JOANES, NOPUKU AFASAO SORE, 6.
NOPUKU AFASAO SORE, 6.
1WAMURI ane iotshi ra, Iesu nisua nofokagi tatai Calili, aia tatai Taibirias.
2Ma tagata nalupai su nifetacina niroro wamuri aia, ianei acre neicitia, tshana avere sore aia neimna iacre nimace.
3Iesu nifitshi ta ora, ma aia neinofo iai ia niana tagata aia nifakairo.
4Ta paska tasi tacripoga o tagata Juteia koitata.
5¶ Iesu nifakatariaga tshana foimata iai, ma neicitia tagata nalupai su nifetacina iateia, aia neitucua ia Filipos, Wehe acime fakamata bret, pe acre iotshi keina?
6Afasao ra aia neitucua keirogona tshanafasao iateia, ma aia nikeiro taha aia keimna.
7Filipos nifasao iateia, Pe fakamata bret tu huntret pene mone iateia aia sisi ana iacre, pe acre iotshi kakeina fakasisi ana.
8Tasi niana Tagata aia nifakairo, Antreus, ta noso o Saimona Pitrus, neitucua iateia,
9Tasi atumtane icunei nakamo erima barle bret, ma erua sisi eika, kaia taha acre ia tagata nalupai su hepra?
10Iesu neitucua, Koutucua tagata konofo iraro. Nalupai tagaferi ia none iai. Ma takou neinofo iai, nitawa acre itata faiv thousant.
11Iesu niamo ta bret, ma wamuri aia nimori iateia, aia nitoututshia terowiai ia niana tagata aia nifakairo, ma niana tagata aia nifakairo nitarowiai iacre neinofo iai; ma foci o ta eika, sore hepe acre iotshi acitiafakarafia.
12Wamuri acre nimakona, aia neitucua ia niana tagata aia nifakairo, Fetacina anopitopito konofo, pe setowaki acre.
13Anera acre nifakatapuria acre, ma nifau twelv akato ia nopitopito o ta faiv barle bret neinofo wamuri acre nikeinace.
14Iai takou ra wamuri acre neicitia ane sore ra Iesu neimna, neitucua, Tinei tamari ta profeta ra, aia acre nakasara komai ia fanua wararonei.
15¶ Iai Iesu nikeiro acre acitiafakarafia koromai keipurutshia aia, keimna aia tasi teriki sore, aia nifeke foci ia ta ora aia ana.
16Fiafi nimai iai milow, niana tagata aia nifakairo niteifo ia tatai,
17Ma acre nisopo ia tavaka tasi, ma nisua ia tatai hepe fano ia Kaperneum. Ma milowa apouri nimai, ma Iesu semai mana iacre.
18Tatai nimasike sore iai, ma tumtagi sore nisau.
19Wamuri acre nisua ia afoi itata meil toru mo efa, acre neicitia Iesu nokatakaro ia tatai, ma nokomai itata ta vaka; ma acre nimtaca.
20Kaia aia neitucua iacre, Avou aia; natshicina kumtacu.
21Wamuri ra acre nibisa arafia aia ia tavaka; ma milowa tavaka nitau ia fanua acre niroro iateia.
22¶ Nopoge wamuri ra, tagata nikotu nofokagi tatai neicitia pe jimra tasi foci tuporuku iai, kaia aia tasi ana ra niana tagata aia nifakairo niroro ia aia, ma pe Iesu sefano ia tuporuku ia niana tagata aia nifakairo, kaia niana tagata iai nifakairo nisua ana;
23(Kaia faru foci aporuku niromai nifeke Taibirias itata ta none acre nikeina te bret iai, wamuri ta Teriki sore nimori iateia;)
24Wmuri tagata iai neicitia Iesu kojimra iai, ma niana tagata aia nifakairo foci kojimra, acre foci nisopo avaka, ma niromai ia Kaperneum, nokosara Iesu.
25Wamuri acre neicitia aia ia nofokagi tatai, acre neitucua iateia, Teriki fakairo, inaia akoi nimai icunei?
26Iesu nifasao iacre neitucua, Tamari, tamari, avou koutucua iacowa, Acowa kosara avou, jimra ia avere sore acowa neicitia, kaia ianinei acowa nikeina o ta bret ma nimakona.
27Natshicina vere ana ia akai iouiai ma kobune, kaia ia akai nokonofo ia ania mouri tou ma tou, aia ta Nontariki o tagata katufwa iacowa; ma aia Atua ta Mana neinagi iateia.
28Iai acre neitucua iateia, Taha acime kavere, pe acime kavere avere o Atua?
29Iesu nifasao neitucua iacre, Tenei ta vere a Atua, pe acowa fakarogrogo aia, Atua nikowna.
30Wamurira acre neitucua iateia, Taha ta vere sore akoi fakariake pe acime makacitia, ma fakarogrogo akoi? taha akoi vere?
31Tamanome nikeina mana ia tugogou; hepe aia neisereace, Aia neitufwa iacre bret ia taragi keina.
32Iesu neitucua iacre, Tamari, avou koutucua iecowa, Moses setufwa acowa ta bret tera ia taragi; kaia tshaku Tata kotufwa iacowa ta bret tamari ia taragi.
33Ma ta bret o Atua aia kofanifo ia taragi, ma kotufwa anea mouri iafanua wararonei.
34Iai acre neitucua iateia, Teriki sore, tou ma tou tufwa acime bret tera.
35Iesu neitucua iacre, Avou ta bret o anea mouri; aia komai iatavou setshitogi foci, ma aia fakarogrogo avou sekamate tavai focia.
36Kaia avou neitucua iacowa, Pe acowa foci nakacitia avou, ma sefakarogrogo.
37Iotshi tagata ta mana tufwa avou komai iatavou, ma aia komai iatavou avou setowaki watafa.
38Ma avou nifanifo ia taragi, jimra keivere hepe avou acitiafakarafia, kaia hepe aia acitiafakarafia nikowna avou.
39Ma tenei ta Mana nikowna avou acitiafakarafia, pe iotshi tagata aia neitufwa avou, avou setatuke tasi, kaia katshicitshia aia foci ia nopoge wamuri.
40Ma tenei aia nikowna avou acitiafakarafia, pe iotshi tagata kowcitia ta Nontariki, ma fakarogrogo aia, ma koamo ania mouri tou ma tou, ma avou katshicitshia aia ia nopoge wamuri.
41Wamuri ra takou Juteia saciria fakarogana, iateia ianei aia neitucua, avou ta bret nifanifo ia taragi.
42Acre neitucua, Tinei Jesu, ta nontariki o Josef, tshana ta mana ma nana acime keiro, mo? ma tiaha aia neitucua avou nifanifo taragi?
43Iesu nifasao neitucua iacre, sefasao saciria gnusgnusu ia acowa.
44Jimra tasi tatane komai iatavou, pe ta Mana, aia nikowna avou setorotshia mai aia, ma avou katshicitshia aia ia nopoge wamuri.
45Aia neiserea i aprofeta, Ma kafakairo acre o Atua. Hepra iotshi tagata neirogona ma nifakairo o ta Mana, koromai iatavov.
46Jimra pe tatane tasi nakacitia ta Mana, kaia aia ana komai ia Atua, aia nakacitia ta Mana.
47Tamari, tamari, Avou koutucua iacowa, Aia pe fakarogrogo avou nakoamo ania mouri taragi.
48Avou ta bret tera o ania mouri.
49Tamanowa nikeina mana ia tugogow, ma acre nimate.
50Tenei ta bret nokofanifo taragi, pe tagata makeina aia, ma semate.
51Avou ta nokomouri bret aia nifanifo taragi; pe tatane tasi kakeina bret tenei, aia kamouri tou ma tou; ma ta bret avou katufwa aia tshaku konouri, aia avou katufwa ia anea mouri o fauua wararonei.
52Tagata Juteia nifiatu acre macre nokoutucua, Feifacowa tatane nei tufwa acime tshana konouri keina?
53Iesu neitucua iacre, Tamari, tamari, avou koutucua iacowa, Pe acowa sekeina ta konouri, o ta Nontariki o tagata, ma inumea tshana toto, ania mouri senofo iacowa.
54Tagata keina tshaku konouri, ma numea tshaku toto, nakoamo anea mouri tou ma tou; ma avau katshicitshia aia ia nopogi wamuri.
55Ma tshaku konouri tamari takai, ma tshaku toto ane konumea tamari.
56Aia keina tshaku konouri, ma numea tshaku toto, konofo ia avou, ma avou ia aia.
57Hepe ta Mana nokomouri nikowna avou, ma avou komouri ia ta Mana; hepe aia keina avou, aia komouri ia avou.
58Tenei ta bret tera nifanifo taragi; jimra hepe tamanowa nikeina mana ma acre nimate; aia keina bret tenei kamouri tou ma tou.
59Ane iotshi ra aia neitucua ia tafare mori, hepe aia nifakairo ia Kaperneum.
60Nalupai o niana tagata aia nifakairo, wamuri acre neirogona ra, neitucua, Tenei tafasao muke; akai tomatua fakarogana ra?
61Iesu nikeiro ia tshana roto, pe niana tagata aia nifakairo nifasao fakasisi nifiatu iateia, aia neitucua iacre, Feifacowa tshowa roto nimy ane ra?
62Tiaha pe acowa kacitia ta Nontariki o tagata kanace iluga ia none iai aia neinofo mokagi?
63Ta nokano imna acowa komouri; ta konouri seasitu iateia: afasao avou koutucua iacowa, acre nokano, ma acre mouri.
64Kaia faru acowa sefakarogrogo avou. Ma Iesu nikero ia nontafito akai o acre sefakarogrogo, ma aia fakareresia aia.
65Ma aia neitucua, Anera avou neitucua iacowa, pe jimra tatane tasi tomatua komai iatavou, pe setufwa tomatua iateia ia tshaku Tata.
66¶ Wamuri nopogi ra nalupai o niana tagata aia nifakairo natshicina aia, ma seroro foci wamuri aia.
67Iai Iesu neitucua ia ta twelv, Acowa foci karoro mo?
68Saimona Pitrus nifasao iateia, Teriki sore, acime karoro ia akai? Akoi nakoamo afasao o anea mouri tou ma tou.
69Ma acime fakarogrogo, ma keiro ta mari pe akoi ta Kristo tera, ta Nontariki o Atua komouri.
70Iesu nifasao iacre, Konapecua avou nokoamo acowa ta twelv, ma tasi o acowa aia ko hepe tiapolo?
71Aia nifasao o Jutas tatane Kariot ta nontariki o Saimona, mafakareresia aia, aia tasi o ta twelv.
Currently Selected:
JOANES, NOPUKU AFASAO SORE, 6.: ANT
Highlight
Share
Copy
Want to have your highlights saved across all your devices? Sign up or sign in