Даниял 10

Халықтардың және аспандағы күштердің өзара күресі

1Парсы патшасы Кирдің Бабылға билік құрған үшінші жылы#10:1 Яғни б.з.д. 537 ж. Сол кезде исраилдіктердің алғашқы тобы өз еліне қайтты (Езр 1:5,11). Белшазар деп те аталған Даниялға Құдайдың хабары жетті. Осы шынайы хабар үлкен соғыс, ауыр кезең туралы болды. Даниял бір көрініс көріп, сол хабар туралы түсінік алып, мәнін ұқты.

2Сол күндері мен, Даниял, үш апта бойы қайғырып, 3дәмді тағамдардан, ет пен шараптан бас тарттым. Сонымен қатар толық үш апта бойы денеме иісмай жақпадым.#10:3 Денеге иісмай жағу денсаулыққа пайда тигізумен қатар ежелде қуаныштың белгісі де болатын (Жыр 44:8). Сондықтан адамдар қайғырған кезде иісмай жағудан бас тартатын.

4Бірінші айдың жиырма төрті күні#10:4 Ежелгі Исраилдің күнтізбесі бойынша жылдың бірінші айы Наурыз мерекесінің шамасында басталатын. Сол айда халық Құтқарылу мейрамын тойлап, Құдайдың ата-бабаларын Мысырдағы езгіден құтқарып, алып шыққандығын еске алатын (Мыс 12:2-3,6-13,24-27). үлкен дарияның, яғни Тигр өзенінің, жағасында тұр екенмін. 5Басымды көтеріп қарсы алдыма көз салсам, ақ бәтестен киім киген,#10:5 Ежелгі діни қызметкерлер киетін ақ бәтес киімдер Құдай алдында пәк таза жүру керектігін білдіретін (Мыс 28:39-41; Леу 16:3-5). белін саф алтын#10:5 Немесе: Уфаз алтынынан жасалған. (Уфаз: Опырдың (яки: Офирдің) өзге аты болуы ықтимал. Опыр: ежелде жылтыраған саф алтынымен танымал болған, Шығыс Африкада не Оңтүстік Арабияда орналасқан жер: Шеж2 8:18.) белбеумен буған біреуді көрдім. 6Оның денесі зүбәржат атты жылтыраған асыл тас#10:6 (Мыс 28:20; Ән 5:14; Езк 1:16) Яки: хризолит; немесе: топаз. сияқты, жүзі найзағайдың жарқылындай, көздері жалындаған алаулар іспетті, қол-аяғы жылтыратылған қоладай жалтырап тұрды. Ал даусы үлкен тобырдың даусындай гүрілдеді.

7Сол көріністі жалғыз мен, Даниял, ғана көрдім. Қасымда болған адамдар оны көрген жоқ, бірақ олар зәрелері ұшып, қашып, тығылып қалды. 8Осылай жалғыз қалған мен осы ұлы көріністен көз алмадым. Қатты әлсіреп, өңім құп-қу болып, дәрменсіз қалдым. 9Мұнан кейін әлгі хабаршының сөйлеген даусын естідім. Естіген кезде мен есімнен танып, жерге етпеттей жата кеттім.

10Бірақ бір қол денеме тиіп, мені дірілдеген күйімде төрттағандап тұрғызды. 11Сол хабаршы былай деді:

— Уа, Даниял, Құдайға өте ұнамды жан,#10:11 Яки: Даниял, (айрықша) қымбатты жан (9:23; 10:19). айтатын сөздерімді мұқият тыңдап, ұғып ал! Мен саған жіберілдім, енді түрегел! — Ол осыны айтып жатқанда мен дірілдеп орнымнан тұрдым.

12Содан соң ол сөзін жалғастырып былай деді:

— Қорықпа, Даниял. Себебі сен сол мәселені түсінуге ұмтылып, Құдайыңа мойынсұнып сиына бастаған алғашқы күні-ақ мінажатың Құдайдың құлағына жеткен еді. Мен осында сол мінажатыңа бола келіп отырмын.

13Ал парсы патшалығының рухани әміршісі#10:13 Бұл шайтанның атынан парсы патшалығына әсер етіп жатқан жындардың күшті басшысы болса керек (Иш 24:21; Еф 6:11-12). маған жиырма бір күн бойы қарсы шығып, жолымды бөгеді. Сонда бас періштелердің бірі, Михайл,#10:13 Немесе: Сонда рухани әміршілердің бір басшысы, Михайл (10:21; 11:1; 12:11; Аян 12:7). маған көмекке келді. Себебі парсы патшасы мені жібермей бөгеп жатты.#10:13 Немесе: Мен оны сол жерде парсы патшалығының рухани әміршісімен тастап кеттім. 14Енді мен саған келешекте халқыңмен не болатынын түсіндіруге келдім. Сен көретін көрініс алдағы заманға қатысты.

15Ол маған осыларды айтқан кезде мен басымды жерге дейін иіп, үнсіз қалдым. 16Кенеттен адам баласына ұқсаған біреу ерніме саусағын тигізді.#10:16 Немесе: Кенеттен адамның қолына ұқсаған бір нәрсе ерніме тиді (10:10,18). Сонда мен алдымда тұрған хабаршыға#10:16 10:5-6,11. былай дей бастадым:

— Мырзам, мен көрген көріністен қатты қиналып, әбден дәрменсіз болып қалдым. 17Қалайша мен, жай пендеңіз, сізбен сөйлесе аламын, мырзам? Күш-қуаттан айырылып, демімді әзер алып тұрмын. — 18Сонда адам баласына ұқсаған әлгі хабаршы маған тағы да саусағын тигізіп, күш-қуат дарытты да былай деді:

19— Еш нәрседен қорықпа, Құдайға ұнамды жан! Аман-есен, күшті де батыл бол! — Ол маған осылай айтып тұрған кезде күш-қуатым артып, оған былай дедім:

— Мырзам, сіз маған күш-қуат дарытқандықтан, айтпақ болғандарыңызды айта беріңіз! — 20Оның жауабы мынау болды:

— Менің өзіңе неге келгенімді білесің бе? Жуырда мен Персияның рухани әміршісімен күресуге қайтып барамын. Мен кеткеннен кейін Грекияның рухани әміршісі де келетін болады. 21Бірақ алдымен мен саған «Ақиқат кітабында»#10:21 12:1; Мыс 32:32; Жыр 138:16. не жазылғанын айтып беремін. Сенің халқыңды қорғаушы бас періште Михайлдан#10:21 Немесе: халқыңды қорғаушы рухани әміршілерің Михайлдан (10:13). өзге сол рухани әміршілерге қарсы тұрып, мені қолдап-қуаттайтын ешкім болмайды.

Currently Selected:

Даниял 10: КК 2010

Highlight

Copy