2 Timote 4
4
SOPENA 4.
1Avaraiho suria me na pahoi Atua me na Moli Iesu Kristo, isei moilailahi pa ra tahamauri me ra tahamate me na rani momalua me na vonana;
2Oilalaa na Leo, oivavanao tuitui; oiuma, oipise valui na aso tamautu me na leo tahonai.
3Suria na rani imalua pa ihisa tesameje na pisahi tahonai, tevoro pa ra sanu oso, telavi pa ra tijer ra tari palaira, tememeho;
4Tetapura tahaperehera ture na taharahu, tevano me ra susuhi tahamine.
5Maa iniho Timote oitapumu mata niho susuhi, oivusoi ra sanu hauhaua, oivei na varao hina missonare; oivei na pilam varao vunuvunu.
6Suriau, avavanao sura tevivijahi nau, na rani hina seu mule motaroroi.
7Ajumu na jumu tahonai mine; asori na seu rovorovo, ataharahu me seu rohoroho.
8Taupa na matamata hina mauri tataholo tomolohotiau, na Moli na tahailailahi tataholo morahu meau me na rani natuha: mosarahu meau haseu maa me ra tajua vunuvunu temeje na sena malua.
9Oihauhaua tapusi na numai meau;
10Suria Temas, momanomano ra sanu hina ulu, morovo tureau. Movano me Tesalonaika, Kreskes movano me Kaletia, Taitus movano me Talmatia.
11Luk hasa tomotoho meau. Oilavi Mark, lavia numai valuiho; suria mopinisi na tuiturituau me na pilau varao.
12Aisula Taikikus movano me Evisus.
13Na visivisiu ajuria me Troas me na peai Karpus, me na rani oinumai oilavia valuiho, me ra pepe, me ra pina hina uliuli.
14Aleksanter na tahavarao hina sule kuprum motapusi na vei leelee na pilau varao; na Moli movolia pala na pilana varao.
15Oimata niho mea: suria mohusahusahi ra seja lalaa.
16Me na rani aaso liliu majiha, saitea moturitoho meau, maa hire vunuvunu tejuriau. Amatapisi me Atua mosaevia mera.
17Maa na Moli tomotoho meau, moveau ahauhaua: sura teroho na pisahi hiu, me ra lolopohitupu terohoe: Molavililiu nau me na vavana laion.
18Mono na Moli mosanjuriau me ra sanu oso vunuvunu, molaviau ajolo me na vonana tailahi: na aso tahonai mea tuitui. Amen.
19Oivarai Priska me Akuila ameje ra sanu tahonai temalua merarua, me ra uluo hi Onesivorus.
20Erastus tomotoho me Korinth: maa Trovimus ajuria me Miletum morojo.
21Oihauhaua tapusi na numai mine na rani hina orua. Upoulos, Poutes, Linus, me Klautia me ra Tuahaja vunuvunu temeje ra sanu tahonai temalua meho.
22Na Moli Iesu Kristo tomotoho valui na talumemu. Amen.
Currently Selected:
2 Timote 4: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
