Jona 4
4
NA SOPENA 4.
1Maa Jona momamahanu tohova suria, mopuripuri. 2Tau momatapisi me Iehova, moaso, Atuhaho, O Iehova, asaaso mine pale a taatoho tohoreji me na vanuau? Inau arovo vilevileahi me Tarsis suria: suria inau apinisiho iniho na Atua tahonae, ojomi tohova ra tajua, opuripuri tamautu, na lolomu momaumulumu, ojomiho sura sanu oso. 3Inau ausiho, O Iehova, oilavituhe na seu mauri tureau suria; suria va inau aimate, natuha motahonae jiviau aima-raha. 4Tau Iehova moaso, Iniho opuripuri, motahonae e mojoa? 5Tau Jona molaho ture na vanua, mosihe toho me na vala palena vanua na maso momaraha ae, mosara pea lealea nei, mosihe toho me na vavana, me na malumu hina, molohotia sura reni nasava inumai me na vanua. 6Tau Iehova Atua movei vavanao na rau tahajia hi na sanu motea, movea mojiha sahe me na ulu hi Jona, suria inie na malumu hi na rena, sura horohoroe me na sena mamahanu. Jona moejieji tohova suri na rau tahajia. 7Maa Atua movei vavanao na sanu pala momou me na malaha hi na pohi teleia, mohana rau tahajia, momaririha. 8Tau me na maso Atua movei vavanao na lahi tutunu; na maso morerehi na re i Jona, momate riorio suria, momeje na mate vunuvunu, moaso, Va inau aimate, natuha motahonae jiviau aimaraha. 9Tau Atua moaso me Jona, moaso, Iniho opuripuri sura rau tahajia, motahonae e mojoa? Moaso, Io, motahonae inau apuripuri, motahonae aimate suria. 10Tau Iehova moaso, Na lolomu movano me na rau tahajia, iniho osavarao mea, osavei jiha nie; mojiha me na pohi motea, momate me na pohi motea: 11mosatahonae na lolou movano me Nineve, na vanua tahajia tohova? ra tanoho ae ra tari ra tari, tesapinisi na matuara, tesapinisi na maraura; ra sanu taha mauri ra tari mono.
Currently Selected:
Jona 4: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
