Ra Vei Hira Yarisula 21
21
NA SOPENA 21.
1Momalua, tau tojurira, tovaere hapani, tomalua me na rio tataholo me Kos, inovi maa me Rhoj, ture natuha me Patara,
2Topasu na ure mohapani me Venisia, tosaheae, tolaho.
3Me na rani topasu Saiprus tojuria me ra marouna haveja, tohapani me Siria, totiahi me Tair; natuha na ure morapai ra sanu vunuvunu hina.
4Topasu valura uluo hi Iesu, totohoae na pohi limaraverua. Na Talume Tapu movaraira tevarai Paul itena vano me Jerusalem.
5Na rani naa mosori, tolaho; hire vunuvunu, ra tupura, ra matura telaho valuija me na majaraha hi na vanua: totiepau me na onioni, tomatapisi.
6Tau toturaturahi, tosahe me na ure: totamule.
7Hisa tesori na laho me Tair, tomalua me Ptolemas, toaso me ra uluo, totoho valuira na rani motea.
8Inovi maa hije valui Paul tolaho; tomalua me Seseria; toruhusahamai me na peai Vilip, na missonare, isei motea hire molimaraverua: totoho valuia.
9Na tajua naa molavi ra matuna hajae movate, isei telalaa.
10Totohoae ra rani ra tari: me na rani motea na provet, na hisena Akapus, mosumai me Jutia,
11Hisa mopasuaja, molavi na sahesahei Paul, mositapuna hajiri ra havena me ra ena, moaso, Na Talume Tapu moaso palahi, “Paleara Ju me Jeru-salem tehajiri na tajua hina sahesahe, teravia me ra lolopohitupu.”
12Hisa teroho na sanu naa, hije, ra tanoho hina vanua rnono, totuha Paul mosavano me Jerusalem.
13Natuha Paul moaso liliu, “Sura sava ototahi, otoveau ajomi tahajia palea? Avavanao suri na hajiriau, sura mate mono me Jerusalem suri na hisei Moli Iesu.”
14Hisa tosapinisi vea motoho, sori na tuhae toaso, “Ra sanu Atua momejeira, motahonai temalua.”
15Tau na rani natuha, toveisuri ra pilaja sanu, tosahe me Jerusalem.
16Valura uluo hi Iesu hi Seseria telaho valuija: telavi valuira na tajua motea, Mneson hi Saiprus, na varie Kristian, totoho valuia.
17Hisa tomalua me Jerusalem ra Tuahaja telavija me na ejieji.
18Inovi maa Paul valuija movano sura reni Jemes: ra varese hina lotu vunuvunu natuha.
19Tau moaso mera tuana, movaraira ra sanu vunuvunu Atua moyera mera lolopohitupu me na pilana varao.
20Hisa terohoe, teaso tahonai me Atua, teaso mea, “Oreni, tuaha, movisa tauni ra Ju terohoroho, tehau haua me na Leo.
21Teroho suriho, oip-ise ra Ju vunuvunu me ra lolopohitupu tejuri Moses, oiaso, Tetena tave ra matura, tetena vera sanu ra Ju tevera.
22Motoma? Na vau tesihuhurahi suria teroho pa oimalua.
23Oivei na sanu naa totuhaho suria: Ra tajua movate teaso tivei na sanu suri Atua;
24Oilavira, oiveho oivoe valuira, oivolira, sura tesori ra sanu teaso, sura teututusi: natuha ra tajua vunuvunu tepinisi ra sanu tesataharahu terohora suriho, maa oilaho tataholo, oiroho na Leo.
25Suri ra lolopohitupu isei terohoroho, touli me toaso mine tesavei na sanu naa, maa tetena tieli ra sanu hina popora, na jae, na visihona sanu tahamauri telihoe, na veiveileo mono.”
26Natuha Paul molavira tajua, inovi maa movea movoe valuria, moruhusahamai me na pea hina Lotu hira Ju sura pise ra rani hina lolosso voevoe tesori, hisa terahu ra pilara rahuvuso.
27Na pohi molimaraverua mosori, ra Ju hi Esia, terenia me na pea hina lotu tevera tajua na lolora tehahara, telavia.
28Teaso, “Tajua hi Israel, ototuiturituaja. Inie na tajua isei mojijira tajua, na Leo, na Vonae naa; mono, molavi ra tajua hi Kris me na pea hina Lotu, movei na vonae tapu naa moso.”
29(Suria mine terenia valui Trovimus hi Evisus me na vanua, isei teninima Paul molaviaae)
30Ra tajua vunuvunu tepuripuri, terovo huhurahi: telavi Paul, telavi tuhea me na pea hina Lotu: tetilihoro.
31Temeje na veimeteia, maa na Varese hira tahajumu morohoe, ra tajua Jerusalem temeje na jumu.
32Vileahi molavi ra tahajumu me ra varese hira, morovo mera: hisa tereni na varese hira tahajumu tesori na losi Paul.
33Natuha na Varese tahajumu mosumai taroroi, molavia, moaso tehajiria hira asi morua: motuhae inie isei, movei na sava.
34Valura vau tevaraia motea, valura tevaraia motatea: suria mosapinisi roho taharahu suri na rorora, moaso telavia me na pea hauhaua.
35Hisa momalua me ra valavala, ra tahajumu tepalae suria na vau temeje veioso mea.
36Suria na vau telaho tahuna, teaso pati, “Turea.”
37Hisa telavi Paul me na pea hauhaua moaso me na Varese tahajumu, “Ameje na aso meho.” Inie moaso, “Oipinisi na loei Kris?”
38“Iniho na tajua Ijipt isei mine movei na jumu, oilavi ra tahaoso ra tauni movate me na Tano-Oru?”
39Maa Paul moaso, “Inau na Ju hi Tarsus, na vanuai Silisia, na tajua hina vanua tahajia: atuhaho, oijuriau aaso me na vau.”
40Hisa motami Io, Paul momaraha me na vusuhana valavala, motataa. Hisa tetoho tamautu tohova, molalaa mera me na loei Hipru, moaso.
Currently Selected:
Ra Vei Hira Yarisula 21: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
