Omaari, Tseefi, Gataaminaa Qenaazinane.

Esayi bushoo Elifaazich Timini getteebeeti naamache beetine; areyoo biich Amaleeqin shiyahan. Esayi mechee Aadi bushiishoochi anaami bushiisheenaꞌo eboshine. Esayi mechee Basematichi bushoo Reweeline.

13Reweelichi anaami bushiishoo: Nahaati, Zaari, Shaaminaa Mizaahinane. Eboshi Esayi mechee Basemati bushiishoochi anaami bushiishoone.

14Tsibeꞌonichi bushoo Aanni shiyiti bushee, Esayi mechee Oholibami Esayich shiyeti bushiishoo: Yehuushi, Yalaaminaa Qoraahinane.

15Esayichi shiijjereenaꞌo daggoochee yoodi yoodee iraasheenaꞌo: Esayichi gutenee bushoo Elifaazichi anaami bushiishoo: Iraashoo Temaani, iraashoo Omaari, iraashoo Tseefi, iraashoo Qenaazi, 16iraashoo Qoraahi, iraashoo Gataaminaa iraashoo Amaleeqinane. Eboshi Edoomee showooch beeti Elifaazichi yoodee iraasheenaꞌone. Boonoshiyoo Esayi mechee Aadi bushiishoochi anaami bushiishoone.

17Esayichi bushoo Reweelichi anaami bushiisheenaꞌo: Iraashoo Nahaati, iraashoo Zaari, iraashoo Shaaminaa iraashoo Mizaahinane. Eboshi Edoomee showooch beeti Reweelichi yoodee iraasheenaꞌone. Boonoshiyoo Esayi mechee Basemati bushiishoochi anaami bushiisheenaꞌone.

18Esayi mechee Oholibamichi anaami bushiishoo: Iraashoo Yehuushi, iraashoo Yalaaminaa iraashoo Qoraahinane. Ebi iraasheenaꞌo Aannichi bushee, Esayi mechee Oholibamichi bushiisheenaꞌone.

19Eboshi bulliyoo Edoomi getteeti Esayichi bushiisheenaꞌonaa boonoshi yoodee iraasheenaꞌonane.

Seyirichi Shiijjereenaꞌo

(1 Kiinoo 1:38-42)

20Are showooch shiichiꞌi beeti Hooree asho, Seyirichi anaami bushiishoo: Loxaani, Shobaali, Tsibeꞌoni, Aanni, 21Dishooni, Etserinaa Dishaaninane. Eboshi Edoomee showooch beeti Seyirichi anaami bushiisheenaꞌo, Hooreenaꞌochi yoodee iraasheenaꞌone.

22Loxaanichi anaami bushiishoo: Hooriyinaa Hemaaninane. Loxaanichi manee Timinine.

23Shobaalichi anaami bushiishoo: Alwaani, Manahaati, Ebaali, Sheefinaa Onaaminane.

24Tsibeꞌonichi anaami bushiishoo: Ayaahinaa Aanninane. Ebi Aanni bi nihoo Tsibeꞌonichi kureenaꞌon quyeebee, barahoochee gufe iineenaꞌon daneti uroone.

25Aanni bushiishoo: Bi bushoo Dishooninaa bi bushee Oholibaminane.

26Dishoonichi anaami bushiishoo: Hemidaani, Eshibaani, Yitiraaninaa Keraaninane.

27Etserichi anaami bushiishoo: Bilihaani, Zawaaninaa Aqaaninane. 28Dishaanichi anaami bushiishoo: Uutsinaa Araaninane.

29Hooreenaꞌochi iraasheenaꞌo: Iraashoo Loxaani, iraashoo Shobaali, iraashoo Tsibeꞌoni, iraashoo Aanni, 30iraashoo Dishooni, iraashoo Etserinaa iraashoo Dishaaninane. Eboshi Seyiree showooch beeti Hooree gumbeenaꞌochi iraasheenaꞌone.

Edoomee Showee Taateenaꞌo

(1 Kiinoo 1:43-54)

31Israꞌeelee showooch taatoo taatoyee shiichii, Edoomee showooch taateti taateenaꞌo eboshine:

32Beꞌoori bushoo Belaahi Edoomee showooch taatee beehe. Bi taateti katemoo, Dinihaabi getteehe.

33Belaahi qititoyee gubb, Botsiree asho Zaarichi bushoo Yobaabi bi xaaꞌooch kereeꞌi taatehe.

34Yobaabi qititoyee gubb, Temaanee asho Hushaami bi xaaꞌooch kereeꞌi taatehe.

35Hushaami qititoyee gubb, Miidiyamee asheenaꞌon Moꞌabee showoochaa kochii wochiti, Bedaadi bushoo Hadaadi bi xaaꞌooch kereeꞌi taatehe. Bi taateti katemoo, Awiti getteehe.

36Hadaadi qititoyee gubb, Masireqee asho Samili bi xaaꞌooch kereeꞌi taatehe.

37Samili qititoyee gubb, Efiraaxisi aachi gaꞌooch beeti Rehobootee asho Shaawulli bi xaaꞌooch kereeꞌi taatehe.

38Shaawulli qititoyee gubb, Akiboori bushoo Baꞌaal Hanaani bi xaaꞌooch kereeꞌi taatehe.

39Akiboori bushoo Baꞌaal Hanaani qititoyee gubb, Hadaari bi xaaꞌooch kereeꞌi taatehe. Bi taateti katemoo, Faꞌi getteehe. Bi mecheyoo Mezahaabichi bushee bushee, Maxireedichi bushee Mehixabeeli getteehan.

40Esay waanee daneti, boonoshi koteti showi showoona ceekketi yoodee iraasheenaꞌo: Iraashoo Timini, iraashoo Alwaahi, iraashoo Yeteeti, 41iraashoo Oholibami, iraashoo Elaahi, iraashoo Finooni, 42iraashoo Qenaazi, iraashoo Temaani, iraashoo Mibizaari, 43iraashoo Magidelinaa iraashoo Iraaminane. Eboshiyoo boonoshi koteti showi showooch beeti, Edoomee iraasheenaꞌone. Ebi Esayi Edoomee asheenaꞌochi qaabbechi nihoone.

Currently Selected:

Halloo 36: KBRC

Highlight

Copy