Matiu 23
23
NA SOPENA 23.
1Tau Iesu molalaa ta ma ra tajua taha huhurahi, ta me ra uluo hina mono, 2moaso, Ra tajua hi na uli pepe me ra Varisi tesihe me na sihesihe i Moses:
3suria, ra sanu vunuvunu tevaraiamiu, otosirohora, otosivera: maa moso otove ra sanu palaira tevera; suria hire teaso hasa, tesavea. 4Io, teoti ra sanu pohepoheti, tepohepoheti sura palae, tejurira ta na jalora tajua; maa isihire tesatielira hi na havera. 5Maa teve ra pilara varao vunuvunu suri ra tajua tirenira: tevei tahajia ra pilara pepe hi na matapisi, tevei tahajia na vunuahi hi ra visivisira, 6temeje nasihesihe tahonae jivi hira me ra hanihani tahajia, temeje ra sihesihe tahonae jivi hira me ra pea hi na lotu, 7temeje ra tajua tesuhusuhu naho mera me ra jara hi na uju, temeje ra tajua tejurira, Rapai. 8Maa moso tejuriamiu Rapai: suria motea mopilamiu tijere, amiu vunuvunu ototuatua. 9Moso mono otojuri te tajua me na ulu tamamiu: suria motea mo-Tamamiu, inie Tamamiu me na tailahi. 10Moso mono tejuriamiu ra varese: suria motea movarese himiu, inie Na Kristo. 11Maa na taha sale jiviamiu inie itajua hi napilamiu varao. 12Itea va ininima tau inie mosale jivi hira, tipisea pa motaiti hasa; itea mono va ininima tau inie motaiti jivi hira, tipisea pa mosale jivira.
13O amiu, ra tajua hi na uli pepe, ra Varisi, amiu ra taha jiliajiha! suria ototirihoro na matana tailahi me na pahora tajua: isiamiu otosaruhusahe ae, otosajurira taha meje na ruhusahe ae teruhusahe ae. [14O amiu, ra tajua hi na uli pepe, ra Varisi, amiu ra taha jihajiha! suria otolavituhe ra sanu pilara hajae patinao, tau otomatapisi paravu sura jihajiha; na volimiu oso otolavia pa itahajia suria.]
15O amiu, ra tajua hi na uli pepe, ra Varisi, amiu ra taha jihajiha! suria otolaholaho me na tasi me na ulu sura ve na tajua motea ilavi na pilamiu lotu; tau ilavia tau, otovea momatu na vanua oso vaharua jiviamiu.
16O amiu, ra taha tuli taha pisi, otoaso, Itea va iaso hauhaua hi na peahi na lotu, natuha na sanu tipa; inaa itea va iaso hauhaua hi na mane hi na pea hi na lotu, isive na sanu moaso. 170 amiu, ra taha muha, ra taha pisi! Ive hirarua motahonae hirarua, na mane e na pea hi na lotu movei tapu na mane? 18Otoaso mono, Itea va iaso hauhaua hi na avaava hi na pea hi na lotu, natuha na sanu tipa; maa itea va iaso hauhaua hi na rahuvuso tomotoho tauae, isive na sanu moaso. 19O amiu, ra taha pisi! Ive hirarua motahonae hirarua, na rahuvuso e na avaava movei tapu na rahuvuso? 20Suria, itea va iaso hauhaua hi na avaava, iaso hauhaua hina, iaso hauhaua hi na sanu tari tauae mono. 21Itea mono va iaso hauhaua hi na pea hi na lotu, iaso hauhaua hina, iaso hau-haua hi Atua momaraha rne na lolona mono. 22Itea mono va iaso hauhaua hi na tailahi, iaso hauhaua hi na sihesihe i Atua, iaso hauhaua hi Atua mosihe mea mono.
23O amiu, ra tajua hi na uli pepe, ra Varisi, amiu ra taha jihajiha! suria otolavi na sopena sule hi na mente, hi ha anise, hi na kamine, maa otosave ra sanu taha hauhaua jivi hira hi na leo hi Atua, na vei tataholo, na lolo malumulumu, na rohoroho: maa motahonae va amiu otosive ra sanu naa, motahonae mono otove ra majihara sanu mono. 24O amiu, ra taha tuli taha pisi! otoajaaja na sanu sura mohi, maa ototuhu na kamel.
25O amiu, ra tajua hi na uli pepe, ra Varisi, amiu ra taha jihajiha! suria otorasi na pahana huro, maa na lolora tetavere hi ra sanu oso. 26O iniho, na Varisi taha pisi, oirasi na lolona huro majiha, suri na pahana mono irani.
27O amiu, ra tajua hi na uli pepe, ra Varisi, amiu ra taha jihajiha! suria amiu otopala ra vonae taha voe hi ra taha mate, ra tajua tereni na majaraha hira tetahonae, maa na lolora tetavere hi ra suira taha mate, tetavere hi ra sanu oso.
28Palahi amiu mono ototataholo me na pahora tajua, maa na lolomiu tetavere hi na jihajiha me na vei vasoosoo.
29O amiu, ra tajua taha uli pepe, ra Varisi, amiu ra taha jihajiha! suria otosari ra vonae hi ra provet taha mate, otomaja i ra vonae hi ra taha tataholo taha mate, 30otoaso, Va ihije tomaraha mine me na rani hi ra tamaja, ihije tosatuiturituara me na vei metei ra provet. 31Suria otositapumiu aso meamiu, otomatura tajua taha losu me-teira provet. 32Motahonae otolihire tavere na huro pilara tamamiu. 33O amiu ra mata, amiu ra matura mata, otorovo pa ture na vanua oso paleve?
34Suria, aisula ra provet, aisula ra tajua taha lolorani, aisula ra tajua taha uli pepe, ta meamiu: otolosu mete pa na valura hira me na hau palatusi; otolosi pa na valura hira me na peamiu hi na lotu, otovera pa tirovo ture na vanua motea tivano me na vanua motatea: 35sura jae vunuvunu mororo me na ulu majuri me na jae i Epel, na taha tataholo, me na jaei Sakaraia matu i Parakaia, otolosu meteia me na vuati hi na pea hi na lotu me na avaava hi na lotu, sura jaera vunuvunu inumai meamiu. 36Aaso taharahu ta meamiu, Ra sanu vunuvunu naa tinumai pa me ra tajua me na rani hija naanoi.
37O Jerusalem, Jerusalem, iniho olosu metei ra provet, opipi ra tajua asulara ta meamiu hi na sule! vahatari ameje na lavi huhurahi ra matumu, pala toa mohuhuvi ra matuna, maa amiu oto-votoa nie. 38Naanoi ajura peamu ta meho. 39Suria aaso ta meamiu, Otosareniau me na rani naa otoaso pa, Inie na taha numai rne na hise i Iehova motahonae.
Currently Selected:
Matiu 23: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
