Matiu 7

NA SOPENA 7.

1Ototena ninima oso suri ra tajua, tau hire tisaninima oso suriamiu. 2Suria amiu otoninima oso suri ra tajua paleve, palahi hire tininima oso suriamiu: amiu otorahu ra sanu mono ta me ra tajua paleve, palahi hire tirahu liliu ta meamiu. 3Surasava iniho oriova na mojo me na mata i tuamu, osaninimana hau motoho me na simatamu? 4E surasava oiaso ta me tuamu, Motahonae airahutuhe na mojo me na matamu; tau, O! te hau motoho me na simatamu? 5Iniho na taha jihajiha, oivuna rahutuhe na hau me na simatamu, tau oirioriova susuhi sura rahutuhe na inojo me na mata ituamu. 6Moso otorahu na sanu tapu ta me ra pesi, moso otoputuhe ra pilamiu sanu tahonae ta ra poe, suria tiate vasoosooira hi na era, tau tiilao, tihatiamiu.

7Ototuhatuha, tau irahu tameamiu; ototirotiro, tau otopasuae; ototiti, tau iruneia ta meamiu: 8suria itea va itu-hatuha ilavia; itea va itirotiro ipasuae; itea va ititi iruneia ta mea. 9E isei meamiu va i matuna lamane ituhatuha hana, irahu na sule ta mea; 10e va ituhatuha maji, irahu na mata ta mea? 11Suria, va amiu ra taha oso, otopinisa rahu ra rahuvuso tahonae ta me ra matumiu, motahonae jivi a Tamamiu me na tailahi irahu ra sanu tahonae ta me ra tajua tetuhae. 12Suria, ra sanu vunu-vunu amiu otomeje ra tajua tivei ta meamiu, motahonae amiu otovei pale a ta mera: natuha na leo hi Atua, na leo hi ra provet. 13Otoruhusahe me na rio mata taiti: suria na matana rio hi na mate momata tahajia, na rio hina motabajia, ra tajua ra tari ra tari teruhusahe ae. 14Maa na matana rio hi na mauri moniata taiti, na rio hina motaiti, mosatavere tepasuae.

15Otomata susuhi amiu suri ra provet taha jihajiha, tenumai meamiu me na visivisira sip, maa me na lolora hire tepesi ila taha tirotiro hanihani. 16Otopinisira hi na vara. Ra tajua telavi na vana vain me na asi vola, e mojoa? e telavi na peturi me na hau alato, e mojoa? 17Palahi te hau tahonae movae na vana tahonae; maa te hau oso movae na vana oso. 18Te hau tahonae isavae na vana oso, te hau oso mono isavae na vana tahonae. 19Te hau itea va isavae na vana tahonae tepahiruvia, teputuhea ta na hapu. 20Suria, otopinisira hi na vara. 21Sa hire vunuvunu teaso meau, Moli, Moli, tiruhusahe me na tailahi; hire hasa teve na sanu Tamau me natailahi moaso tiruhusahe ae. 22Ra tajua ra tari tiaso meau me na pohi hina, Moli, Moli, amamu asalalaa mine me na hisemu, e mojoa? amamu asarahutuhe ra tamate me na hisemu, e mojoa? amamu asave ra sanu uloulo ra tari me na hisemu, e mojoa? 23Me na rani hina inau aiaso mera, Aue, inau asapinisi amiu: otolaho tureau, amiu ra taha ve na sanu oso. 24Suria, te tajua itea va iroho ra leo hiu naa, va ivera, ipala tajua lolorani, mosara peana ta na malo: 25tau na usa mosumai, na pei tahajia monumai, na lahitahajia molosu lele hi na pea neeno; mosajovi: suria motoho me na malo. 26Te tajua itea va iroho ra leo hiu naa, va isavera, inie ipala tajua taha muha, mosara peana ta na one: 27tau na usa mosumai, na pei tahajia monumai, na lahi tahajia molosu lele hi na pea neeno; tau mojovi: mojovi vunuvunu.

28Tau Iesu mosori na lalaa ra leo naa, ra taiua taha huhurahi teuloulo sura senapisera: 29suria moaso pipisera pala tajua motea na leo hina mohauhaua, mosapala pilara tajua hi na uli pepe.

Currently Selected:

Matiu 7: TLM9109

Highlight

Copy