Нехемия 10
10
1Мөрленген құжатта мына кісілердің аттары жазылған:
«Аймақтың әкімі Ахалиях ұлы Нехемия.#10:1 1:1,11.
Седекиях, 2Сераях, Азариях, Еремия,#10:2 Еремия пайғамбар (Ерм 1:1) емес. 3Пашхур, Амариях, Малқиях, 4Хатуш, Шебаниях, Маллух, 5Харым, Меремот, Абадиях, 6Даниял, Гиннетон, Барух, 7Мешулам, Абиях, Миямин, 8Мағазиях, Билғай, Шемаях. Бұлар — діни қызметкерлер.
9Леуіліктер:
Азаниях ұлы Ешуа, Хенададтың ұрпағы Бинуй, Қадмиел 10және олардың руластары: Шебаниях, Ходия, Келита, Пелаях, Ханан, 11Миха, Рехоб, Хашабиях, 12Зақур, Шеребиях, Шебаниях, 13Ходия, Бани, Бенину.
14Халықтың басшылары:
Парош, Пахат-Моаб, Елам, Затту, Бани, 15Буни, Азғад, Бебай, 16Адониях, Бигуай, Адин, 17Атер, Езекия, Азур, 18Ходия, Хашум, Бесай, 19Хариф, Анатот, Небай, 20Мақпияш, Мешулам, Хезир, 21Мешизабел, Садық, Ядуа, 22Пелатиях, Ханан, Анаях, 23Ошия, Хананиях, Хашуб, 24Халохеш, Пилха, Шобек, 25Рехум, Хашабнах, Мағасиях, 26Ахиях, Ханан, Анан, 27Маллух, Харым, Бағанах.
28Енді біздер — халықтың қалған бөлігі: діни қызметкерлер, леуіліктер, қақпа күзетшілері, әншілер, ғибадатхана қызметшілері және Құдайдың Таурат заңына бағынып айналадағы халықтардан бөлініп кеткен басқалардың бәрі өз әйелдерімізбен, осы Келісімнің мазмұнын түсіне алатын ұл-қыздарымызбен бірге 29аттары аталған өз ағайындарымыз — елдің жетекшілерімен бірігіп төмендегі антты беріп серттесеміз. Құдайымыздың Өзінің қызметшісі Мұса арқылы табыстаған Таурат заңына бағынып, Жаратушы Тәңір Иеміздің барлық өсиеттерін, шешімдерін және ережелерін сақтап, орындайтын боламыз. Осыларды орындамайтын әрбіреуімізді Құдайдың қарғысы атсын!#10:29 5:12-13; Заң 27:15-26; 29:12-14; Шеж2 15:13-14; Жыр 118:106.
30Біздер осы елде тұрып жатқан басқа халықтармен қыз алысып, қыз беріспейміз деп уәде береміз.#10:30 Мыс 34:16; Заң 7:3; Езр 9:12-14.
31Егер елде тұрып жатқан басқа халықтар демалыс күні және өзге де қасиетті күндері не бұйымдарын, не азық-түліктерін сатуға әкелетін болса, біз оларын сатып алмаймыз.#10:31 13:15-22; Мыс 20:8-11; Ерм 17:19-27.
Әр жетінші жылы егін екпейміз әрі сол жылы барлық қарыздарды кешіреміз.#10:31 Мыс 23:10-11; Леу 25:1-7; Заң 15:1-2.
32Жылына бір рет Құдайымыздың үйіндегі қызметтің қажеті үшін мысқалдың үштен біріндей мөлшерде күміс беріп тұруды өз міндетімізге аламыз.#10:32 Мыс 30:11-16. 33Осы қаржымен нан тартулары, ұдайы ұсынылатын астық тартуы және түгелдей өртелетін құрбандықтар үшін, демалыс күндері, әр айдың алғашқы күні және тағайындалған басқа да мейрам күндері ұсынылатын сый-тартулар үшін, ерекше қасиетті сый-тартулар үшін, Исраилдің күнәларының құнын өтеп, күнәнің арамдығынан тазартатын құрбандықтар үшін,#10:33 Леу 24:5-9; Рул 4:16; 28:1-29; 29:1-39. әрі Құдайымыздың киелі үйіндегі басқа да жұмыстар үшін қажетті шығындар өтелмек.
34Біздер — діни қызметкерлер, леуіліктер және халық жыл сайын тағайындалған уақыттарда отқа жағылатын ағаш отынды әр әулеттің қашан әкелетінін белгілеу үшін жеребе тастадық. Осы отындар шалынған құрбандықтар мен басқа да сый-тартулардың Тауратта жазылған нұсқауға сәйкес Құдайымыз Жаратқан Иенің киелі үйінің алдындағы құрбандық үстелінде өртеліп ұсынылуы үшін қолданылмақ.#10:34 13:31; Леу 6:12-13; Еш 9:27.
35Жыл сайын егістік жерлерімізден әрбір жеміс ағашымыздан жинаған өнімнің алғашқы бөлігін Жаратқан Иенің үйіне алып келуге міндеттенеміз.#10:35 Мыс 23:19; Заң 26:2.
36Таурат заңында жазылғанға сәйкес, тұңғыш ұлдарымызды, табын-отарларымыздағы малдарымыздың ең алғашқы төлдерін Құдайымыздың киелі үйіне, онда қызмет етіп жүрген діни қызметкерлерге алып келетін боламыз.#10:36 Мыс 13:1,11-13; Рул 3:40-48.
37Бұдан басқа диірменде тартылған алғашқы ұннан пісірілген нанды,#10:37 Рул 15:20-21. астығымыздың өнімінің алғашқы бөлігін, әрбір жеміс ағашымыздың алғашқы мәуесін, жүзім шырынымыз бен зәйтүн майымыздың алғашқы бөліктерін Құдайымыздың киелі үйінің қоймаларын басқаратын діни қызметкерлерге алып келетін боламыз. Біз жұмыс істейтін барлық елді мекендеріміздегі жер өнімінің он бөлігінің бірін жинаумен айналысатын леуіліктерге соларды әкеліп беретін боламыз. 38Леуіліктер өнімнің он бөлігінің бірін қабылдап тұрған кезде, Һароннан тараған діни қызметкер олармен бірге болуға тиіс. Леуіліктер сол жиналғанның он бөлігінің бірін Құдайымыздың киелі үйіне, ондағы қойма бөлмелеріне алып баратын болады. 39Себебі исраилдіктер мен леуіліктер астық, жүзім шырыны және зәйтүн майының тартуларын қасиетті ғибадатхананың қойма бөлмелеріне апаратын болады. Сол жерде арнайы ыдыстар, міндеттерін атқаратын діни қызметкерлер, қақпашылар және әншілер болады.
Осылайша біз Құдайымыздың киелі үйін қамқорлықсыз қалдырмаймыз».
Currently Selected:
Нехемия 10: КК 2010
Highlight
Share
Copy
Want to have your highlights saved across all your devices? Sign up or sign in
© Киелі Кітап, Қазақша аудармасы және көркемделуі «Орта Азия баспасы ЖШС», 1993, 1996, 2000, 2010, 2015, 2021.
