DIPESALEMA 121
121
Morena ke molebedi wa hao
1Sefela sa ho nyolohela Jerusalema.
Mahlo a ka a tadima dithabeng;
ekaba thuso ya ka e tla tswa kae?
2Thuso ya ka e tswa ho Morena,
ya entseng mahodimo le lefatshe.
3A ke ke a tlohela leoto la hao,
a le tlohella ho thella,
molebedi wa hao a ke ke a otsela.
4Ruri molebedi wa Iseraele
ha a otsele, ha a kgalehe.
5Morena ke molebedi wa hao,
Morena ke moriti wa hao
ka letsohong la hao le letona.
6Tsatsi le ke ke
la o ntsha kotsi motsheare,
leha e le kgwedi bosiu.
7Morena o tla o sireletsa,
a o sireletse bobeng bohle,
a baballe bophelo ba hao.
8Morena o tla o lebela
ha o eya le ha o kgutla,
ho tloha jwale le kamehla yohle.
Currently Selected:
DIPESALEMA 121: SSO89SO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1989. Used by permission. All rights reserved.
