Jon Ọ̀rọ̀ Iṣaaju
Ọ̀rọ̀ Iṣaaju
Ìwé Jona yàtọ̀ sí àwọn ìwé wolii yòókù. Ìwé yìí sọ ìtàn ohun tí ojú wolii kan, tí ń sá fún àṣẹ Ọlọrun rí. Ọlọrun rán an lọ sí ìlú Ninefe, olú-ìlú ilẹ̀ Asiria, tí àwọn ará ibẹ̀ jẹ́ ọ̀tá aṣekúpani fún àwọn ọmọ Israẹli. Ṣugbọn lọ́kàn Jona ó gbàgbọ́ pé Ọlọrun kò ní pa ìlú náà run bí ó ti ń lérí. Nítorí náà, Jona kò fẹ́ lọ sí Ninefe. Lẹ́yìn ọpọlọpọ nǹkan tí ojú rẹ̀ rí, ó lọ jíṣẹ́ tí Ọlọrun rán an. Nígbà tí àsọtẹ́lẹ̀ rẹ̀ kò ṣẹ, ó takété sí àwọn eniyan yòókù.
Ìwé yìí fi ìfẹ́ Ọlọrun sí àwọn ẹ̀dá rẹ̀ hàn ketekete. Ní pataki jùlọ, ó fi Ọlọrun hàn gẹ́gẹ́ bí Ọlọrun onífẹ̀ẹ́ ati aláàánú ati pé ó tẹ́ ẹ lọ́rùn kí ó dáríji ọ̀tá àwọn eniyan rẹ̀ kí ó sì gbà wọ́n là, ju pé kí ó fìyà jẹ wọ́n, kí ó sì pa wọ́n run lọ.
Àwọn Ohun tí ó wà ninu Ìwé yìí ní Ìsọ̀rí-ìsọ̀rí
Ìpè Jona ati bí ó ti kọ̀ láti jẹ́ ìpè náà 1:1-17
Jona ronu piwa da ó sì rí ìgbàlà 2:1-10
Iṣẹ́ ìdájọ́ Ọlọrun fún àwọn ará Ninefe 3:1-10
Àánú Ọlọrun lórí Ninefe 4:1-11
Currently Selected:
Jon Ọ̀rọ̀ Iṣaaju: YBCV
Highlight
Share
Copy
Want to have your highlights saved across all your devices? Sign up or sign in
Yoruba Bible Crowther Version © The Bible Society of Nigeria, 2012.