1 Timote 1
1
SOPENA 1.
1Paul, na Varisula hi Iesu Kristo suria Atua na pilaja Tahajolo movaraia, me Moli Iesu Kristo, isei tomejeia.
2Me Timote, matuu me na rohoroho: Motahonae Atua Tamaja, me Kristo Iesu na pilaja Moli moaso tahonai meho, mo-lolo-malumu meho, morahu na lolotamautu meho.
3Atuhaho, palahi atuhaho mine me na rani aitoho me na rio me Masitonia, sura toho me Evisus, suria amejeiho oivarai ra valura tajua tesapise na leo tahahavui e na leo nonoho.
4Tesaroho ra sau e na asoaso suri na vuhii suria na aso palahi movei na asotipa, maa mosavera tehauhaua me na rohoroho.
5Me na semu lalaa oisiaso raha na meje hina lolovoevoe, me na matuna-lolo-tahonai, me na rohoroho taharahu.
6Suria valura tajua tesalavi ra sanu naa, telaho ara me ra sanu tipa.
7Temeje hire ra tijer hina leo hauhaua, maa tesapinisi ra leo teaso, tesapinisi ra sanu teaso nie.
8Topinisi na leo hauhaua motahonai vai te tajua movei tahonai nie.
9Topinisi na leo hauhaua mosatoho suri ra tajua tataholo maa tomotoho suri ra tajua tahapahilu me ra tajua tesarohoe, me ra tajua-sa-lotu, me ra tahaoso, me ra tajua tahaninima-oso, me ra tajua tahaninima pahilur me ra tajua tahaveioso me ra tamara me tinara, me ra taha-losimete na tajua,
10Me ra tajualeo e ra hajaeleo, me ra tahavei na nahonahopoe, me ra tajua mopaliho na tajua, me ra tahalope, me ra tajua tahaaso-jihajiha e ra valura sanu te-sa-sanu hina pise-tataholo.
11Na pise majamaja hi Atua tahonai me ra pepe tapu moaso palahi.
12Aaso tahonai me Kristo Iesu, na Moli hija, isei moveau ahauhaua, suria moninima aitaharahu, suria moveau na Varisula,
13Maa me na esa aaso-oso suri Atua, aveioso me ra uluo hina, asarohoroho mea: maa na lolona momalumu meau suria asapinisi susuhi, asarohoroho aivea.
14Na tahonai hina Moli motavere meau; movea aita-vere hina rohoroho, hi na meje hi Iesu.
15Naano na aso taharahu, motahonai ra tajua vunuvunu telavia, Kristo Iesu mosumai me na ulu sura jolo ra tahaoso. Ihire aoso jivira.
16Maa na lolona momalumu meau sura Iesu Kristo mopisera tajua meau majiha paleve molohotira paravu mopiseau tahonai pala momejeira isei terohoroho mea sura lavi na mauri tui tui.
17Me na Moli Tuitui, na Moli Talume, tosarenia, na Atua motea, torahu na majamaja, na aso tahonai tuitui, tuitui.
18Aivaraiho ra sanu naa, matuu Timote, mopalahi teaso suriho me na esa, —oijumu na jumu tahonai
19Me na semu rohoroho, me na matuna-lolomu taho-nai; valura suria teputuhe ra sanu naa teveijere ra sera rohoroho.
20Ihire Haiminius me Aleksanta; hire alavira vano me na Tamate sura vera tepinisi tetena aso-oso suri Atua.
Currently Selected:
1 Timote 1: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
