2 Akorintu 13
13
Ikano coomalihera
1Vano ikwaha inhalaka uwa wuthotolani, inhala ukhala ikwaha yoneeraru. Yooriyeleliya yothene wowiira ikupaliye inlamuliya ukhaleliya usaahiti na atthu eeli atthuna araru.#13.1 Nlamulo 19.15 2Maana kahoolopolani, ikwaha yonayeeli waaryaka ni nyu. Vano ukati uhiryaka ni nyu, kinaantikhela ale yaakosile khalayi na akina ayo, wiira katuruwaka akinhala waanemecera, 3maana kinoona wiira nyu nnophavela usaahiti unthoonyera wiira Kristu phinoolumaca mwa mi. Uyo khahimwe ookenkennyaa wa nyu, nanso ri okuru iriyari inyu. 4Kristu aahookhomeliyaru muukenkennyani, ri nkumi nlattu wo'kuru ca Nluku. Ciicammo mwa Kristu hi niri ookenkennyaa, nanso ninaahala ukhala akumi n'uyo nlattu wo'kuru ca Nluku waacera nuurumeeleni.
5Mwiiwehawehe wakhala wiira khweli nri munroromeloni; mwiicuwelele mwasinene. Khannocuwela wiira Yesu Kristu ri mwa nyu? Mari uhiri wiira khankupaleeliye. 6Mi kinaakupali wiira nnaahala ucuwela wiira hi khanihimwe oohikupaleeliya. 7Vano hi ninaanvekela Nluku wiira nhipanke yoonanara, woohikhala paahi wiira nikupaleeliye, nanso wiira mpanke yoorera, hata ninookhalaru toko oohikupaleeliya. 8Kontha khiiwo inoolumehu yo woothiya, nanso ninooluma ikhweli. 9Maana ninaatteeliya nlattu wookenkennya wihu, wanwoonehuni nnari oolipa. Vano ninoolepelani wiira munnuwe munnepani. 10Phimaana kiwantikhelakani nnya citthu nnya kinari uttayi wiira, kinari wakhiviru ni nyu, kihikela koonyokhani, toko ikuru cikivahilaya Apwiya, woohikhala wuukwanyulacani, nanso wuulipihani.
Isalamu coomalihera
11Asunnaka, mothene mmo mi kinawuleehani, mwaavye ukhala omaana, nlipiherane, nkhalane moopuwelo mamoca, nkhale mumpuhani. Ni Nluku o nifento ni o mpuha, nohala ukhala ni nyu. 12Nsalamihane ntthu ni nkhwawe ni nifento nittakattifu.
13Attakattifu othene anawusalamihani.
14Nnema na Apwiya Yesu Kristu, nifento na Nluku, ni waatana wo Nnepa Nttakattifu, cikhale ni nyu othene.
Currently Selected:
2 Akorintu 13: NNI
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
