JOANES, NOPUKU AFASAO SORE, 10.
NOPUKU AFASAO SORE, 10.
1TAMARI, tamari, avou koutucua iacowa, Aia sefana ia tafeitoca o takoupa tsha asip, kaia kokava ia teretu foci, aia tagata tshigo ma amke ane tsha faruke.
2Kaia aia fano ia tafeitoca aia tatane kairatshia asip.
3Iateia tatane kafakatshigeia tafeitoca tshiki aia; ma asip fakarogona tshana noreo, ma aia tapa niana asip ia niare neigo, ma arafia acre watafa.
4Anopoge aia arafia watafa niana asip, aia nokofano mokagi acre, ma asip kororo wamuri aia; ma acre keiro tshana noreo.
5Ma acre seroro wamuri tatane acre sekeiro, kaia acre fura iateia ma acre sekeiro ta noreo o tagata acre sekeiro.
6Tenei fakatagasia Iesu nifasao iacre, kaia acre sekeiro mana afasao o anea aia nifasao iacre.
7Iai Iesu nifasao iacre foci, Tamari, tamari, Avou koutucua iacowa, Avou tafeitoca o asip.
8Iotshi niromai mokagi avou, acre tagata tshigo ma amke ane tsha faruke; kaia asip sefakarogona acre.
9Avou tafeitoca; ia avou pe tatane tasi komai watakoro, avou kapare aia ia anea mouri, ma aia kamai watakoro ma kafano watafa, ma kakeina akai.
10Tagata tshigo semai, kaia keitshigo, ma keitaia komate, ma keitakaroiai; Avou komy keitufwa acre anea mouri, ma pe acre nakoamo aia sore su.
11Avou tatane erefia fatshigeia asip, tatane erefia asip kotufwa tshana ania mouri ia asip.
12Kaia aia konofo fetshicow ia fakamata ana, ma jimra tatane fatshigeia asip, jimra tshana asip, aia nokowcitia akuli eiro nokomai, ma aia feke asip, ma kotere, ma akuli eiro kopurutshia acre ma fura asip.
13Ta fetshicow konofo ia fakamata ana kofura, ianei aia konofo ia fakamata ana, ma secitiafakarafia asip.
14Avou tatane erefia fatshigeia asip, ma keiro tshaku asip, ma acre keiro avou.
15Hepe ta Mana keiro avou, hepe ana avou keiro ta Mana; ma avou nagi iraro tshaku anea mouri ia asip.
16Ma faru foci asip tshaku, acre sekonofo ia takoupa nei; acre foci avou koamo, ma acre karagono tshaku noreo; ma iotshi kanofo ia tasi takoupa, ia tasi tatane fatshigeia acre.
17Anera tshaku Tata acitiafakarafia avou, ianei avou nagi iraro tshaku anea mouri, pe avou amo foci aia.
18Jimra tatane tasi amke aia iatavou, kaia avou ana nagi aia iraro. Avou tomatua keinagi aia iraro, ma avou tomatua amo foci aia. Tenei fakairo tshaku Tata nakatufwa avou.
19¶ Iai tagata Juteia nivaia foci ia afasao ra.
20Ma nalupai o acre neitucua, Aia nakoamo tasi agelo isa, ma aia kowkali; Tiaha acowa fakarogona aia?
21Faru foci neitucua, Afasao ra jimra afasao o aia nakoamo tasi agelo isa. Konapecua tasi agelo isa imna kuara foimata o acre foimata pouri?
22¶ Ane nei nimai ia Jerusalem, ia tacripoga o penpena erefia, ma aia ia nopoge mukaligi.
23Ma Iesu nitakaro ia ta fare sore o Ihova, ia ta tapona tafeitoca o Solomon.
24Nopogera tagata Juteia niromai kofori aia, ma neitucua iateia, Efia nopoge akoi imna acime seiro erefia? Pe akoi ta Kristo, koutucua iacime totonu.
25Iesu nifasao iacre, Avou neitucua iacowa, ma acowa sefakarogrogo; avere avou imna ia ta neigo o tshaku Tata, acre fakairo acowa iatavou.
26Kaia acowa sefakarogrogo, ma acowa jimra o tshaku asip, hepe avou neitucua iacowa.
27Tshaku asip fakarogona tshaku noreo, ma avou keiro acre, ma acre kororo wamuri avou;
28Ma avou tufwa iacre anea mouri tou ma tou; ma setakaroiai acre tou ma tou, foci jimra tasi tomatua amke acre watafa tshaku norima.
29Tshaku Tata aia neitufwa avou acre, aia kosore kage iotshi, ma jimra tasi tomatua keiamke acre watafa norima o tshaku Tata.
30Avou ma tshaku Tata kotishana.
31Iai tagata Juteia niamo afatu foci keitshiria aia.
32Iesu nifasao iacre, Nalupai avere erefia avou fakariake iacowa; koutucua tasi o avere ra acowa tshiria avou iateia?
33Tagata Juteia nifasao iateia, nokoutucua, ia tasi tavere erefia acime setshiria akoi, kaia ia tafasosa tapu; ma ianei akoi tasi tatane, imna akoi Atua.
34Iesu nifasao iacre, Aia neisereace ia tatapuria tapu tshowa, mo, Avou neitucua, Acowa tetua?
35Pe aia nitapa acre tetua, iacre tafasao o Atua nimai, ma afasao tapu neisereace taru iouiai.
36Koutucua acowa o aia ta Mana neimna erefia ma nikowna wararonei, Akoi tafasosa tapu; ianei avou neitucua, Avou ta Nontariki o Atua?
37Pe avou severe avere o tshaku Tata, natshicina fakarogrogo avou.
38Kaia pe avou imna, pe acowa sefakarogrogo avou, fakarogrogo avere, pe acowa keiro ma fakarogrogo pe ta Mana konofo ia avou, ma avou ia aia.
39Anera acre nifatshigeia foci keipurutshia aia, kaia aia nifeke niare norima,
40Ma nifano foci nofokagi Jortan ia none iai Joanes mokogi nibaptiso; ma aia neinofo iai.
41Nalupai nifetacina iateia ma neitucua, Joanes seneimna avere sore, kaia ane iotshi Joanes nifasao o tatane nei komari.
42Ma nalupai tagata nifakarogrogo aia iai.
Currently Selected:
JOANES, NOPUKU AFASAO SORE, 10.: ANT
Highlight
Share
Copy
Want to have your highlights saved across all your devices? Sign up or sign in