MATHIUS, NOPUKU AFASAO SORE, 6.
NOPUKU AFASAO SORE, 6.
1FATSHIGEIA acowa pe acowa natshicina kavage tshowa karofa emoa tagata, pe acre kowcitia acowa; pe tshowa magane hepra, Tamanowa taragi sekatufwa acowa fakamata iateia,
2Ma ane nei, pe akoi kavage karofa tshou, natshicina kapuia tupu emoa akoi iateia, hepe magane o tagata arotorea erua ia tafare mori, ma i aretu iateia, keimna tagata kabisa iacre iateia. Tamari avau koutucua iacowa, Acre nokamo tshare fakamata.
3Kaia pe akoi keitufwa karofo tshou natshicina tshou norima masui keiro taha tshou norima matou keimna.
4Pe tshou karofa keimna komuni, pe Tamau nakacitia ane mune, aia ana kai ioria akoi imoa tagata.
5¶ Akoi pe akoi komori natshicina magane hepe magane o tagata arotorea erua; acre acitiafakarafia keimasike keimori ia tafare mori, ia tafatacega o aretu ma, pe tagata kacitia acre. Tamari avau koutucua iacowa, Acre nakomo tshare fakamata.
6Kaia akoi pe akoi komori, fano ia nontafa tshou fare, ma wamuri akoi pofna ta feitoca tshou, mori ia Tamau aia nofo komuni, na Tamau aia nokowcitia komuni, aia kafakamata akoi emoa tagata.
7Kaia pe acowa komori, natshicina outucua ma outucua foci afasao ana, hepe magane o tagata pouri; ma acre kamintua Atua kafakarogona acre ma, tshare afasao palo acre nokoutucua.
8Natshicina acowa magane hepe acre; Ma Tamanowa nikeiro ane iotshi acowa acitiafakarafia mokagi acowa nogia, aia iateia.
9Hepe afasao nei mori acowa; Tamanomi taragi, Teigo tapu.
10Tshou tavaka komai, tagata fakarogona tshou afasao ia fanua wararonei hepe magane ia taragi.
11Tufwa acime iranei tshome akai o nopoge ma nopoge.
12Touwaki nori maganisa tshome, hepe acime touwaki nori o maganisa o tagata iacime.
13Natshicina arafia acime ia teretu o karasia, kaia kapare acime ia ane isa iotshi; ma tshou ko tavaka, ma tomatua, ma nokabisa, tau ma tau, Amen.
14Ma pe acowa natshicina nori o amaganisa o togata, Tamanowa ia taragi foci kanatshicina nori o amaganisa tshowa;
15Kaia pe acowa senatshicina towaki nori o amaganisa o tagata, Tamanowa foci kanatshicina towaki nori o amaganisa tshowa.
16¶ Foci, pe acowa kopari natshicina tshowa magane hepe tagata arotorea erua;
17Kaia akoi pe akoi kopari iamosia tshou ouru, ma koukou tshou foimata;
18Pe tagata kaicitia akoi acre sekeiro akoi kopari, kaia ia Tamau aia nokonofo emuni, ma Tamau aia nakacitia emune kaiioria akoi emoa tagata.
19¶ Natshicina fakatupuria iacowa toutokogane erefia ia takere wararonei, iai secebini ma tagi koiauiai ane, iai ma tagata tshigo keifasia ma kotshigo.
20Kaia fakatupuria toutokogane erefia iacowa ia taragi, iai secibini ma tagi seiauiai ane, iai ma tagata tshigo seifasia ma sekotshigo ane;
21Ma ia none tshowa aniamane konofo, iai foci tshowa roto konofo iateia.
22Ta merama o ta notshino ko ta foimata; pe tshowa foimata ko totonu erefia, iotshi tshou notshina kamna kofonu merama.
23Kaia pe tshou foimata koisa, iotshi tshou notshino kamna kofonu apouri. Pe ta merama konofo ia takoi kopouri, pouri sa kopuri tira!
24¶ Jimra tasi tatane fitshicou kovere ia tagata sore erua; ma pe aia feimacowa tasi, aia acitiafakarafia tasi foci; mo aia konofo mukei ia vere o tasi, ma natshicina foci. Acowa puspusi kovere ia Atua pe acowa kovere ia aneamane.
25Ia ane nei, avau koutucua iacowa, Natshicina kamintua sore ia aneamouri tshowa, taha acowa kakeina, mo taha acowa kanumea; mo ia notshino tshowa, taha acowa kataka aia. Tiaha aniamouri ko sore, mo akai ane sore, ma ta notshinoko sore mo tumega?
26Kowcitia acowa amanu o ta vavania, ma acre sepesia nohua, mo acre sefakatupuria takai efare; kaia Tamanowa ia taragi fakeina acre. Tiaha acowa erefisa mo acre erefisa?
27Akai tasi o acowa tomatua ia tshana fenagaro; fakatapuria tasi nopoge foci ia anopoge tshana?
28Ma tiaha fenagarowa kumtacu tumega jimra? Kamintua acowa ta naviavia o tagerakau, acre somo erefia; acre severe mana, ma sepenpena tumega;
29Kaia avau koutucua iacowa, Pe Solomon tatane sore ia tshana nibisa sore sekataka mana i umega erefisa hepe tasi o acre.
30Ma pe Atua takaia hepra tagaferi o tagerakau, aia kosomo iranei, ma aratu tugia aia ia toumu, aia katakaia acowa mokagi acre, mo, Tshowa fakarogrogo fakasisi ana?
31Ia ane nei natshicina acowa kamintua ia fenagorowa nokoutucua, Taha acime kakeina? mo, Taha acime kanumea? mo, Ia taha acime kataka ia tshinome?
32Ma tagata o fanua pouri sara ane iotshira; ma Tamanowa ia taragi keiro acowa acitiafakarafia ane iotshira.
33Kaia acowa kanogia mokagi ta vaka o Atua, ma ioria tshana iacowa; ma aia katufwa foci iacowa ane iotshira.
34Ia ane nei natshicina acowa kamintua ia fenagarowa ane tsha aratu, ma aratu kamintua ia fenagaro anea mane tshana. Nopoge ma nopoge kamintua ane isa nalupai tshana.
Currently Selected:
MATHIUS, NOPUKU AFASAO SORE, 6.: ANT
Highlight
Share
Copy
Want to have your highlights saved across all your devices? Sign up or sign in