JOANES, NOPUKU AFASAO SORE, 2.
NOPUKU AFASAO SORE, 2.
1IA nopoge toru wamuri ra tasi ta fakavageina iai ia Kena o Calili; ma nana o Iesu aia iai.
2Iesu, ma niana tagata aia nifakairo, neitapa ia ta fakavageina.
3Wamuri tshare weina nimasa nibune, ta nana o Iesu neitucua iateia, Tshare weina kobune.
4Iesu neitucua iateia. Fine, taha avou kamna iatakoi? tshaku our semaimana iateia.
5Tshana nana neitucua ia afitshicow, Taha aia koutucua iacowa, imna.
6Iai neinage ono taganea tavai o afatu, hepe ta neipenpena o tagata o Juteia, tasi ma iotshi nifonu ia feften mo twenty calun.
7Iesu neitucua iacre, Tefia tavai ma regia ia aganea ko fonu, ma acre neitefia acre iotshi nifonu tuci.
8Aia neitucua iacre, Regia faru milow, ma amo aia ia ta tereki o ta tacripoga ma acre niamo.
9Iai ta teriki o ta tacripoga nisopotshia tavai tera neimna ia weina, ma sekeiromana none wehe acre niamo aia kaia afitshicow niamo ta vai nikeiro, ta teriki o ta tacripoga nitapa tatane niarafia tshana fene,
10Ma neitucua iateia, Tagatotshi mokagi keitufwa weina erefia, ma wamuri tagata nakanumea nalupai, acre eitufwa weina isa, kaia akoi neinage ta weina erefisa ia milow.
11Tenei nontafito o avere Iesu neimna ia Kena o Calili, ma tagata aia nifakairo nifakarogrogo aia.
12¶ Wamuri ra aia nifano ia Kaperneum, aia ma tshana nana, ma niana anoso, ma niana tagata aia nifakairo; ma acre neinofo iai nopoge toru ana.
13¶ Tacripoga o tagata o Juteia ta paska ko itata, ma Iesu nifano ia tumrai Jerusalem,
14Ma aia neicitia ia ta fare sore o Ihova acre nifakamata akurimatou, ma asip, ma afoitu, ma acre niamo mone itoga ma ioria aia ia mone o fanua Juteia nokonofo iai;
15Wamuri aia neimna ane tshi o atouka sisi, aia nitacaretshia acre iotshi watafa tafare sore o Ihova, ma asip, ma akurimatou; ma neiregia amone o takou iai, ma tutueaceafata niare;
16Ma neitucua iacre nifakamata afoitu, Amke anera watafa; natshicina emna ta fare tshaku Tata, ta fare fakamata anea mane.
17Niana tagata aia nifakairo nimentua aia neisereace, Ta acitiafakarafia o tshou fare nikeina avou.
18Iai tagata Juteia nifasao neitucage iateia, Taha ane sore akoi tufwa acime, pe akoi nokomna ane iotshi ra.
19Iesu nifasao neitcage iacre, takaroiai tafare sore nei, ma ia nopoge toru avou penpena erefia aia foci.
20Tagata Juteia neitucua, Forte ma seks atou neimna tafare sore o Ihova nei, ma akoi tomatua mo jimra imna tasi foce ia nopoge toru?
21Kaia aia nifasao o tafare sore o tshana notshino.
22Ia ane ra wamuri aia nimasike ia tagata nimate, niana tagata aia nifakairo nimentua aia neitucua ra iacre, ma acre nifakarogrogo ta fasao tapu neisereace, ma ta fasao Iesu neitucua.
23¶ Nopogera aia neinofo ia Jerusalem ia tacripoga o ta paska, ia nopogi o ta tacripoga, nalupai nifakarogrogo ia tshana neigo, wamuri acre neicitia avere sore aia neimna.
24Kaia Iesu setufwa aia iacre, ma aia nikeiro tagatotshi.
25Aia secitiafakarafia tasi keitucua aia magane o tagata, ma aia nikeiro aroto o tagatotshi.
Currently Selected:
JOANES, NOPUKU AFASAO SORE, 2.: ANT
Highlight
Share
Copy
Want to have your highlights saved across all your devices? Sign up or sign in