DIPESALEMA 93
93
Morena ke kgosi
1Morena ke kgosi,
o kgabile ka botlotlehi;
matla ke seaparo sa hae
le leqhama la hae.
O tiisitse lefatshe,
le ke ke la sisinyeha.
2Terone ya hao haesale e tiya
ho tloha kgalekgale,
haesale o le teng
ho tloha mehleng ya kgalekgale.
3Dinoka di a tlala, Morena,
dinoka di a hwasa,
dinoka di a duma.
4O matla ho feta diaduma,
diaduma tsa metsi a lewatle,
o matla ho feta maqhubu a lona;
Morena ya hodimodimo o matla.
5Ditemoso tsa hao
di tshepahala haholo;
ntlo ya hao
e tshwanelwa ke kgalalelo,
kamehla le mehla, wena Morena.
Currently Selected:
DIPESALEMA 93: SSO89SO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used by permission. All rights reserved.
